Mik. 5:3 - Bhaibheri Rakachena muChindau

³ Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Mik. 5:3 Iomraidhean Croise

1 Madzi. 14:16

Unozosiya vaIsuraeri ngendaa yezvishaishi zvaJerobhoamu, uwo wakashaisha emene, nokuita kuti vaIsuraeri vashaishe.”

2 MaKro. 30:7

Musadai ngemadzibaba enyu nehama dzenyu, avo vaiya vasina gonda kunaMambo Mwari, Mwari wemadzibaba avo, ndizvo wakavaita kuti vaparadzwe, kudai ngezvomunoona.

Nduyo 67:3

Vanhu ngavakukudze, A Mwari; vanhu veshe ngavakukudze.

Isa. 11:11

Ngeiro zuva Mambo Mwari unozotambanudza nyara yakezve kwechipiri kutora avo vakasara vevanhu vake, kubva Asiria, Egipite, Phathrosi, Khushi, Eramu, Shina, Hamathi nezviwi zvoruandhle.

Isa. 49:6

Unoti, “Chiri chiro chakareruka kakurutu kuti uite muranda wangu kumirudza madzinza aJakobe, nokupetudza vakasara vaIsuraeri; ndinozokupira kuti uite kujeka kwemadzinza, kuti ruponeso rwangu rugume kumagumo enyika.”

Jer. 23:5

“Ringira, mazuva anouya chokwadi,” unoronza Mambo Mwari, “Apo ndinozomirudzira Dhavhidha Dai rakarurama, naye unozotonga paumambo ngokungwara; unozotonga ngokutonga kwakanaka, nokuita zvakarurama munyika.

Jer. 31:1

Mambo Mwari unoronza, “Panguva iyo ndinozoita Mwari wamarudzi eshe aIsuraeri, navo vanozoita vanhu vangu.

Ezek. 34:16

Ndinozotsvaka akarashika, ndinozopetudza awo akapauka, ndechisunga awo akaguka, ndechigwinyisa akarembedzeka, asi ndinozouraya akakora neanesimba. Ndinozoagutisa ngokutonga kwakanaka.

Hos. 11:8

“Ndingakuita marekererenyi, Efuremu? Ndingakupira ngenjiranyi, O Isuraeri? Ndingakuita maitirenyi kuti udai ndiAdhima? Ndingakuita mabatirenyi kudai ndiZebhoimu? Mwoyo wangu unotenderudzwa mukati mwangu; nyasha dzangu dzinokura mukati mwangu.

Hos. 2:14

Ndizvo, ringira, ndinozomunyengerera, ndimuunze mushango, ndechiereketa kumwoyo wake.

Hos. 2:9

Ndizvo ndinozohwirira nokutora koroni yangu ngomukuwo wayo, nevhini rangu ngenguva yaro, ndinozomutorera mamviri angu emakwai norukangaza rwangu, zvaakapuwa kufukidza utitinini hwake.

Amo. 5:15

Nyenyai zvakashata, mude zvakanaka, muemese kutonga kwakanaka pamusiwo; pamweni Mambo Mwari, Mwari wehondo, unozoitira nyasha avo vanosara vaJosefa.

Mik. 4:4

asi vanozogara veshe uwo nouwo pashi pomuvhini wake nepashi pomuonde wake; akuna naumwe unozovatyisidzira; ngokuti muromo waMambo Mwari wehondo waereketa.

Mik. 4:7

Wakaremara ndinozomuita wakasara, nouwo wakadzingirwa kuretu aite dzinza rakagwinya; naMambo Mwari unozotonga padera pavo muMutunhu Zioni, kubvira zvino metsa mhera nariini.

Mik. 5:7

Zvino vakasara vaJakobe vakatendenedzwa ngevanhu vakawanda vanozodai ngebeto rinobva kunaMambo Mwari, kudai ngegukura mbuwa padera pomwenje, risikaemeri munhu, nokuti kugarira vakororo vevanhu.

Mik. 5:8

Nepakati pemadzinza vakasara vaJakobe vakatendenedzwa ngevanhu vakawanda, vanozodai ngemhondoro iri pakati pemhuka dzomugwasha, kudai ngemhondoro itsva iri pakati pemitanga yemakwai, iyo, apo yechihamba ngepakati, inotsikatsika pashi nokubaura kuita zvigurwa, pasina naumwe unganunura.

Mik. 6:14

Unozodya, asi auzoguti; kunozoapo kun'en'enwa ngenzara mukati mwako; newe unozotutira, asi azvizongwaririki; neicho chounongwarira ndinozochipira kushoti.

Mik. 7:13

Asi nyika inozoita dongo ngendaa yevagari vayo, ngendaa yemichero yezviito zvavo.

Zek. 10:6

Neni ndinozogwinyisa mhatso yaJudha, ndinozoponesa mhatso yaJosefa. Ndinozovapetudza, ngokuti ndinenyasha kwevari, navo vanozoita kudai ngevendisikazi kuramba; ngokuti ndiri Mambo Mwari, Mwari wavo, neni ndinozovapingura.

Mateu 1:21

Unozobara mukororo; newe unozodudza zina rake kuti Jesu ngokuti ndiye unozoponesa vanhu vake kubva kuzvishaishi zvavo.”

Mateu 12:50

Ngokuti uwo unozoita kuda kwaBaba angu vari mudenga, ndiye munun'una wangu, hanzvadzi namai.”

Mateu 25:40

NaMambo unozopingura echiti kwavari, ‘Ngegwinyiso ndinoti kwomuri, kudai ngezvemwakaita kuneumwe weava vadoko vanun'una vangu, mwakachiita kwendiri.’

Varoma 8:29

Ngokuti avo vaakazia ngekaretu wakavaemesa ngekaretu kuti vatodzaniswe nomuemo woMukororo wake, kuti iye aite dangwe pakati pehama dzakawanda.