Mik. 4:9 - Bhaibheri Rakachena muChindau

⁹ Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?

Mik. 4:9 Iomraidhean Croise

Isa. 13:8

Navo vanozohuta, kurumiwa nokugomera kunozovabata; vanozorumiwa kudai ngomukadzi unobereka. Vanozoringirana vechishamiswa umwe noumweni; hope dzavo dzinozodai ngemirazvu yomuriro.

Isa. 21:3

Ndizvo chiunu changu chazara ngokutambudzika; kurwadza kwandibata kudai ngokurwadziwa kwomukadzi unobereka; ndakotamiswa pashi andikoni nokuzwa; ndakangaidzwa ndizvo andikoni nokuona.

Isa. 26:17

Kudai ngomukadzi unemimba, unobinyauka nokuchema mukurwadziwa kwake, apo mukuwo wake waapasinde, ndizvo zvetaiya taita pamberi pako, O Mambo Mwari.

Jer. 22:23

O iwewe unogara muRebhanoni, unonasira chisaki chako pakati pemisidhari, kukungurirwa kwakaitawani, apo kurwadziwa kunozouya padera pako, kwakadai ngokurwadziwa kwomukadzi apo oobereka!

Jer. 30:10

“Asi ngendaa yako usatya, iwewe muranda wangu Jakobe, unoronza Mambo Mwari, usapera simba, O Isuraeri; ngokuti, ringira ndinozokuponesa kubva kuretu, nevorudzi rwako kubva kunyika youbatwa hwavo. Jakobe unozopetuka mukuzorora, echigarisika, apana naumwe unozomutyisa.

Jer. 4:21

Ndinozoona chioniso, ndizwe kurira kwegwama mukuwo wakadini kureba?

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 48:41

Madhorobha anozotorwa, nekamba dzinozobatwa. Mwoyo yengwazi dzeMoabhi ngezuvaro inozodai ngomwoyo womukadzi uri mukurwadziwa kwake kwokubereka.

Jer. 50:43

Mambo weBhabhuroni wakazwa mashoko ndivo nenyara dzake dzakapera simba; kurwadziwa kwakakura kwakamubata, kurwadziwa kwakadai ngekwomukadzi uri mukubereka.

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Chi. 4:20

Wakadzodzwa waMambo Mwari, femero rokupona kwedu, wakabatwa ngehunza dzavo, umwe uwo wetakati ndiye, “Pashi pebvute rake tinozopona pakati pemadzinza.”

Hos. 10:3

Ngokuti zvino vanozoti, “Atina mambo, ngokuti atityi Mambo Mwari; namambo ungatiitirenyi?”

Hos. 13:13

Kurwadziwa kwokubereka mwana kunouya padera pake, asi mukororo usikazi kungwara; ngokuti ngenguva kwayo aadziunzi pamuromo wendani.

Hos. 3:4

Ngokuti vaIsuraeri vanozogara mazuva akawanda vasina mambo, vasina mutongi, vasina mubairo, vasina muedzaniso wokudira, vasina efodi nokuti terafimu.

Mik. 5:3

Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Johani 16:21

Naapo dzimai roopotwa ngokubara rinotambudzika, ngokuti nguva yaro yaguma; asi rabara mwana, arichakarakadzi ngokurwadziwa, ngendaa yokudakara kuti munhu wabarwa munyika.

Chakapangijihwa 12:2

Waiya nemimba naye wakachema echirwadziwa ngokubara, nokurwadziwa ngokusununguka.