Mik. 4:7 - Bhaibheri Rakachena muChindau

⁷ Wakaremara ndinozomuita wakasara, nouwo wakadzingirwa kuretu aite dzinza rakagwinya; naMambo Mwari unozotonga padera pavo muMutunhu Zioni, kubvira zvino metsa mhera nariini.

Mik. 4:7 Iomraidhean Croise

Nduyo 2:6

“Ndagadza mambo wangu paZioni, pamutunhu wangu wakachena.”

Isa. 16:5

zvino dendemaro rinozoemeswa munyasha dzinorudo mutende raDhavhidha, naye unozogara padera paro mukugondeka mutongi unotsvaka kutonga kwakanaka, naye echikasira kuunza kururama.

Isa. 24:23

Zvino mwedzi unozokangaidzwa, nezuva rinozotsverudzwa, ngokuti Mambo Mwari wehondo unozotonga paMutunhu weZioni nomuJerusarema, nepamberi pevasharuka vake uchaonisa uthende hwake.

Isa. 6:13

Kunyazwi rupande rumwe rwegumi rwechisara mukati mwayo runozopishwazve, kudai ngomutherebhinti nokudai ngomuokhi, uwo guri rawo rinosara rakaema apo unowisirwa pashi. Mbeu yakachena ndiyo guri rawo.”

Isa. 60:22

Umwe mudoko unozoita gumi remazana (1,000), nomudoko wokupedzisira unozoita dzinza rinesimba. Inini ndini Mambo Mwari; munguva yacho ndinozochiita ngokukasira.”

Isa. 66:8

Ndiani wambozwa chiro chakadai? Ndiani wamboona zviro zvakadai? Nyika ingaberekwa ngezuva rimwe here? Dzinza ringabarwa chiriporipo here? Ngokuti apo Zioni rarwadziwa ngokubereka, rakabereka vana varo.”

Ezek. 43:7

Wakati kwendiri, “Mukororo womunhu, iyi ndiyo ndau yedendemaro rangu, nendau yokutambararira tsoka dzangu, apo pendinozogara pakati pevanhu vaIsuraeri mhera nariini. Mhatso yaIsuraeri aichazosvipisi zina rangu rakachena, kunyazwi iyo nokuti madzimambo ayo, ngouhure hwayo, nokuti ngemiiri yakafa yemadzimambo ayo mundau dzayo dzakakwirira.

Dha. 2:44

Nomumazuva emadzimambo awo, Mwari womudenga unozoemesa umambo husikazoparadzwi, noumambo uhwu ahuzosiirwi vanhu vamweni. Hunozopwanya hweshe uhu umambo, nokuunza kumagumo, nahwo hunozoema mhera nariini;

Dha. 4:34

Naapo mukuwo uwo wapera, inini Nebhukhadhineza ndakamirudza madziso angu mudenga, nokupinimidza kwangu kwakauyazve kwendiri. Ndakakudza Uri-padera-pazveshe, ndikairikidza nokuremeredza Umwe unopona mhera nariini, uwo kutonga kwake kuri kutonga kusikaperi, noumambo hwake hunobvira kumubarirwana kuenda kumubarirwana.

Dha. 7:14

Kwakapuwa kwaari kutonga, nouthende, noumambo, kuti vanhu veshe, madzinza nendimi vamushandire. Kutonga kwake kutonga mhera nariini, akuzopindi, noumambo hwake huri husikazoparadzwi.

Dha. 7:27

Umambo noutongi noukuru hwoumambo pashi pedenga reshe zvinozopuwa kuvanhu vakacheneswa voUri-padera-pazveshe, uwo umambo hwavo huri umambo hwemhera nariini, noutongi hweshe hunozovashandira nokuvapurutana.’

Hos. 1:10

Asi uwandu hwevanhu vaIsuraeri hunozodai ngejecha reparuandhle, risikapimwi nokuti kuerengwa; kunozoitika kuti ndau apo pakaronzwa kwevari kuti, “Amuri vanhu vangu akadi,” apapo kunozoronzwa kwevari kuti, “Muri vakororo vaMwari unopona.”

Joeri 2:32

Zvino weshe uwo unokumbira ngezina raMambo Mwari unozoponeswa; ngokuti kuMutunhu Zioni nomukati mweJerusarema vachazoamwo avo vakapokonyoka, kudai ngezvaaereketa Mambo Mwari, nepakati pevakasara vanozoapo avo vaanodaidza Mambo Mwari.”

Joeri 3:17

“Ndizvo munozozia kuti inini Mambo Mwari, Mwari wenyu, ndinogara muZioni mutunhu wangu wakacheneswa. NeJerusarema rinozocheneswa, nevapara avachazombohambi kupinda ndimwo.

Obh. 1:21

Avo vakaponeswa vanozouya padera poMutunhu weZioni kutonga Mutunhu Isau; noumambo hunozoita hwaMambo Mwari.”

Mik. 2:12

Ngegwinyiso ndinozomuunganidza mweshe pamwepo, O Jakobe, ndinozounganidza veshe vakasara vaIsuraeri; ndinozovaisa pamwepo kudai ngemakwai ari muchibaya, nokudai ngezvifuyo zvemakwai pakati pemafuro awo; vanozoita bope guru ngouwandu hwevanhu.

Mik. 2:13

Umwe uwo unopwanya unozokwira pamberi pavo; vanozopwanya nokupinda ngepamusiwo, nokubuda ndipo. Mambo wavo unozohamba pamberi pavo, Mambo Mwari echivatungamirira.

Mik. 5:3

Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Zef. 3:13

Vakasara vaIsuraeri avazoiti zvakashata, nokuti kuereketa manyepo; norurumi runochengedzera aruzooneki mumuromo wavo. Zvino vanozodya nokuata pashi, akunazve unozovatyisidzira.”

Zef. 3:20

Panguva iyo ndinozomuunza kanyi, panguva apo pendinozomuunganidza; ngokuti ndinozomupa mbiri nokukudzwa pakati pevanhu veshe venyika, apo ndinozohwirinza ubatwa hwenyu pamberi pemadziso enyu,” unoronza Mambo Mwari.

Ruka 1:33

naye unozotonga padera pemhatso yaJakobe mhera nariini; noumambo hwake ahutongozoa nemagumo.”

Chakapangijihwa 11:15

Zvino ngirosi yechinomwe yakaridza hwama yayo, kwakazwika mazwi makuru mudenga echiti, “Umambo hwenyika hwaita umambo hwaMambo wedu nohwaKristu wake, naye unozotonga mhera nariini nariini.”