Mik. 4:3 - Bhaibheri Rakachena muChindau

³ Unozotonga pakati pevanhu vakawanda, nokukaraidza madzinza akagwinya ari kuretu; vanozopfura shoti dzavo kuita miromo yemapadza, nemikhondo yavo kuita mapanga okutongora; dzinza arichazomirudziri shoti kurwa nedzinza, nemadzinza aachazombodzidziri hondo;

Mik. 4:3 Iomraidhean Croise

Nduyo 46:10

“Nyararai muzie kuti inini ndini Mwari! Ndinokudzwa pakati pamadzinza, ndinokudzwa munyika.”

Nduyo 46:9

Unoita kuti kurwa kunyarare metsa kumagumo enyika; unogura uta, unoguragura mukhondo kuita zvigurwa; unopisha zvihlangu ngomuriro.

Nduyo 72:3

Matunhu ngaaunze kubudirira kwevanhu, nezvimitunhu, mukururama.

Nduyo 72:7

Mumazuva ake kururama ngakuwande, nouwandu hwokunyarara ngahuapo metsa mwedzi usisipo.

Nduyo 82:8

Miruka, A Mwari, tonga nyika; ngokuti madzinza eshe inhaka yako. Ngoma. Nduyo yaAsafi.

Nduyo 96:13

pamberi paMambo Mwari; ngokuti unouya, ngokuti unouya kootonga nyika. Unozotonga nyika ngokururama, nevanhu ngegwinyiso rake.

Nduyo 98:9

pamberi paMambo Mwari, ngokuti unouya kootonga nyika. Unozotonga nyika ngokururama, nevanhu ngokutonga kwakanaka.

Isa. 2:4

Unozotonga pakati pemadzinza, unozokaraidza vanhu vazhinji; navo vanozopfura mashoti avo kuita miromo yemapadza, nemikhondo yavo kuita mapanga okutongora; dzinza arizomirudziri dzinza shoti, avachazofundiswi hondo nariini.

Isa. 25:3

Ndizvo vanhu vakagwinya vanozokuirikidza, madhorobha emadzinza anotyisa anozokutya.

Isa. 51:5

Kururama kwangu kunokwedzera pasinde, noruponeso rwangu ruri munjira, nemioko yangu inounza kutonga kwakanaka kumadzinza. Zviwi zvinozoringira kwendiri, zvinozogondera kumioko yangu.

Isa. 60:12

Ngokuti dzinza nokuti umambo husikazokushandiri hunozopera; madzinza awo anozoparadzwa yaamho.

Isa. 65:25

Thika nekakwai zvinozofura pamwepo, mhondoro inozodya mwenje kudai ngekabi; asi bukuta rinozoita kudya kwenyoka. Azvizoremadzi nokuti kuparadza pamutunhu wangu weshe wakachena,” unoronza Mambo Mwari.

Isa. 9:7

Umambo hwake unozoramba wechikura, kuchaapo kunyarara kusina magumo padendemaro raDhavhidha nepaumambo hwake. Unozouemesa nokuugwinyisa ngokutonga kwakanaka nokururama, kubvira zvinopano mhera nariini. Kugwinyisisa kwaMambo Mwari wehondo kunozoita izvi.

Dha. 2:44

Nomumazuva emadzimambo awo, Mwari womudenga unozoemesa umambo husikazoparadzwi, noumambo uhwu ahuzosiirwi vanhu vamweni. Hunozopwanya hweshe uhu umambo, nokuunza kumagumo, nahwo hunozoema mhera nariini;

Hos. 2:18

Ndinozokuitira chitenderano ngeiro zuva nemhuka dzomushango, shiri dzomudenga, nezvinotamanda pamavhu; ndinozogura uta, shoti nehondo kubva munyika, ndechizoita kuti vaate pashi ngokungwaririka.

Hos. 2:20

Ndinozokutora kuti uite mukadzi wangu mukugondeka; newe unozozia Mambo Mwari.

Joeri 3:2

ndinozounganidza madzinza eshe nokuaunza muBani raJehoshafati; ndinozopinda mukutonga navo apo ngendaa yevanhu vangu nendaa yenhaka yangu Isuraeri, avo vevakaparadzira pakati pemadzinza. Vakagurirana nyika yangu,

Mik. 5:15

Nomukunyangadzwa nomuushungu ndinozounzidzira padera pemadzinza, awo asikazi kupurutana.”

Zek. 14:3

Zvino Mambo Mwari unozobuda pamberi, nokurwisa awo madzinza, kudai ngezvaanorwa ngezuva rehondo.

Zek. 8:20

Izvi ndizvo zvinoronza Mambo Mwari wehondo: “Vanhu vachauya vagari vemadhorobha akawanda;

Zek. 9:10

Ndinozogura ngoro dzinobva Efuremu, nemahachi ehondo kubva Jerusarema, nouta hwehondo hunozogurwa; naye unozopanga kuti kuapo kunyarara kumadzinza; nokutonga kwake kunozobva kuruandhle kuguma kuruandhle, nokubva kuRwizi kuenda kumagumo enyika.

Zvak. 17:31

ngokuti wakaemesa zuva raanozotonga ndiro nyika ngokururama ngouwo munhu waakagadza; ngouwo waakagwinyisa kuvanhu veshe ngokumumusa kubva kwevakafa.”

Chakapangijihwa 19:11

Ndakaona denga rakabeuka, ndikaona hachi rakachena! Mugadhi waro waizwi Unogondeka neUnegwinyiso, naye mukururama unotonga nokuita hondo.

1 Sam. 2:10

Magaa aMambo Mwari anozoparadzwa; Uripadera pezveshe unozotinhira kubva mudenga. Mambo Mwari unozotonga magumo enyika; naye unozopa simba kunamambo wake, nokukudza simba rowakadzodzwa wake.”