Mik. 4:2 - Bhaibheri Rakachena muChindau

² nemadzinza akawanda anozouya echizoti, “Uyai, ngatikwire kumutunhu waMambo Mwari, kumhatso yaMwari waJakobe; kuti atidzidzise njira dzake, nokuti tihambe ngenjira dzake.” Ngokuti kubva kuZioni kunozobuda kudzidziswa, neizwi raMambo Mwari rinozobuda kubva muJerusarema.

Mik. 4:2 Iomraidhean Croise

Nduyo 110:2

Mambo Mwari unozotumira mudondoro wesimba rako unobva muZioni. Tonga iwewe pakati pemagaa ako.

Nduyo 119:1

Vanomuchena avo vanenjira yakaperera, avo vanohamba mumupango waMambo Mwari.

Nduyo 119:171

Miromo yangu inozodurura kukudza, ngokuti iwewe unondidzidzisa zviemeso zvako.

Nduyo 122:1

Ndakadakara apo vakati kwendiri, “Ngatikwire kuenda kumhatso yaMambo Mwari!”

Nduyo 25:12

Ngouri munhuwo unomutya Mambo Mwari? Unozomudzidzisa njira yaanozotsanangura.

Isa. 2:3

Vanhu vazhinji vanozouya vechiti, “Uyai, ngatikwire kumutunhu waMambo Mwari, kumhatso yaMwari waJakobe, kuti atifundise njira dzake, nesu tihambe mumakwara ake. Ngokuti mupango unozobuda kubva muZioni, neizwi raMambo Mwari kubva Jerusarema.”

Isa. 54:13

Vana vako veshe vanozodzidziswa ndiMambo Mwari; nokubudirira kwevana vako kunozoita kukurutu.

Isa. 56:7

ava ndinozovaunza kumutunhu wangu wakachena, nokuvaita kuti vadakare mumhatso mwangu mwokukumbira; midiro yavo yokupisha nemibairo yavo inozoashirwa padera pearita rangu; ngokuti mhatso yangu inozodaidzwa kuti imhatso yokudira yevanhu veshe.”

Jer. 31:6

Ngokuti rinozoapo zuva apo varindi pevanozodaidza vari munyika yezvimitunhu yaEfuremu vechiti, ‘Uyai, tikwire Zioni, kunaMambo Mwari, Mwari wedu.’ ”

Jer. 42:3

Mambo Mwari, Mwari wako, ngaationese kwetinosisira kuenda nezvetinosisira kuita.”

Hos. 6:3

Ngatizie, ngatiangire kukwedzera kuti timuzie Mambo Mwari; kubuda kwake kwakagwinya kudai ngokuedza; unozouya kwetiri kudai ngemvura yokutanga inonaya, kudai ngemvura inodiridzira panyika.

Zek. 14:16

Zvino veshe vanosara vemadzinza akauya koorwa neJerusarema vanozokwira gore ngegore koodira Mambo, Mambo Mwari wehondo, nokungwarira mushongano wokudya wematende.

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Zek. 9:10

Ndinozogura ngoro dzinobva Efuremu, nemahachi ehondo kubva Jerusarema, nouta hwehondo hunozogurwa; naye unozopanga kuti kuapo kunyarara kumadzinza; nokutonga kwake kunozobva kuruandhle kuguma kuruandhle, nokubva kuRwizi kuenda kumagumo enyika.

Marku 16:20

Navo vakaenda, vakachumaira kundau dzeshe, Mambo echishanda pamwepo navo, echigwinyisa izwi ngemioniso yaiya navo.]

Ruka 24:47

nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema.

Johani 6:45

Kwakanyorwa muvaprofeti kuti, ‘Veshe vanozodzidziswa ndiMwari.’ Ndizvo munhu weshe wakazwa, akadzidza kubva kunaBaba, unouya kwendiri.

Johani 7:17

kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu.

Zvak. 1:8

Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika.”

Zvak. 13:42

Navo vechibuda, vanhu vakavapota kuti aya mazwi aereketwe kwavari ngeSabatha raiteera.

Varoma 15:19

ngesimba rezvioniso nemishamiso, ngesimba roMweya waMwari, kuti kubvira ngeJerusarema nokunharaunda dzaro metsa kuguma Iririkomu ndakanasa kuchumaira vhangeri raKristu.

Dhuto. 6:1

Zvino iyi ndiyo mipango nezviemeso nezvitongero, zvaakandipanga Mambo Mwari, Mwari wenyu, kuti ndimudzidzise, kuti muzviite muri munyika yomunoenda koogara nhaka yayo,