Mik. 4:10 - Bhaibheri Rakachena muChindau

¹⁰ Ita unorumwa mukubereka, O mwanasikana Zioni, kudai ngomukadzi wobereka; ngokuti zvino unozobuda kubva mudhorobha, newe unozogara murubaya; unozoenda Bhabhuroni. Apapo unozoponeswa; apapo Mambo Mwari unozokuripira kubva munyara yemagaa ako.

Mik. 4:10 Iomraidhean Croise

2 Madzi. 20:18

Vamweni vevakororo vako, avo vanoberekwa ndiwe, vanozotorwa; vanozoitwa mitenwa mungome yamambo weBhabhuroni.”

2 Madzi. 25:4

Zvino vakaputsa rusvingo rwedhorobha; mambo nevanhu veshe vokurwa hondo vakatiza usiku ngenjira yepamusiwo waiya pakati pemarukumbati mairi, waiya pasinde pomunda wamambo, kunyazwi vaKharadhea vaiya vakatendenedza dhorobha. Vakatiza ngenjira inoenda Arabha.

2 MaKro. 33:11

Ndizvo Mambo Mwari wakaunza padera pavo nduna dzehondo dzamambo weAsiria, avo vakabata Manase, vakamuisa makato eminzwa, vakamusunga ngemanguri esimbi, vakamutora kuenda naye Bhabhuroni.

2 MaKro. 36:20

Wakatora kuita hloko veshe muBhabhuroni vakapokonyoka kubva mukuurawa ngeshoti; naapo vakaita varanda vake nevevakororo vake metsa kutonga kwemadzimambo ePhesia,

2 MaKro. 36:23

“Unoronza izvi Sairusi mambo wePhesia: ‘Mambo Mwari, Mwari womudenga, wakandipa umambo hweshe hwenyika, naye wakandipanga kuti ndimuakire mhatso muJerusarema, riri muJudha. Kunyazwi ndiani uri pakati penyu wevanhu vake veshe, Mambo Mwari, Mwari wake, ngaagare naye! Ngaakwireyo.’ ”

Nduyo 106:10

Ndizvo wakavaponesa kubva munyara yegaa, nokuvasunhura kubva munyara dzegaa.

Isa. 43:14

Izvi ndizvo zvinoronza Mambo Mwari, Muripiri wenyu, Wakachena waIsuraeri, “Ngendaa yenyu ndinozotumira kuBhabhuroni, nokupwanyira pashi migogo yeshe, nokudaidzira kwevaKharadhea kunozopinduka kuita kuchema.

Isa. 45:13

Ndamirudza Sairusi mukururama, ndinozoruramisa njira dzake dzeshe; naye unozoaka dhorobha rangu, unozosunhura vabatwa vangu kuti vaende, pasina muripo nokuti mutengo,” unoronza Mambo Mwari wehondo.

Isa. 48:20

Budai kubva Bhabhuroni, tizai kubva kuvaKharadhea, daidzirai izvi ngeizwi rokudakara, daidzirai, tumirai nokumagumo enyika; ronzai kuti, “Mambo Mwari waripira muranda wake Jakobe.”

Jer. 13:4

“Tora bhande rounaro, riri pachiunu chako, umiruke, uende kurwizi runozwi Phara, urifishe apapo mubako rebuwe.”

Jer. 15:21

“Ndinozokununura kubva kunyara yewakashata, nokukuripira kuti ubve munyara yevanotyisa.”

Jer. 29:20

“Asi zvino, imwimwi mweshe voubatwa, avo vendakadzinga kubva Jerusarema kuenda Bhabhuroni, izwai izwi raMambo Mwari.

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 48:41

Madhorobha anozotorwa, nekamba dzinozobatwa. Mwoyo yengwazi dzeMoabhi ngezuvaro inozodai ngomwoyo womukadzi uri mukurwadziwa kwake kwokubereka.

Jer. 52:27

Namambo weBhabhuroni wakavachaya, akavauraya paRibra munyika yeHamathi. Ndizvo Judha wakapinda muusungwa kuitwa hloko kubanze kwenyika yake.

Hos. 1:10

Asi uwandu hwevanhu vaIsuraeri hunozodai ngejecha reparuandhle, risikapimwi nokuti kuerengwa; kunozoitika kuti ndau apo pakaronzwa kwevari kuti, “Amuri vanhu vangu akadi,” apapo kunozoronzwa kwevari kuti, “Muri vakororo vaMwari unopona.”

Hos. 13:13

Kurwadziwa kwokubereka mwana kunouya padera pake, asi mukororo usikazi kungwara; ngokuti ngenguva kwayo aadziunzi pamuromo wendani.

Hos. 2:14

Ndizvo, ringira, ndinozomunyengerera, ndimuunze mushango, ndechiereketa kumwoyo wake.

Mik. 5:2

“Asi iwewe, Bhetherehema Efratha, umwe wemadzinza madoko aJudha, kubva kwouri unozondibudira umwe unozoita mutongi muIsuraeri, uwo maambo ake ngeekaretu, kubva kumazuva ekaretu.”

Mik. 5:3

Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Chakapangijihwa 12:14

Asi mukadzi wakapuwa maphaphiro mairi egodzi guru, kuti ambururuke kuenda mushango kundau yake, paanorerwa mukuwo nemikuwo nehafu yomukuwo kubva kuhope yenyoka.