Mik. 4:1 - Bhaibheri Rakachena muChindau

¹ Mumazuva achauya mutunhu wemhatso yaMambo Mwari unozoemeswa padera pemitunhu, unozokwidzwa padera pezvimitunhu. Vanhu vanozopitipidzana kuenda kweriri,

Mik. 4:1 Iomraidhean Croise

Gen. 49:1

Zvino Jakobe wakadaidza vakororo vake, akati, “Dziunganidzenyi pachenyu pamwepo, kuti ndimuronzere izvo zvinozomugumira ngemazuva achauya.

Gen. 49:10

Ndonga youmambo aizobvi kunaJudha, nokuti mudondoro womutongi kubva pakati petsoka dzake, metsa auye Shiro; ndudzi dzevanhu dzichamuremeredza.

Nduyo 110:3

Vanhu vako vanozodzipira ngokuda pazuva rounozotungamirira hondo yako pamutunhu wakacheneswa. Kubva muchibereko chemangwanani, kudai ngebeto, utsva hwako hunozouya kweuri.

Nduyo 22:27

Veshe vokumagumo enyika vanozokarakadza, vahwirire kunaMambo Mwari. Mhuri dzeshe dzemadzinza dzinozodira pamberi pake.

Nduyo 48:1

Mambo Mwari mukuru, unosisira kukudzwa kakurutu, mudhorobha raMwari wedu. Mutunhu wake wakachena,

Nduyo 86:9

Madzinza eshe owakasika anozouya agwadame pamberi pako, A Mambo Mwari. Anozokudza zina rako.

Isa. 27:13

Ngeiro zuva gwama guru rinozoridzwa, naavo vaiya varashika munyika yeAsiria naavo vakadzingirwa munyika yeEgipite vanozouya koodira Mambo Mwari padera pomutunhu wakacheneswa muJerusarema.

Isa. 43:6

Ndinozoti dera, ‘Varekere;’ nokubani, ‘Usavarambidza;’ unzai vakororo vangu kubva kuretu, nevanasikana vangu kubva kumagumo enyika,

Isa. 49:6

Unoti, “Chiri chiro chakareruka kakurutu kuti uite muranda wangu kumirudza madzinza aJakobe, nokupetudza vakasara vaIsuraeri; ndinozokupira kuti uite kujeka kwemadzinza, kuti ruponeso rwangu rugume kumagumo enyika.”

Isa. 54:2

“Kudza ndau yetende rako, machira ougaro hwako ngaatambanudzwe; usatsonza; rebesa tambo dzematende ako, ugwinyise mbambo dzako.

Isa. 56:7

ava ndinozovaunza kumutunhu wangu wakachena, nokuvaita kuti vadakare mumhatso mwangu mwokukumbira; midiro yavo yokupisha nemibairo yavo inozoashirwa padera pearita rangu; ngokuti mhatso yangu inozodaidzwa kuti imhatso yokudira yevanhu veshe.”

Jer. 16:19

O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 3:17

Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 31:12

Vanozouya nokuemba vechidaidzira muurebu hweZioni, navo vanozojeka padera pounaku hwaMambo Mwari, padera pekoroni, pevhini, nemafuta, nepadera pemakonyana emitanga yen'ombe nemakwai; kupona kwavo kunozodai ngomunda wakadiridzirwa, avazoperizve simba.

Jer. 48:47

Asi ngamazuva okugumisira ndinozopetudzazve vakabatwa veMoabhi,” unoronza Mambo Mwari. Uku ndikwo kutongwa kweMoabhi.

Ezek. 38:16

Unozokwira kurwa nevanhu vangu Isuraeri, kudai ngegore rinofukidzira nyika. Mumazuva okupedzisira, ndinozokuunza wechirwa nenyika yangu, kuitira kuti vemadzinza vandizie, apo kubudikidza ndiwe, O Gogi, ndinozoonisa kucheneswa kwangu pamberi pemadziso avo.’

Ezek. 40:2

Wakandiunza muzvioniso zvaMwari kunyika yaIsuraeri, naye wakandigadzika pashi padera pomutunhu wakakwira yaamho, apo paiya nomuemo wakadai ngedhorobha ngokubani.

Ezek. 43:12

Ichi ndiwo mupango wetemperi; nyika yeshe padera pomutunhu nokuitendenedza inozoita yakachenesesa. Ringira, uyu ndiwo mupango wetemperi.”

Dha. 10:14

Zvino ndauyira kukudetsera kuti uzwisise zvinozoitika kuvanhu vako ngamazuva okugumisira. Ngokuti chiripo ngepamberi chioniso chemazuva awo.”

Dha. 2:28

asi uripo Mwari mudenga uwo unoonisa zvakafishika, naye wazvionisa kunamambo Nebhukhadhineza chinozoitika kumazuva okugumisira. Hope dzako, nezvioniso zvesoro rako pamubhedhi wako, ndizvo izvi.

Dha. 2:35

Zvino simbi, dongo, thusi, sirivha nomukore, zvakaputswa zveshe kuita zvigurwa, zvikadai ngemazungu embuwa yepachirimo; nedutu rakazvitora, nepezvakaenda azvizi kuoneka. Asi buwe iro rakawira muedzaniso rakakura kuita dunhu guru, rikazadza nyika yeshe.

Dha. 2:44

Nomumazuva emadzimambo awo, Mwari womudenga unozoemesa umambo husikazoparadzwi, noumambo uhwu ahuzosiirwi vanhu vamweni. Hunozopwanya hweshe uhu umambo, nokuunza kumagumo, nahwo hunozoema mhera nariini;

Dha. 7:14

Kwakapuwa kwaari kutonga, nouthende, noumambo, kuti vanhu veshe, madzinza nendimi vamushandire. Kutonga kwake kutonga mhera nariini, akuzopindi, noumambo hwake huri husikazoparadzwi.

Dha. 7:18

Asi vakacheneswa voUwo-Uri-padera-pazveshe vanozoashira umambo, vagare nahwo mhera nariini nariini.’

Dha. 7:22

metsa Musharuka weMazuva wakauya; zvino kutonga kwakapuwa kwevari vakacheneswa voUwo-Uri-padera-pazveshe, nomukuwo wakauya kuti vakacheneswa vatore nhaka.

Dha. 7:27

Umambo noutongi noukuru hwoumambo pashi pedenga reshe zvinozopuwa kuvanhu vakacheneswa voUri-padera-pazveshe, uwo umambo hwavo huri umambo hwemhera nariini, noutongi hweshe hunozovashandira nokuvapurutana.’

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Zek. 14:10

Nyika yeshe inozotsandurwa kuita rubaya kubva Gebha kuguma Rimoni ngokubani kweJerusarema. Asi Jerusarema richagara rakwirira pandau paro, kubvira paMusiwo Bhenjamini kuguma kundau yomusiwo wekaretu, kuguma paMusiwo wepaKhona, nokubvira paThawa raHananeri kuguma pokukamurira vhini ramambo.

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Zek. 8:3

Izvi ndizvo zvinoronza Mambo Mwari: Ndinozopetuka kuZioni, neni ndinozogara pakati peJerusarema; Jerusarema rinozodaidzwa kuti Dhorobha Rakagondeka, nomutunhu waMambo Mwari wehondo unozodaidzwa kuti mutunhu wakacheneswa.

Mar. 1:11

Ngokuti kubvira mukubuda kwezuva metsa kupota kwaro zina rangu iguru pakati pemadzinza; nokundau dzeshe mutombo wokupisha unegwema rakanaka unozopirwa kuzina rangu, nomunikero wakachena; ngokuti zina rangu iguru pakati pevemadzinza, unoronza Mambo Mwari wehondo.

Zvak. 2:17

“ ‘Mwari unoti, Mumazuva okupedzisira kunozoitika kuti ndinozodurura Mweya wangu padera pevanhu veshe, nevakororo venyu nevasikana venyu vanozoprofeta, nemajaha enyu anozoona zvioniso, neharahwa dzenyu dzinozorota hope.

Vahebheru 1:2

pamazuva aya okupedzisira wakaereketa kwetiri ngoMukororo wake, uwo waakaemesa kugara nhaka yezviro zveshe, kubudikidza ndiyezve wakasika nyika.

2 Pet. 3:3

Pakutanga munosisira kuzwisisa izvi, kuti ngemazuva okugumisira vanoita jee vanozouya nejee, vechihamba ngokuemura kwavo,

Chakapangijihwa 11:15

Zvino ngirosi yechinomwe yakaridza hwama yayo, kwakazwika mazwi makuru mudenga echiti, “Umambo hwenyika hwaita umambo hwaMambo wedu nohwaKristu wake, naye unozotonga mhera nariini nariini.”

Chakapangijihwa 15:4

Ndiani usikazomutyi nokukudza zina renyu, A Mambo? Ngokuti imwimwi mwega mwakachena. Madzinza eshe anozouya nokudira pamberi penyu ngokuti zviito zvenyu zvakarurama zvakaoniswa.”

Chakapangijihwa 20:4

Ndakaona zvigaro zvoumambo, naavo vakagara padera pazvo, vakapuwa simba rokutonga. Ndakaona mweya yeavo vakagurwa masoro ngendaa youchapupu hwaJesu neizwi raMwari. Avazi kudira chikara nokuti muedzaniso wacho vasikazi kuashira chioniso pahuma dzavo nepanyara dzavo. Vakararama, vakatonga vari pamwepo naKristu makore gumi remazana (1,000).