Mik. 3:8 - Bhaibheri Rakachena muChindau

⁸ Asi ndini ndakazara ngesimba noMweya waMambo Mwari, nokutonga kwakanaka nokugwinya, kuziisa kunaJakobe kupauka kwake, nokunaIsuraeri kushaisha kwake.

Mik. 3:8 Iomraidhean Croise

Jobe 32:18

Ngokuti ndakazara ngamazwi; mweya uri mukati mwangu unondiangiridza.

Isa. 58:1

“Daidza ngeizwi guru, usarekera! Daidza ngeizwi rako guru kudai ngegwama! Teketesa kuvanhu vangu kumukira kwavo, kumhatso yaJakobe zvishaishi zvavo.

Isa. 61:1

Mweya waMambo Mwari, Mwari, uri padera pangu, ngokuti Mambo Mwari wakandidzodza; wakandituma kuteketesa mashoko akanaka kunevakatsikirirwa; wakandituma kuti ndirape avo vanokutambudzika mumwoyo, kuteketesa kusunhurwa kwemabhanditi, kusunhurwa kuneavo vakasungwa;

Isa. 61:2

kuteketesa gore rinoashirika raMambo Mwari nezuva rokuunzidza kwaMambo Mwari wedu; kuembedzera veshe vanotsumba;

Jer. 1:18

Ngokuti, ringira, ngeiri zuva ndakakuita kuti udai ngedhorobha rakashosherwa, nokudai ngesika yesimbi, nokudai ngerukumbati rwethusi kunyika yeshe, kumadzimambo aJudha nokuvatongi vayo, nokuvapristi vayo, nokuvanhu venyika.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 6:11

Asi ndakazara ngoushungu hwaMambo Mwari; ndaremba ngokunyararira.” “Udurure padera pevana vari mumapato omudhorobha, nepadera pembungano yemajaha, ari pamwepo; veshe mwamuna nomukadzi vanozotorwa, musharuka pamwepo neharahwa.

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Ezek. 16:2

“Mukororo womunhu, ita kuti Jerusarema rizie zvinonyangadza zvaro

Ezek. 20:4

“Unozovatonga here, mukororo womunhu? Unozovatonga here? Zvino ita kuti vazie zvinyangadzo zvemadzibaba avo,

Ezek. 22:2

“Iwewe, mukororo womunhu, unozotonga, unozotonga here dhorobha rengazi? Rironzera zviito zvaro zveshe zvinonyangadza.

Ezek. 23:36

Mambo Mwari wakati kwendiri: “Mukororo womunhu, unozotonga here Ohora naOhoribha? Zvino varonzere zvinyangadzo zvezviito zvavo.

Ezek. 3:14

Mweya wakandimirudza padera, ukanditwara, ukaenda neni ndakanyangadzwa; ndakaenda ndiri mukupisha mumweya wangu, nyara yaMambo Mwari yaiya nesimba padera pangu.

Ezek. 43:10

“Asi iwewe, mukororo womunhu, nasa kududzira ngetemperi kunevemhatso yaIsuraeri, ngavapime chiemo chayo, kuti vatsveruke ngendaa yezvinonyangadza zvavo.

Mateu 7:29

Ngokuti wakavadzidzisa kudai ngounesimba, asikaiti kudai ngevanyori vavo.

Marku 3:17

wakadudza Jakobe naJohani munun'una wake vakororo vaZebhedhi kuti Bhoanegesi, kuronza kuti, Vakororo voKutinhira;

1 VaK. 2:4

Mazwi angu nokuchumaira kwangu kwaiya kusina mazwi okukoka oungwaru, asi mukuoniswa kwoMweya nokwesimba,