Mik. 3:7 - Bhaibheri Rakachena muChindau

⁷ Vaoni vanozopedzwa simba, nevafemberi vanozotsverudzwa; veshe vanozofukidza miromo yavo, ngokuti akuna mupinguro wabva kunaMwari.”

Mik. 3:7 Iomraidhean Croise

Nduyo 74:9

Atichaoni zvioniso zvedu; akuchina muprofeti; apachina naumwe pakati pedu unozia kuti inguva yakadini.

EKISEDHUSI 9:11

Nevarombi vasaikona kuema pamberi paMosi ngendaa yemota; ngokuti mota dzaiya padera pevarombi nepadera pevaEgipite veshe.

Isa. 44:25

uwo unokanyangidza zvioniso zvevanyepi, nokuita kuti manyanga aite mapenzi; uwo unohwirinza sure vamuna vakangwara, nokuita kuti ungwaru hwavo huite upenzi;

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Ezek. 24:17

Gomera, asi usadaidzira, usazoita chiriro chowafa. Sunga dhuku musoro mwako, upfeke magwada ako mutsoka dzako, usazofukidzira muromo wako wedera nokuti kudya chingwa chevachemi.”

Ezek. 24:22

Nemwi munozoita kudai ngezvendaita inini; amuzofukidzi muromo wenyu wedera, nokuti kudya chingwa chevachemi.

Revhi 13:45

“Munhu unenhenda yemapere unozopfeka mbatya dzakabaurwa nebvudzi resoro rake risakamwa, naye unozofukidza muromo wake wedera, echidaidzira kuti, ‘Ndiri wakasvipiswa, ndiri wakasvipiswa.’

Amo. 8:11

“Ngegwinyiso nguva iri kuuya, unoronza Mambo Mwari, Mwari, apo pendinozounza nzara panyika, haiwa nzara yokudya, nokuti nyota yokuda mvura, asi yokuzwa mazwi aMambo Mwari.

Mik. 3:4

Zvino vanozochema kunaMambo Mwari, asi aazovapinguri; unozofisha hope yake kubva kwevari ngouwo mukuwo, ngokuti vakaita zvakashata muzviito zvavo.

Mik. 7:16

Madzinza anozoona nokutsveruka ngesimba ravo reshe; vanozoisa nyara dzavo pamiromo yavo, nzee dzavo dzinozoita madziiranzee.

Zek. 13:4

Pazuva iro, vaprofeti vanozotsveruka veshe umwe ngaumwe ngechioniso chake, apo vanoprofeta; avazosimiri chokufuka chinemamviri kuitira kuchengedzera,

1 Sam. 14:37

Ndizvo Sauri wakakumbira kupanga kwaMwari. “Ndingateera vaFiristia here? Unozovapira munyara dzevaIsuraeri here?” Asi aazi kumupingura ngeiro zuva.

1 Sam. 28:15

Zvino Samueri wakati kunaSauri, “Wandinesa ngenyi ngokundimusa?” Sauri wakapingura, akati, “Ndinotambudzwa kakurutu, ngokuti vaFiristia vanorwa neni, naMwari wakabva kwendiri, aachandipinguri, haiwa ngokuprofeta, nokuti ngokurota; ndizvo ndakudaidza kuti undironzere icho chendinozoita.”

1 Sam. 28:6

Naapo Sauri wakabvunza kunaMambo Mwari, Mambo Mwari aazi kumupingura, haiwa ngokurota, nokuti ngoUrimu, nokuti ngevaprofeti.

1 Sam. 9:9

(Karetu munyika yaIsuraeri, munhu weshe waizoenda koobvunza ndiMwari, waizoti, “Uyai, ngatiende kunomufemberi;” ngokuti iye unodaidzwa zvino kuti muprofeti, waisimbodaidzwa kuti mufemberi.)