Mik. 3:6 - Bhaibheri Rakachena muChindau

⁶ “Ndizvo usiku hunozouya kwomuri, musina chioniso; nechidima kwomuri, musina kuoneswa. Zuva rinozodzaka pashi padera pevaprofeti, zuva rinozosvipa padera pavo.

Mik. 3:6 Iomraidhean Croise

Nduyo 74:9

Atichaoni zvioniso zvedu; akuchina muprofeti; apachina naumwe pakati pedu unozia kuti inguva yakadini.

Isa. 29:10

Ngokuti Mambo Mwari wakadurura padera penyu mweya wehope dzemadzikirira; wakonya madziso enyu, imwimwi vaprofeti, nokufukidza masoro enyu, imwimwi vaoni.

Isa. 59:10

Tinoambamira kutsvaka rukumbati kudai ngebofu, nesu tinoambamira kudai ngouwo usina madziso; tinopumhunwa masikati kudai ngousiku; tiri pakati pevakagwinya tinodai ngavanhu vakafa.

Jer. 13:16

Irikidzai Mambo Mwari, Mwari wenyu, asati aunza chidima, dzisati dzapumhunwa tsoka dzenyu padera pemitunhu inechidima; apo muchatsvaka kujeka, unokupindura kuita bvute rokufa, nokuita chidima chakasvipa.

Jer. 15:9

Iye wakabereka vana vanomwe wapera simba; wabudisa mweya wake; zuva rake rapota achimasikati; wakatsverudzwa nokukangaidzwa. Nevasara vavo ndinozovapira kushoti pamberi pemagaa avo,” unoronza Mambo Mwari.

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Ezek. 13:9

Nyara yangu inozorwa nevaprofeti vanoona zvinochengedzera, nokuereketa manyepo; avazopindi mumbungano yevanhu vangu, avazonyorwi mubhuku remazina evemhatso yaIsuraeri, nokuti kupinda munyika yaIsuraeri; nemwi munozozia kuti inini ndini Mambo Mwari, Mwari.

Ezek. 7:26

Kutambudzika kunozouya padera pokutambudzika, guhwa rinozoteera sure kweguhwa; vanozoramba vechitsvaka chioniso kubva kumuprofeti; dzidziso dzinozopera kubva kumupristi nokupangwa kubva kuvasharuka.

Amo. 8:11

“Ngegwinyiso nguva iri kuuya, unoronza Mambo Mwari, Mwari, apo pendinozounza nzara panyika, haiwa nzara yokudya, nokuti nyota yokuda mvura, asi yokuzwa mazwi aMambo Mwari.

Mik. 2:6

“Musachumaira” ndizvo izvo zvevanochumaira. “Apana unosisira kuchumaira zviro zvakadaro; zvitsverudzo azvizotinyisi.”