Mik. 3:5 - Bhaibheri Rakachena muChindau

⁵ Izvi ndizvo zvinoronza Mambo Mwari ngendaa yevaprofeti vanopausa vanhu vangu avo vanodaidzira kuti, “Kunyarara,” apo vanacho chokudya, asi vanonasirira kurwa hondo naavo vasina chevanoisa pamiromo yavo.

Mik. 3:5 Iomraidhean Croise

Mazwi 28:21

Kuita mukheto akuzi kunaka, asi chigurwa chechingwa chingaita kuti munhu ashaishe.

Isa. 3:12

Vanhu vangu, vana ndivo vatambudzi vavo, nevakadzi vanotonga padera pavo. A vanhu vangu, vatungamiriri venyu vanomupausa, vanomurasha kubva munjira yemwaisisira kuhamba ndiyo.

Jer. 23:27

Vanoronga kuti vanhu vangu variyarwe zina rangu ngehope dzavo dzevanoronzerana umwe kunoumweni, kudai ngemadzibaba avo vakariyarwa zina rangu ngendaa yaBhaari.

Jer. 23:32

‘Ringirai, ndinorwisana navo vanoprofeta hope dzokunyepa,’ unoronza Mambo Mwari, nokudzironza, nokuita kuti vanhu vangu vapauke ngemanyepo avo nezvisina shwiro, apo ndisikazi kuvatuma, nokuti kuvapanga kudaro; ndizvo avazodetseri vanhu ava nepadoko, unoronza Mambo Mwari.”

Jer. 6:14

Vakaporesa ronda revanhu vangu vasikapinimidzi vechiti, ‘Kunyarara, kunyarara,’ apo pasina kunyarara.

Jer. 6:4

“Nasirirai kurwa hondo naye; mirukai ngatikwireyo masikati. Ihehe kwetiri! Ngokuti zuva rinobira, mabvute emadeekoni anoreba.

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Ezek. 13:9

Nyara yangu inozorwa nevaprofeti vanoona zvinochengedzera, nokuereketa manyepo; avazopindi mumbungano yevanhu vangu, avazonyorwi mubhuku remazina evemhatso yaIsuraeri, nokuti kupinda munyika yaIsuraeri; nemwi munozozia kuti inini ndini Mambo Mwari, Mwari.

Hos. 4:5

Unozopumhunwa masikati, muprofeti naye unozopumhunwa anewe usiku; neni ndinozoparadza mai ako.

Joeri 3:9

Teketesai ichi pakati pemadzinza; nasirirai kurwa hondo, musai ngwazi. Varwi veshe ngavakwedzere, ngavakwire.

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mar. 2:8

“Asi mwakapauka kubva munjira; mwaita kuti vazhinji vapumhunwe ngemitemo yenyu; mwasvipisa chitenderano chaRevhi,” unoronza Mambo Mwari wehondo.

Mateu 15:14

Varekerenyi, vari mapofu anokweya mapofu. Nokudai bofu rechikweya bofu, eshe anozowira mukati mwerindi.”

Mateu 7:15

“Ngwarirai vaprofeti vokunyepa, avo vanouya kwomuri vakapfeka makushe emakwai, asi ngomukati vari mathika anokara.

Varoma 16:18

Ngokuti vanhu vakadaro avashandiri Kristu Mambo wedu, asi vanoshandira ndani dzavo, nokuereketa kwavo kwakaserera kwakanaka vanochengedzera mwoyo yeavo vasina ndaa.