Mik. 3:12 - Bhaibheri Rakachena muChindau

¹² Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Mik. 3:12 Iomraidhean Croise

Nduyo 107:34

nenyika yakavhundira kuita bare, ngendaa yokushata kwaavo vanogaremwo.

Nduyo 79:1

A Mwari, vemadzinza vapotera munhaka yako; vasvipisa temperi rako rakachena; vakaparadza Jerusarema kuita matongo.

Isa. 32:14

Ngokuti ngome inozosiiwa, dhorobha rinevanhu vazhinji rinozotizwa; mutunhu nemarusvingo okurinda zvinozoita mapako mhera nariini, kudakara kwedhuba, kumafuro ezvifuyo,

Jer. 17:3

pamitunhu iri munyika yorubaya. Upfumi hwako hweshe nemare yako ndinozozvipira kuti zvichakatwe, nendau dzako dzakakwirira ngendaa yokushaisha kwako kuri munyika yako yeshe.

Jer. 22:5

Asi kudai musikapurutani mazwi aya, ndinopika ndini pachangu, unoronza Mambo Mwari, kuti mhatso iyi inozoita dongo.

Jer. 22:6

Ngokuti izvi ndizvo zvinoronza Mambo Mwari ngendaa yemhatso yamambo waJudha: Iwewe wakadai ngeGireadhi kwendiri, nokudai ngesoro reRebhanoni; asi ndinopika ndinozokuita kuti udai ngorubaya, kudai ngedhorobha risikagarwi.

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 44:2

“Izvi ndizvo zvinoronza Mambo Mwari wehondo, Mwari waIsuraeri: Imwimwi pachenyu mwakaona kushata kweshe kwendakaunza padera peJerusarema nepadera pemadhorobha eshe aJudha. Ringira kwaari; nyamashi aa matongo, akuna munhu unogaremwo,

Jer. 52:13

Wakapisha mhatso yaMambo Mwari, mhatso yamambo, nemhatso dzeshe dzeJerusarema; nemhatso dzeshe dzavakuru wakadzipisha.

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Chi. 5:18

ngendaa yoMutunhu Zioni uwo waita dongo, hava dzinohamba padera pawo.

Mik. 1:6

Ndizvo ndinozoita kuti Samaria ridai ngomurwi panyika, pandau panosimwa minda yemivhini.Ndinozodurura pashi mapuwe aro mubani, nokubudisa pamhene madzeyo aro.

Mateu 24:2

Naye wakapingura, akati kwavari, “Amuoni izvi zveshe here? Ngegwinyiso ndinoti kwomuri, arizosiiwi panapa buwe padera pebuwe rimweni risikazoputsirwi pashi.”