Mik. 3:11 - Bhaibheri Rakachena muChindau

¹¹ Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mik. 3:11 Iomraidhean Croise

Mazwi 17:23

Munhu wakashata unoashira chitengero chakafishika kupaukisa njira dzokutonga kwakanaka.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 48:2

Ngokuti vanodzidaidza pachavo kuita vagari vedhorobha rakachena, nokudzigwinyisa ndiMwari waIsuraeri; Mambo Mwari wehondo ndiro zina rake.

Isa. 5:23

imwimwi munopembedza vakashata ngendaa yokutengerwa, munodusa maruramiro ewakarurama!

Isa. 56:11

Imbwa dzinokara kudya, dzisikagutswi. Vaushi vasikakoni kuzwisisa; veshe vatokunukukira kunjira dzavo, umwe ngaumwe unotsvaka kuuyirwa kwake.

Jer. 23:17

Vanoangira vechiti kwevari vanoshoora izwi raMambo Mwari, ‘Zvinozomunakira;’ vanoti kunoumwe ngaumwe unohamba mukukarakadza kwomwoyo wake wemene, ‘Apana chakashata chinozokugumira.’

Jer. 26:7

Vapristi nevaprofeti nevanhu veshe vakazwa Jeremia echiereketa aya mazwi mumhatso mwaMambo Mwari.

Jer. 5:12

Vakaereketa manyepo ndiMambo Mwari vechiti, “Aazoiti chiro. Kushata akuzouyi padera pedu, atizooni shoti nokuti nzara.”

Jer. 6:13

“Ngokuti kubvira pamudoko kuguma pane wakakurisa wavo, veshe vanokarira kuuyirwa ngezvisina shwiro; nokubvira pamuprofeti nepamupristi, umwe ngaumwe unoita ngokuchengedzera.

Jer. 7:4

Musagonda aya mazwi okunyepa, anoti, ‘Iri ndiro temperi raMambo Mwari, temperi raMambo Mwari, temperi raMambo Mwari.’

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Ezek. 22:12

Mukati mwako vanoashira zvitengero kuti vaparadze ngazi; iwewe unoashira zveshe kuuyirwa kuchazouya nezvinowanziswa, wakaashira kuuyirwa kusikazi kunaka kubva kumuakirwana wako, newe wandiriyarwa, unoronza Mambo Mwari, Mwari.’

Ezek. 22:27

Vatongi varo vari mukati mwaro vakadai ngemakava anobvajura zvokudya, kuparadza ngazi nokuuraya vanhu kuti vaone kuuyirwa kusikagondeki.

Ezek. 34:2

“Mukororo womunhu, profeta kuitira ndaa vaushi vaIsuraeri, profeta wechiti kwevari, ‘Izvi ndizvo zvinoronza Mambo Mwari, Mwari: A, imwimwi vaushi, vaushi vaIsuraeri vanodzigutisa pachavo! Vaushi avasisiri kugutisa makwai here?

Hos. 4:18

Naapo kumwa kwavo kunozhazha kwapera, vanogara vechihura; vatongi vake vanodisisa zvinotsverudza kupinda uthende hwavo.

Hos. 4:8

Vanodya kushaisha kwevanhu vangu, vanokarisa mwoyo yavo padera pokushata kwavo.

Amo. 5:14

Tsvakai zvakanaka, haiwa zvakashata, kuti mupone; ngokudaro Mambo Mwari, Mwari wehondo, unozoapo nemwi, kudai ngezvemwaronza.

Amo. 9:10

Veshe vashaishi vevanhu vangu vanozofa ngeshoti, avo vanoti, ‘Kushata akuzotinyisi, nokuti kushongana nesu.’ ”

Mik. 3:5

Izvi ndizvo zvinoronza Mambo Mwari ngendaa yevaprofeti vanopausa vanhu vangu avo vanodaidzira kuti, “Kunyarara,” apo vanacho chokudya, asi vanonasirira kurwa hondo naavo vasina chevanoisa pamiromo yavo.

Mik. 7:3

Nyara dzavo ingwazi kuita zvakashata; mukuru nomutongi vanokumbira fumha muromo; nounesimba unoronza zvaanokarira mumwoyo wake; ndizvo vanofukidza kutonga kwakanaka.

Zef. 3:3

Vakuru varo vari mukati mwaro imhondoro dzinobhonga; vatongi varo mathika emadeekoni asikasiyi chiro metsa nechimangwani.

Zef. 3:4

Vaprofeti varo avana ndaa nezviro, vanhu vasikagondeki; vapristi varo vasvipisa ndau yakacheneswa, vagura mupango.

Mar. 1:10

“O kudai umwe pakati penyu aizokonya misiwo, kuti musazobasira muriro padera pearita rangu pasina shwiro. Andidakari ndimwi, unoronza Mambo Mwari wehondo, neni andizoashiri munikero kubva kunyara dzenyu.

Mar. 2:9

“Ndizvo inini ndinomuita vanoshooreka nevari pashi pamberi pevanhu veshe, kudai ngezvomusikazi kungwarira njira dzangu, asi mwakatonga ngomukheto mukudzidzisa kwenyu.”

Zvi. 16:15

NaMosi wakanyangadzwa kakurutu, wakati kunaMambo Mwari, “Usaremeredza midiro yavo. Andizi kutongotora mbongoro imwe yavo, zve, andina wendakakuvadza wavo.”

Zvi. 22:7

Ndizvo vakuru vaMoabhi nevaMidhiani vakaenda vanezvipo zvavo zviri munyara dzavo; vakaguma kuna Bharamu, vakaereketa kwaari mazwi aBharaki.

Mateu 3:9

Musapinimidza mwechiti mukati mwenyu, ‘Tina Abrahama baba edu.’ Ngokuti ndinoti kwomuri Mwari unesimba ngaaya mapuwe kumusira vana kunaAbrahama.

1 Tim. 3:3

haiwa chidhakwa, usikaambani, asi wakapfaa, usikaiti hasha, usikadisisi mare.

Titosi 1:11

avo vanosisira kuti miromo yavo inyaradzwe, ngokuti vanoparadza mhuri dzeshe, vechidzidzisa zvisikasisiri, ngendaa yokuda pfuma inetsvina.

1 Pet. 5:2

Ushai muhlambi waMwari waakaisa pashi penyu, haiwa ngokuangiridzwa, asi ngokuda, kudai ngokuda kwaMwari; haiwa kuti muuyirwe ngemare inetsvina, asi ngokudisisa,

Judha 1:11

Kushatanyi kwevanakwo! Ngokuti vakahamba ngenjira yaKheni, vakadzirasha pachavo mukupauka kwaBharamu kuti vaone kuuyirwa, vakaparadzwa mukumukira kwaKhora.

1 Sam. 8:3

Asi vakororo vake avazi kuteera munjira dzake, asi vakapauka kutsvaka mare, vakatora zvitengero, avazi kutonga zvakanaka.