Mik. 3:1 - Bhaibheri Rakachena muChindau

¹ Neni ndakati, “Izwai, imwimwi vakuru vaJakobe, nevatongi vemhatso yaIsuraeri! Amusisiri kuzia kutonga kwakanaka here?

Mik. 3:1 Iomraidhean Croise

Neh. 13:17

Zvino ndakaganyira vakuru vaJudha, ndikati kwevari, “Chiinyi ichi chiro chakashata chomunoita, mwechisvipisa zuva reSabatha?

Nduyo 14:4

Veshe vashandi vezvakashata avana kuzia here, avo vanodya vanhu vangu kudai ngevanodya chingwa, navo avakumbiri kunaMambo Mwari?

Isa. 1:10

Izwai izwi raMambo Mwari, imwimwi vatongi veSodhoma! Mupurutane kuchironzo chaMwari wedu, imwimwi vanhu veGomora!

Isa. 10:2

kupaukisa parutii vatami kubva mukutonga kwakanaka, nokudusa zvakarurama zvevarombo vevanhu vangu, kuti shirikadzi dziite dzachakatwa dzavo, vechibira nherera.

Ezek. 22:6

Ringira, vatongi vaIsuraeri vari mweuri, weshe kudai ngesimba rake, waiya akakotama kuparadza ngazi.

Ezek. 34:2

“Mukororo womunhu, profeta kuitira ndaa vaushi vaIsuraeri, profeta wechiti kwevari, ‘Izvi ndizvo zvinoronza Mambo Mwari, Mwari: A, imwimwi vaushi, vaushi vaIsuraeri vanodzigutisa pachavo! Vaushi avasisiri kugutisa makwai here?

Ezek. 34:3

Imwimwi munodya mafuta, munodzisimidza machira emamviri, munouraya dzakakora, asi amugutisi makwai.

Ezek. 9:9

Wakati kwendiri, “Kushata kwemhatso yaIsuraeri neyokwaJudha kwakakura yaamho; nyika yakazara ngokuparadzwa kwengazi nedhorobha rakazara ngokusikarurama, ngokuti vanoti, ‘Mambo Mwari wasiya nyika, naMambo Mwari aaoni akadi.’

Hos. 5:1

“Izwai ichi, O vapristi! Purutana, O mhatso yaIsuraeri! Purutana, O mhatso yamambo! Ngokuti kutongwa kuri kwomuri, ngokuti mwakaita murau muri Mizipha, nomumbure wakatambanudzwa padera paThabho,

Amo. 4:1

Izwai izwi iri, imwimwi n'ombe dzeBhashani, muri padera poMutunhu weSamaria, avo vanotambudza varombo, vanopwanya vanotama, vanoti kuvamuna vavo, “Unzai chiro, timwe!”

Amo. 6:1

Ihehe kwevari vanogarisika muZioni, neavo vanozwa kungwaririka paMutunhu weSamaria, vakuru vokutanga vemadzinza avo kwevari vanoenda vemhatso yaIsuraeri!

Mik. 2:13

Umwe uwo unopwanya unozokwira pamberi pavo; vanozopwanya nokupinda ngepamusiwo, nokubuda ndipo. Mambo wavo unozohamba pamberi pavo, Mambo Mwari echivatungamirira.

1 VaK. 6:5

Ndinoereketa izvi kuti ndimutsverudze. Chiri gwinyiso here kuti apana naumwe munhu wakangwara pakati penyu, ungakona kugura ndaa pakati pehama dzake.

Dhuto. 16:18

Munozodzitsanangurira nevakuru mumadhorobha enyu eshe aanomupa Mambo Mwari, Mwari wenyu, mukati mwemadzinza enyu eshe, navo vanozotongera vanhu ndaa dzavo ngokutonga kwakarurama.