Mik. 2:8 - Bhaibheri Rakachena muChindau

⁸ Asi zuro vanhu vangu vakamiruka kurwisana neni kudai ngegaa: munokhumura jazi pamwepo nechokupfeka chepashi mukunyarara kubva kuneavo vanopinda ndipo mukugonda vasikapinimidzi ngehondo.

Mik. 2:8 Iomraidhean Croise

2 Sam. 20:19

Inini ndiri umwe weavo vanoda kunyarara nokugondeka muIsuraeri; iwewe unoda kuparadza dhorobha guru raIsuraeri. Ngenyi wechida kutangurira nhaka yaMambo Mwari?”

Nduyo 55:20

Mungani wangu wakatambanudza nyara dzake padera peshamwari; wakagura chitenderano chake,

Isa. 9:21

Manase unodya Efuremu, Efuremu unodya Manase, navo pamwepo vanorwisa Judha. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Jer. 12:8

Nhaka yangu kwendiri yakadai ngemhondoro iri mugwasha, inondibhongera; ndizvo ndakainyenya.

Mik. 3:2

Imwimwi munonyenya kunaka, mwechida kushata; munokwamura ganda revanhu vangu, nenyama kubva kumagodo avo;

Mik. 3:3

munodya nyama yevanhu vangu, nokuvhiya ganda ravo kubva kwevari; munogura magodo avo kuita zvigurwa, nokuvatemera kudai ngenyama yaiswa muhari, nokudai ngenyama mukati mwebhodha.”

Mik. 7:2

Munhu wakagondeka wakafa kubva panyika, akuna wakarurama naumwe wakasara; veshe vanogarira kuparadza ngazi, vanovhimana umwe noumweni wake ngemambure.

Mik. 7:3

Nyara dzavo ingwazi kuita zvakashata; mukuru nomutongi vanokumbira fumha muromo; nounesimba unoronza zvaanokarira mumwoyo wake; ndizvo vanofukidza kutonga kwakanaka.