Mik. 2:4 - Bhaibheri Rakachena muChindau

⁴ Ngeiro zuva umwe unozotora muedzaniso ndiwe, nokuchema ngokuchema kwakakura echiti, ‘Taparadzwa yaamho; wakatsandudza chikoaniswa chevanhu vangu; wakachiita mabvisirenyi kubva kwendiri! Pakati pevamukiri vedu akakoanisa minda yedu!’ ”

Mik. 2:4 Iomraidhean Croise

2 Sam. 1:17

Dhavhidha wakachema ngeichi chiriro padera paSauri naJonathani mukororo wake.

2 MaKro. 35:25

Jeremia wakaitawo chiriro kuchema Josia, navo veshe vaembi, vamuna nevakadzi, vakaereketa ndiJosia, mukumuchema kwavo ngenduyo dzechiriro chavo metsa nanyamashi. Vakaita izvi kuti zviite tsika yavo muIsuraeri; ringira, zvakanyorwa mubhuku rezviriro.

Jobe 27:1

Jobe wakaangirira kuereketa muedzaniso wake echiti,

Isa. 14:4

munozotora uku kusvereredzwa kunamambo weBhabhuroni mwechiti, “Mutambudzi waita mapererenyi! Kutambudzwa kwaita mapererenyi!

Isa. 24:3

Nyika inobvisirwa zveshe nokusiyiwa isina chiro, ngokuti Mambo Mwari wakaereketa izwi iri.

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 4:13

Ringira, unouya kudai ngemakore, nengoro dzake dzinodai ngechipupuri; mahachi ake anorumbisa kupinda madorambudzi. Ihehe kwetiri, ngokuti taparadzwa.

Jer. 6:12

Mhatso dzavo dzinozopuwa kunevamweni, minda yavo nevakadzi vavo pamwepo; ngokuti ndinozotambanudza nyara yangu padera pevanogara munyika,” unoronza Mambo Mwari.

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Ezek. 16:44

“Ringira, weshe unoshandisa zvinai unozoereketa ichi chinai ndiwe echiti, ‘Mwanasikana wakadaiwo ndimai ake.’

Ezek. 2:10

Wakaritambanudza pamberi pangu; raiya rakanyorwa pamberi paro nesure kwaro, zvaiya zvakanyorwa padera paro mazwi echiriro, kuchema nokutambudzika.

Joeri 1:13

Simirai machira emasaka, mucheme, imwimwi vapristi; boorerai, imwimwi vashandi vearita. Uyai, atai usiku hweshe muri mumachira emasaka, imwimwi vashandi vaMwari wangu! Munikero wezviyo nomunikero wokumwa azvichaunzwi kumhatso yaMwari wenyu.

Joeri 1:8

Chemai kudai ngemhandwe yasimira jira remasaka ngendaa yokufirwa ngomwamuna woutsva hwayo.

Amo. 5:1

Izwai izwi iri rendinodaidzira kumuchemera, O mhatso yaIsuraeri.

Amo. 5:17

Muminda yeshe yemivhini kunozoapo kuchema, ngokuti ndinozohamba ngepakati penyu,” unoronza Mambo Mwari.

Mik. 1:15

Ndinozounzazve munyisi padera penyu, vagari veMaresha; uthende hwaIsuraeri hunozouya kuAdhuramu.

Mik. 1:8

Ngeizvi ndinozochema nokuboorera; ndinozoenda ndakakhumurwa magwada ndiri mutitinini; ndinozoita kuchema kwakadai ngekwehava, nokuchema kudai ngemhowani.

Mik. 2:10

Mirukai, muende; ngokuti iyi andiyopi ndau yokuzorora, ngendaa yokusvipiswa kunoparadza ngokuparadza kunotyisa.

HABHAKUKI 2:6

Weshe aazoembi here nduyo ndiye, nechinai chinoshekedza ndiye, vechiti. “Ihehe kwaari uwo unounganidza izvo zvisiri zvake!” Unozodzitwarisa pachako ngezvakanaka kwomukuwo wakadini ngezvakagondiswa?

Zef. 1:2

“Ndinozotsvaira yaamho zveshe kubva pahope yenyika,” unoronza Mambo Mwari.

Zvi. 23:18

Zvino Bharamu wakaereketa chiprofeti chake echiti, “Miruka, Bharaki, uzwe; purutana kwendiri, iwewe mukororo waZiphori.

Zvi. 23:7

Zvino Bharamu wakaereketa chiprofeti chake echiti, “Bharaki mambo weMoabhi wakandiunza kubva Aramu, kubva kumitunhu yokumabvazuva echiti, ‘Uya, unditukire Jakobe; uya, utsondore Isuraeri!’

Zvi. 24:15

Ndizvo wakaprofeta chiprofeti chake echiti, “Chiprofeti chaBharamu mukororo waBheo, chiprofeti chomunhu unemadziso ake akabeuka,

Zvi. 24:3

Wakaereketa chiprofeti chake echiti, “Chiprofeti chaBharamu mukororo waBheo, chiprofeti chomunhu unemadziso ake akapembenudzwa,

Marku 12:12

Navo vakatsvaka kuti vamubate, asi vakatya mbungano, ngokuti vakazia kuti waiereketa muedzaniso uwo ndivo. Ndizvo vakamusiya, vakaenda.

Dhuto. 28:29

Nemwi munozopamhira masikati, kudai ngebofu rinopamhira muchidima, asi amuzobudiriri munjira dzenyu; munozoita vanotambudzwa, nevanochakatwa kwega kunoti mhera nariini, apana munhu noumwe unozomuponesa.