Mik. 2:3 - Bhaibheri Rakachena muChindau

³ Ndizvo izvi ndizvo zvinoronza Mambo Mwari: “Zvino ringira, ndiri kurongera zvakashata mhatso iyi zveisikazokoni kudusa mitsipa yenyu; amuzohambi ngokudzikudza, ngokuti uyu unozoita mukuwo wakashata.

Mik. 2:3 Iomraidhean Croise

Isa. 29:20

Ngokuti uwo unotyisa aachazoapo akadi, nomudadi unozoparadzwa, navo veshe vanogarira kuita zvakashata vachabviswa,

Isa. 3:16

Mambo Mwari wakati, “Ngokuti vakunda veZioni vanodzikudza, vanohamba nemitsipa yakarebeswa mberi, nemadziso anoemura, vanohamba vechinengama mukuhamba, vechigwinjirika ngetsoka dzavo,

Isa. 5:19

avo vanoti, “Ngaakasire, ngaakasire nomushando wake, kuti tiuone; nourongwa hwoUwo Wakachena waIsuraeri ngahukasire kuzadzisika, kuti tihuzie!”

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 27:12

Ndakaereketa kunaZedhekia mambo waJudha ngenjira imweyo ndechiti, “Unzai mitsipa yenyu pashi pejoka ramambo weBhabhuroni, mumushandire nevanhu vake kuti mupone.

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 36:23

Naapo Jehudhi afunda marupande matatu nokuti marongomuna, mambo wairicheka ngechipanga, echikandira mumuriro pachoto, metsa bhuku reshe rakatsva ngomuriro waiya muchiwenda.

Jer. 43:2

Azaria mukororo waHoshaia naJohanani mukororo waKarea, nevanhu veshe vamweni vokudzikudza, vakati kunaJeremia, “Unotironzera manyepo. Mambo Mwari wedu aazi kukutuma kutironzera kuti, ‘Musaenda koogarayo Egipite,’

Jer. 8:3

Rufu runozopinda kudikanwa kuno kupona ngaavo veshe vakasara, avo veiyi mhuri yakashata, varipo kundau dzeshe kwendakavadzingira kwedziri,” uronza Mambo Mwari wehondo.

Chi. 1:14

Zvishaishi zvangu zvakasungirwa mujoka; ngenyara yake zvaiya zvakasungirwa pamwepo, zvikaiswa pamutsipa wangu, zvechimwa simba rangu; Mambo Mwari wakandipira munyara dzaavo vendisikakoni kurwa navo.

Chi. 2:17

Mambo Mwari waita izvo zvaakaronga, wakazadzisa izwi rake raakapanga; kudai ngezvaakaemesa karetu, waputsira pashi, asina nyasha; waita kuti magaa adakare padera pako, nokumirudza runyanga rwemagaa ako.

Chi. 5:5

Mitsipa yedu yaapashi pokuangiridzwa; tinoshanda tisikazorori.

Dha. 4:37

Zvino, inini Nebhukhadhineza ndinoirikidza nokukurisa nokuremeredza Mambo womudenga, uwo mishando yake yeshe inegwinyiso, nenjira dzake ngedzokutonga kwakanaka; naavo vanohamba ngokudzikudza iye unesimba rokuvadzasa pashi.

Amo. 2:14

Ndizvo kutiza kwavanokasira kunozopera, nouwo wakagwinya aazokoni kugwinyisa simba rake, nengwazi aizokoni kudziponesa;

Amo. 3:1

Izwai izwi iri raaereketa Mambo Mwari kurwisana nemwi, O vanhu vaIsuraeri, nemhuri yeshe yendakakwidza kubva kunyika yeEgipite:

Amo. 3:2

“Ndakazia imwimwi mwega pamhuri dzeshe dzenyika; ndizvo ndinozomuorora ngendaa yokushata kwenyu kweshe.”

Amo. 5:13

Ndizvo uwo unokuzia unozonyarara ngomukuwowo, ngokuti mukuwo wakashata.

Mik. 2:1

Ihehe kwevari vanoronga zvakashata nokushanda zvakashata pamibhedhi yavo! Apo mangwanani oojeka, vanozviita, ngokuti zviri pashi pesimba renyara dzavo.

Varoma 16:4

avo ngendaa yangu vakaradzika pashi kupona kwavo; andinipi ndega ndinovabonga asi zviara zveshe zvevemadzinza.

Vaefesu 5:16

mwechitenga mukuwo, ngokuti mazuva ari akashata.

Dhuto. 28:48

ndizvo munozoshandira magaa enyu, aanozotuma Mambo Mwari kurwa nemwi, munzara nenyota, nomuutitinini nomukutama zveshe. Unozoisa joka resimbi mumitsipa yenyu metsa amupedza.

Jakobe 2:13

Ngokuti kutonga akuzoiti nyasha kwaari usikazi kuonisa nyasha. Nyasha dzinodziganzisa dzechinyisa pakutonga!