Mik. 2:12 - Bhaibheri Rakachena muChindau

¹² Ngegwinyiso ndinozomuunganidza mweshe pamwepo, O Jakobe, ndinozounganidza veshe vakasara vaIsuraeri; ndinozovaisa pamwepo kudai ngemakwai ari muchibaya, nokudai ngezvifuyo zvemakwai pakati pemafuro awo; vanozoita bope guru ngouwandu hwevanhu.

Mik. 2:12 Iomraidhean Croise

Gen. 36:33

Bhera wakafa, naJobhabhi mukororo weZera weBhozira wakatonga pandau yake.

1 MaKro. 1:44

Naapo Bhera afa, Jobhabhi mukororo waZera weBhozra wakatonga pandau yake.

Isa. 11:11

Ngeiro zuva Mambo Mwari unozotambanudza nyara yakezve kwechipiri kutora avo vakasara vevanhu vake, kubva Asiria, Egipite, Phathrosi, Khushi, Eramu, Shina, Hamathi nezviwi zvoruandhle.

Isa. 27:12

Ngeiro zuva, Mambo Mwari unozopura zviyo, kubvira pamugero werwizi Yufratesi metsa mubani reEgipite, nemwi munozounganidzwa umwe ngaumwe, imwimwi vanhu vaIsuraeri.

Isa. 34:6

Mambo Mwari uneshoti; yagutiswa ngengazi, yakoriswa ngemafuta, ngengazi yemakwai nembudzi, ngemafuta etsvo dzemagondohwe. Ngokuti Mambo Mwari unemubairo muBhozira, nokuurawa kukurutu munyika yeEdhomu.

Isa. 5:17

Zvino vana vemakwai vanozodya kudai ngepambusho pawo, akakodzwa nevana vemakwai anozodya ari pakati pematongo.

Jer. 23:3

“Zvino ndinozounganidza pachangu akasara emakwai angu kubva kunyika dzeshe kwendakaatatanisira, nokuaunzazve kumatanga awo; nawo anozobereka nokuwandisa.

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Ezek. 34:11

“Ngokuti izvi ndizvo zvinoronza Mambo Mwari, Mwari: Ringira, inini pachangu ndinozotsvaka makwai angu nokuaona.

Ezek. 34:13

Ndinozoaunza kubva pakati pevanhu nokuaunganidza kubva kunyika, ndinozoaunza munyika yawo; ndinozoagutisa padera pemitunhu yaIsuraeri pasinde pendwizi, nokundau dzeshe dzinogarwa ngevanhu venyika.

Ezek. 34:22

ndinozoponesa mutanga wangu, nawo auchazopambwi neni; ndinozotonga pakati pemakwai nemakwai.

Ezek. 34:31

Imwimwi muri makwai angu, mutanga wembusho wangu, muri vanhu vangu, neinini ndiri Mwari wenyu, unoronza Mambo Mwari, Mwari.”

Ezek. 36:37

“Izvi ndizvo zvinoronza Mambo Mwari, Mwari: Ngendaa yeichizve ndinozotendera mhatso yaIsuraeri, kuti indikumbire kuti ndivaitire ichi, kuvawanza kudai ngezvifuyo.

Ezek. 37:21

zvino ronza kwevari, ‘Izvi ndizvo zvinoronza Mambo Mwari, Mwari: Ringira, ndinozotora vanhu vaIsuraeri kubva pakati pemadzinza, apo pevakaenda, ndivaunganidze kubva kumarupande eshe, ndivaunze munyika yavo.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Amo. 1:12

Ndizvo ndinozotumira muriro padera peThemani, nawo unozopedza ngome dzeBhozira.”

Mik. 2:13

Umwe uwo unopwanya unozokwira pamberi pavo; vanozopwanya nokupinda ngepamusiwo, nokubuda ndipo. Mambo wavo unozohamba pamberi pavo, Mambo Mwari echivatungamirira.

Mik. 4:8

Newe, O rusvingo rwemakwai, mutunhu wemwanasikana Zioni, kwouri unozouya umambo hwokutanga hunozouya, umambo hwemwanasikana Jerusarema.”

Mik. 5:7

Zvino vakasara vaJakobe vakatendenedzwa ngevanhu vakawanda vanozodai ngebeto rinobva kunaMambo Mwari, kudai ngegukura mbuwa padera pomwenje, risikaemeri munhu, nokuti kugarira vakororo vevanhu.

Mik. 5:8

Nepakati pemadzinza vakasara vaJakobe vakatendenedzwa ngevanhu vakawanda, vanozodai ngemhondoro iri pakati pemhuka dzomugwasha, kudai ngemhondoro itsva iri pakati pemitanga yemakwai, iyo, apo yechihamba ngepakati, inotsikatsika pashi nokubaura kuita zvigurwa, pasina naumwe unganunura.

Mik. 7:14

Usha vanhu vako ngendonga yako, mutanga uwo uri nhaka yako, uwo unogara uri wega mugwasha, pakati pemunda wenyika; ngavadye muBhashani nomuGireadhi, kudai ngemazuva ekaretu.

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Zef. 3:20

Panguva iyo ndinozomuunza kanyi, panguva apo pendinozomuunganidza; ngokuti ndinozomupa mbiri nokukudzwa pakati pevanhu veshe venyika, apo ndinozohwirinza ubatwa hwenyu pamberi pemadziso enyu,” unoronza Mambo Mwari.