Mik. 2:1 - Bhaibheri Rakachena muChindau

¹ Ihehe kwevari vanoronga zvakashata nokushanda zvakashata pamibhedhi yavo! Apo mangwanani oojeka, vanozviita, ngokuti zviri pashi pesimba renyara dzavo.

Mik. 2:1 Iomraidhean Croise

Gen. 31:29

Zviri musimba renyara yangu kukuremadza; asi Mwari wababa ako wakaereketa kwendiri usiku hwezuro echiti, ‘Ngwara kuti usaereketa kunaJakobe zvakanaka nokuti zvakashata.’

1 Madzi. 21:7

Mukadzi wake Jezebheri wakati kwaari, “Andiwepi here mutongi, mambo waIsuraeri? Miruka, udye kudya, kuti mwoyo wako udakare; inini ndinozopa munda wemivhini waNabhothi muJezireeri kwouri.”

Esita 3:8

Zvino Hamani wakati kunamambo Ahasuerusi, “Varipo vanhu vamweni vakapararira vanopepesheka pakati pevanhu veshe voumambo hwako; mitemo yavo yakasiyana neiyo yevanhu vamweni veshe, avangwariri mitemo yamambo; ndizvo avasisiri kuti mambo avatendere.

Esita 5:14

Zvino Zereshi mukadzi wake neshamwari dzake dzeshe dzakati kwaari, “Ngakunasirwe muti urebu hwawo huri mamitha makumi mairi nemairi, newe uronzere mambo mangwani kuti Mordhekhai asungirwe padera pawo; zvino potera iwewe ngokudakara pamwepo namambo mudhiri.” Kupanga uku kwakadakadza Hamani, naye wakaita kuti muti uwo unasirwe.

Esita 9:25

Asi apo Esita auya pamberi pamambo, wakapanga ngetsamba kuti zano rake rakashata raakapanganirana vaJudha riwire padera pesoro rake, kuti iye nevakororo vake vasungirwe pamuti.

Jobe 15:35

Vanoita mimba dzokushata nokubereka kushata, nomwoyo yavo inonasirira kuchengedzera.”

Jobe 24:14

Muurayi unomiruka mambakwedza kuenda koouraya murombo nomutami, nomuusiku unodai ngembavha.

Nduyo 36:4

Unoronga kushata ari pamubhedhi wake; unodziemesa munjira isikazi kunaka; aarambi zvakashata.

Nduyo 36:5

Nyasha dzako dzinorudo, Mambo Mwari, dzinoguma mumatenga; ugondeki hwako hunoguma mumakore.

Nduyo 58:3

Vakashata vanopauka kubva vachiri mundani; vanopauka vachaamba kubarwa, vechiereketa manyepo.

Mazwi 12:2

Munhu wakanaka unoona nyasha kubva kunaMambo Mwari, asi uwo unoronga zvakashata Mambo Mwari unomurasha.

Mazwi 14:22

Avashaishi here avo vanoronga zvakashata? Avo vanoronga zvakanaka vanoona nyasha nokugondeka.

Mazwi 3:27

Usanyima zvakanaka kuneavo vanozvisisira, apo simba rokuzviita riri munyara yako.

Mazwi 4:16

Ngokuti avaati vasati vaita chakashata, nehope dzavo dzinoti ngarwi kuti vasati vaita kuti umwe awe.

Isa. 29:20

Ngokuti uwo unotyisa aachazoapo akadi, nomudadi unozoparadzwa, navo veshe vanogarira kuita zvakashata vachabviswa,

Isa. 3:14

Mambo Mwari unopotera mukutonga nevakuru vevanhu vake, nevatongi vavo: “Ndimwi mwakadya munda wemivhini; zvakachakatwa zvevarombo zviri mumhatso mwenyu.

Isa. 32:7

Kushata kwevakashata kwakashata: unoronga mazano akashata kuuraya varombo ngamazwi okunyepa, kunyazwi apo kupota kwounotama kwakanaka.

Isa. 5:8

A imwimwi munotutsira mhatso nemhatso, munobatanidza munda nomunda metsa pasisina ugaro hwomunhu, asi imwimwi munogara mwega pakati penyika.

Isa. 59:3

Ngokuti nyara dzenyu dzakasvipiswa ngengazi, nezvinwe zvenyu ngokushaisha; miromo yenyu yaereketa manyepo, norurumi rwenyu rwaereketa kushata.

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Ezek. 11:2

Wakati kwendiri, “Mukororo womunhu, ava ndivo vanhu vanoronga zvakashata naavo vanopanga zvakashata mudhorobha iri.

Ezek. 33:26

Munogonda shoti dzenyu, munoshanda zvinonyangadza, neumwe ngaumwe wenyu unosvipisa mukadzi womuakirwana wake; munozogara nhaka yenyika here?’

Ezek. 38:10

“Izvi ndizvo zvinoronza Mambo Mwari, Mwari: Ngeiro zuva mikarakadzo inozouya mukupinimidza kwako, newe unozoronga zano rakashata.

Ezek. 46:18

Mutongi aazotori nhaka yevanhu kuvadzinga kubva kunhaka yavo; unozopa kuvana vake nhaka inobva kunhaka yake, kuitira kuti pasaa naumwe wevanhu vangu unozoduswa kubva kunhaka yake.”

Mik. 6:12

Makurudza enyu akazara ngokugebenga, vanogaramwo vakaereketa manyepo, norurumi runochengedzera mumiromo yavo.

Nah. 1:11

Kubva kweuri kwabuda umwe unoronga zvakashata ndiMambo Mwari, uwo unopanga zvakashata.

Zek. 7:10

musatambudza shirikadzi, nherera, vapara, nokuti varombo; musaronga kuitirana zvakashata mumwoyo yenyu umwe kuneumweni.’

Marku 15:1

Mangwanani maishi vapristi vakuru, pamwepo nevakuru vevanhu, vanyori nevatongi veshe vakapangana; vakasunga Jesu, vakamutora, vakamupira kunaPiratu.

Ruka 20:19

Vanyori nevapristi vakuru vakaedza kumubata ngeawa iro, asi vakatya vanhu; ngokuti vakazwisisa kuti wakaronza uyu muedzaniso ndivo.

Johani 19:11

Jesu wakamupingura, akati, “Aungakoni kuanesimba padera pangu kuti usikazi kuripuwa rechibva mudenga; ndizvo uwo wakandipira kwouri unokushaisha kwakapinda kukura.”

Zvak. 23:12

Zvino kwaedza, vaJudha vakapangana, vakadzisunga ngemhiko yokuti avazodyi nokuti kumwa metsa vauraya Phauri.

Zvak. 23:15

Ndizvo zvino imwimwi pamwepo nevatongi ronzerai nduna huru yemakumi emazana kuti amudzase kwomuri, muite kudai ngevanoda kunasa kutsvakisisa ndaa yake. Isusu tinonga tanasirira kumuuraya asati aguma pano.”

Varoma 1:30

kushonyongora, kunyenya Mwari, kudada, kudzikudza, kuganza, kutanda zvakashata, kusikapurutana vabari,

Dhuto. 28:32

Vakororo vako nevanasikana vako vanozopuwa kuvanhu vamweni, madziso ako akaringira; unozorwadzisa madziso ako ngokutsvaka zuva reshe, asi usina simba rokuita chiro.