Mik. 1:8 - Bhaibheri Rakachena muChindau

⁸ Ngeizvi ndinozochema nokuboorera; ndinozoenda ndakakhumurwa magwada ndiri mutitinini; ndinozoita kuchema kwakadai ngekwehava, nokuchema kudai ngemhowani.

Mik. 1:8 Iomraidhean Croise

2 Madzi. 18:13

Mugore regumi nemarongomuna okutonga kwamambo Hezekia, Senakheribhi mambo weAsiria wakauya koorwa nemadhorobha eshe akashosherwa ngemarukumbati aJudha, naye akaanyisa.

Esita 4:1

Naapo Mordhekhai azia zveshe zvakaitwa, Mordhekhai wakabaura zvokusimira zvake, akapfeka masaka akadziisa marota, naye akabuda akaenda pakati pedhorobha, akaboorera ngeizwi guru rinenheruso.

Jobe 30:29

Ndiri hama yehava, nomungani wemhowani.

Nduyo 102:6

Ndinotodzana nezizi romushango; ndadai ngekazizi komumatongo.

Isa. 13:21

Asi mhuka dzomushango dzinozoatapo pashi, nemhatso dzavo dzinozozara ngezvisikwa zvinorira; apo mhowani dzinozogarapo, mbudzi dzomushango dzinozotomukapo.

Isa. 13:22

Mapere anozorira mumapako aBhabhuroni, nemakava mungome dzawo dzakanaka; nguva yaro yaa pasinde, nemazuva aro anozofupiswa.

Isa. 16:9

Ndizvo ndinochema kudai ngokuchema kweJaza ngendaa yemivhini yeSibhima; ndinokunyakatisa ngemasodzi angu, iwewe Heshibhoni naEreare; ngokuti kudakara kwemichero yenyu yezienza nokuvhuna kwenyu kwapera.

Isa. 21:3

Ndizvo chiunu changu chazara ngokutambudzika; kurwadza kwandibata kudai ngokurwadziwa kwomukadzi unobereka; ndakotamiswa pashi andikoni nokuzwa; ndakangaidzwa ndizvo andikoni nokuona.

Isa. 22:4

Ndizvo ndakati, “Ringirai kuretu kubva kwendiri, ngandicheme ngesimba; musaedza kundiembedzera, ngendaa yokuparadzwa kwevanhu vangu vanodiwa.”

Isa. 32:11

Hutai, imwimwi vakadzi vasina nhamo; hutai, imwimwi musina nhamo; mudziite mititinini, musimire machira emasaka pazviunu zvenyu.

Jer. 4:19

Ndarwadziwa, mwoyo wangu! Ndarwadziwa, mwoyo wangu! Ndinorwadziwa mumwoyo wangu; mwoyo wangu unochema mukati mwangu; andikoni kunyarara, ngokuti mweya wangu wazwa kuridzwa kwegwama, nokurira kwemhere yehondo.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:19

Ngokuti izwi rokuchema rinozwika richibva Zioni, “Kuparadzwa kwetaitirwa! Tatsverudzwa kakurutu, ngokuti takasiya nyika, ngokuti vapwanyira pashi ugaro hwedu.”

Ezek. 32:18

“Mukororo womunhu, bonda ngendaa yembungano yeEgipite, nokuitumira pashi, nevanasikana vemadzinza anembirikira, kuti vadzake kunyika iri pashi, pamwepo naavo vanodzaka murindi.

Mik. 2:4

Ngeiro zuva umwe unozotora muedzaniso ndiwe, nokuchema ngokuchema kwakakura echiti, ‘Taparadzwa yaamho; wakatsandudza chikoaniswa chevanhu vangu; wakachiita mabvisirenyi kubva kwendiri! Pakati pevamukiri vedu akakoanisa minda yedu!’ ”

1 Sam. 19:24

Wakakhumurawo machira ake, akaprofeta pamberi paSamueri. Wakaata pashi ari mutitinini zuva reshe nousiku hweshe uhwo. Ndizvo vakati, “Sauri uri pakati pevaprofetiwo here?”