Mik. 1:7 - Bhaibheri Rakachena muChindau

⁷ Miedzaniso yaro yeshe yakatsetswa inozopwanyiwa kuita zvigurwa, yeshe mithuso yaro inozopishwa ngomuriro, nayo yeshe miedzaniso yaro yokudira ndinozoiparadza; ngokuita muthuso wouhure rakaiunganidza, nokudai ngomuthuso wouhure inozoshandiswazve.

Mik. 1:7 Iomraidhean Croise

2 MaKro. 31:1

Zvino apo izvi zveshe zvapera, veshe vaIsuraeri vaiyapo vakabuda, vakaenda kumadhorobha aJudha, vakaputsa sika dzokudira kuita zvigurwa, vakatemera pashi matanda okudira, vakaputsira pashi ndau dzakakwirira nemaarita, muJudha mweshe, muBhenjamini, muEfuremu nomwaManase, metsa vaiya vapedza kuparadza zveshe. Zvino vana vaIsuraeri veshe vakahwirira kumadhorobha avo munhu weshe kuzviro zvake.

Isa. 2:18

Nemiedzaniso yokudira inozopera yaamho.

Isa. 23:17

Panoperera makore makumi manomwe, Mambo Mwari unozohambira Thire, naro rinozohwirira kooshambadza kwaro, rinozohura pacharo noumambo hweshe hwenyika padera pehope yenyika.

Isa. 27:9

Ndizvo ngendaa iyi kushata kwaJakobe kunozoripirwa; neiyi ndiyo michero yakazara yokuduswa kushaisha kwake; apo paanoita mapuwe eshe earita kuti adai ngemapuwe akapfaa anoputswa kuita zvigurwa, apana sika yokudira nemitombo inonuhwira yepaarita zvinozosara zvakaemapo.

Ezek. 6:6

Peshe pomunogara, madhorobha enyu anozoparadzwa, nendau dzenyu dzakakwirira dzinozoita matongo, kuitira kuti maarita enyu aite akaparadzwa nokuita matongo, miedzaniso yenyu yokudira kuti iputswe nokuparadzwa nemaarita enyu okupishira mitombo inegwema rakanaka aputsirwe pashi, nemishando yenyu idzimwe.

Hos. 2:12

Ndinozohwanda mivhini yake nemionde yake, yaakaereketa ndiyo kuti, “Iyi mithuso yangu yendakapuwa ngezvigango zvangu.” Ndinozoiita gwasha, nemhuka dzomushango dzinozoidya.

Hos. 2:14

Ndizvo, ringira, ndinozomunyengerera, ndimuunze mushango, ndechiereketa kumwoyo wake.

Hos. 2:5

Ngokuti mai avo vakaita uhure; iye wakavabereka wakaita zvinotsverudza. Ngokuti wakati, “Ndinozoteera zvigango zvangu, zvinondipa chingwa changu nemvura yangu, nemamviri angu emakwai, rukangaza rwangu, mafuta angu, nokumwa kwangu.”

Hos. 8:5

Konyana rako rinorambwa, O Samaria.Ushungu hwangu hunobaka kurwa navo. Unozoita mukuwo wakadini vasati vaita vasina ndaa?

Hos. 8:6

Ngokuti unobva muIsuraeri, mushandi wakariumba; andi Mwari akadi. Konyana reSamaria rinozoputswa kuita zvigurwa.

Joeri 3:3

nokuita mabhigidha ngevanhu vangu; vakatengesa varumbwana kuti vatenge mahure, nokutengesa vasikana kuti vapuwe vhini kuti vamwe.

Revhi 26:30

Neni ndinozoparadza ndau dzenyu dzakakwirira, ndiputsire pashi miedzaniso yenyu, ndikandire miiri yenyu yakafa padera pemiiri yemiedzaniso yenyu; nomweya wangu unozomushoora.

Dhuto. 23:18

Usazounza musharo unoashirwa ngoumhombo, nokuti mutengo wemhombo yemwamuna, mukati mwemhatso yaMambo Mwari, Mwari wako, kuti uripire ngeiri mhiko; ngokuti izvi zviiri zviri chinyangadzo kunaMambo Mwari, Mwari wako.

Dhuto. 9:21

Neni ndakatora chishaishi chenyu, muedzaniso wekonyana wemwakaumba, ndakaupisha ngomuriro, ndakaudzengenesa, nokuukuya ukamotseka, eya, metsa ukadai ngebukuta; neni ndakarasha bukuta rawo mumukova unoerera kubva kumutunhu.

Chakapangijihwa 18:3

Ngokuti madzinza eshe akamwa vhini roushungu hwokuomba kwake, nemadzimambo enyika akaomba naye, nevatengisi vomunyika vakapfuma ngesimba rouwandu hwepfuma yokuangira kwake kuemura.”

Chakapangijihwa 18:9

Madzimambo enyika, awo akaomba nokupona echidzidakadzisa pamwepo naye, anozochema nokubonda ngendaa yake, apo paanozoringira chiushi chokutsva kwake.

1 Sam. 5:4

Naapo vamuka nechimangwani mangwanani, vakaona Dhagoni waiya awa ngehope yake pamavhu pamberi pebhokisi rechitenderano chaMambo Mwari; nesoro raDhagoni nenyara dzake zvaiya zvakaguka padimba; chaiya chasarapo muiri wega waDhagoni.