Mik. 1:16 - Bhaibheri Rakachena muChindau

¹⁶ Dziite mhanza, upare bvudzi rako ngendaa yevana vako vanodikanwa; udziise mhanza kudai ngengwanga, ngokuti vakatorwa kubva kweuri kuitwa hloko.

Mik. 1:16 Iomraidhean Croise

2 Madzi. 17:6

Mugore rechipfumbamwe rokutonga kwaHoshea, mambo weAsiria wakanyisa Samaria, akatora vaIsuraeri kuenda navo Asiria. Wakavaisa muHara paHabhori pasinde pomufuya weGozani, nomumadhorobha evaMedhia.

Jobe 1:20

Zvino Jobe wakamiruka, akabaura zvokufuka zvake, akapara soro rake, akati dhuma pashi, akadira.

Isa. 15:2

Dhibhoni wakwira kumhatso yezvimwari, kundau dzakakwirira koochema; Moabhi unochemera Nebho naMedhebha. Soro reshe rine mhanza, nendebvu dzeshe dzinoparwa.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Jer. 16:6

Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 4:8

Ngendaa yeizvi dzisimidzei ngemachira emasaka, mucheme muboorere: ushungu hunotyisa hwaMambo Mwari ahuzi kupera kubva kwetiri.

Jer. 47:5

Mhanza yauya padera peGaza, Ashikeroni yanyaradzwa. O vakasara vebani raro! Munozodzipara mhanza kwomukuwo wakadini?

Jer. 6:26

“O vanhu vangu varombo, fukai masaka, dzimburumbudzei mumarota; mucheme kudai ngounochemera mwana zinyarimwe, mucheme kakurutu, ngokuti muparadzi unozouya padera pedu ngokukasira.

Jer. 7:29

“Para bvudzi rako, urirashe kuretu; udzichemere uri pandau dziri padera, ngokuti Mambo Mwari wakaramba nokusiya mubarirwana unomusa ushungu hwake.

Chi. 2:19

Miruka, ucheme yaamho usiku, pakutanga kwomurindo! Durura mwoyo wako kudai ngemvura pamberi pehope yaMambo Mwari. Mirudza nyara dzako kwaari ngendaa yendaramo yevana vako, avo vanodemera ngenzara ngedera kwepato rimwe ngarimwe.

Amo. 7:11

Izvi ndizvo zvinoronza Amosi, ‘Jerobhoamu unozofa ngeshoti, naIsuraeri unosisira kupinda kuita hloko kuretu kubva kunyika yake.’ ”

Amo. 7:17

Ndizvo izvi ndizvo zvinoronza Mambo Mwari: ‘Mukadzi wako unozoita hure mudhorobha, vakororo vako nevanasikana vako vanozourawa ngeshoti, nenyika yako inozokoaniswa ngebote, newe wemene unozofira munyika isikazi kusukika, naIsuraeri ngegwinyiso unozopinda muusungwa kuretu kubva kunyika yake.’ ”

Amo. 8:10

Ndinozotsandura madhiri enyu kuita kubonda, nendwiyo dzenyu dzeshe kuita kuchema; ndinozounza machira emasaka pazviunu zveshe, nemhanza padera pesoro reshe; ndinozozviita kuti zvidai ngokubonda ngendaa yomukororo umwe ega, nokupera kwazvo kudai ngezuva rinovava.

Dhuto. 28:41

Nemwi munozobereka vakororo nevanasikana, asi avazogari vari venyu, ngokuti vanozotorwa kuitwa hloko.