Marku 6:2 - Bhaibheri Rakachena muChindau

² Naapo Sabatha raguma wakatanga kudzidzisa mumhatso yokudira, nevazhinji vechimuzwa vakashamiswa. Vakati, “Munhu uyu wakazviona pari zveshe izvi? Kungwaranyi kwakapuwa kuneuyu munhu? Mishamiso yakakura yakadai inoitwa ngenyara dzake!

NOVO TESTAMENTO EM NDAU

² Naapo sabatha raguma wakatanga kujijisa mu nyumba yo kudira; no vazhinji vechimuzwa vakashamiswa, vakati: “Zvinobva kwapi izvi kuno mundhu uwu? Nokuti kungwara kwakadini kwakapuwa kuno mundhu uwu? No mishamiso yakakura yakadari inoitwa ngo nyara jake?

Marku 6:2 Iomraidhean Croise

Mateu 4:23

NaJesu wakahamba-hamba muGarire mweshe, echidzidzisa mumhatso dzavo dzokudira nokuchumaira vhangeri roumambo, nokurapa mbeu dzeshe dzokurwara nembeu dzeshe dzenhenda mukati mwevanhu.

Mateu 7:28

Kwakaitika apo Jesu apedza mazwi aya, mbungano yakashamiswa ngokudzidzisa kwake.

Marku 1:39

Wakahamba echichumaira mumhatso dzavo dzokudira muGarire mweshe, echidzinga madhimoni.

Marku 10:1

Wakabvapo akaenda kunyika yeJudhia noruseri rweJorodhani. Mbungano yakaunganazve kwaari; kudai ngokuita kwake, wakavadzidzisazve.

Ruka 2:47

Navo veshe vakamuzwa vakashamiswa ngokuzia kwake nokupingura kwake.

Ruka 4:15

Naye wakadzidzisa mumhatso dzavo dzokudira, echikudzwa ngevanhu veshe.

Johani 6:42

Vakati, “Uyu andiyepi here Jesu, mukororo waJosefa, baba namai ake vetinozia? Zvino unoita maereketerenyi kuti, ‘Ndakadzaka kubva mudenga?’ ”

Johani 7:15

Ndizvo vaJudha vakashamiswa vechiti, “Uyu unoita maziirenyi zvinyorwa, asikazi kudzidza?”