Marku 4:8 - Bhaibheri Rakachena muChindau

⁸ Nedzimweni dzakawa pamavhu akanaka, dzakabereka michero dzechikura, dzechiwanda, dzakabereka dzimweni makumi matatu, dzimweni makumi matanhatu, dzimweni zana.”

NOVO TESTAMENTO EM NDAU

⁸ No jimweni jakawa pamavhu akanaka, jakabereka michero, jechikura, jechiwanda, jakabereka jimweni makumi matatu, jimweni makumi matandhatu, jimweni zana.”

Marku 4:8 Iomraidhean Croise

Gen. 26:12

NaIsaka wakakusha mbeu munyikayo, akakukura ngeiro gore zana rakapetwa kune zvakakushwa. Mambo Mwari wakamufumisa.

Isa. 58:1

“Daidza ngeizwi guru, usarekera! Daidza ngeizwi rako guru kudai ngegwama! Teketesa kuvanhu vangu kumukira kwavo, kumhatso yaJakobe zvishaishi zvavo.

Jer. 23:29

“Mazwi angu aazi kudai ngomuriro here,” unoronza Mambo Mwari, “Nokudai ngehamera inoputsa buwe kuti riite chimwe chimwe?

Mateu 13:23

Asi iye wakakushwa pamavhu akanaka, uyu ndiye unorizwa izwi, naye unorizwisisa; zve unobereka michero ngegwinyiso, vamweni zana rakapetwa, vamweni makumi matanhatu akapetwa, vamweni makumi matatu akapetwa.”

Mateu 13:8

Nedzimweni dzakawira mumavhu akanaka, nadzo dzakabereka tsangu, dzimweni zana rakapetwa, dzimweni makumi matanhatu akapetwa nedzimweni makumi matatu akapetwa.

Marku 4:20

Naavo vakakushwa pamavhu akanaka ndivo vanorizwa izwi, vanoriashira, vanobereka michero, vamweni makumi matatu, vamweni makumi matanhatu nevamweni zana.”

Marku 4:7

Nedzimweni dzakawa pakati peminzwa, neminzwa yakakura, yakadzidzipa, nadzo adzizi kubereka michero.

Marku 4:9

Naye wakati, “Iye unenzee dzokuzwa ngaazwe.”

Ruka 8:15

Neidzo dzakawira mumavhu akanaka, ndivo avo vanozwa izwi ngomwoyo usina kuchengedza nowakanaka, vanobereka michero ngokusengerera.

Ruka 8:8

Dzimweni dzakawira mumavhu akanaka, dzakakura, dzikabereka tsangu zana rakapetwa.” Achaereketa izvi wakadaidzira echiti, “Uwo une nzee dzokuzwa, ngaazwe.”

Johani 15:5

Inini ndiri muvhini, imwimwi muri matai. Uwo unogara mukati mwangu, neni ndiri mukati mwake, ndiye unobara michero yakawanda, ngokuti ngepabanze pangu imwimwi amungakoni kuita chiro.

Johani 7:17

kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu.

Zvak. 17:11

Zvino vaJudha ava vaiya vakarurama kupinda veThesaronika ngokuti vakaashira izwi ngomwoyo weshe, vechitsvakisisa zvinyorwa mazuva eshe kuti vaone kuti izvi zvakadaro here.

Vaefesu 2:21

Mwaari mhatso yeshe inonasa kushonganiswa pamwepo nokukura kuita temperi rakachena munaMambo;

Vafiripi 1:11

mwechizadzwa ngemichero yokururama, iyo iripo kubudikidza ndiye Jesu Kristu, mukukudza nokuirikidza Mwari.

Vakorose 1:6

iro rakaguma kwomuri, kudai ngezverinobara michero nokukura munyika yeshe, ndizvo raibara michero pakati penyu, kubvira kuiro zuva remwakazwa nokuzia nyasha dzaMwari mugwinyiso.