Marku 4:5 - Bhaibheri Rakachena muChindau

⁵ Nedzimweni dzakawa pandau inetsanza, apo paiya pasina mavhu akawanda, paripo dzakamera, ngokuti paiya pasina mavhu akadzama.

NOVO TESTAMENTO EM NDAU

⁵ No jimweni jakawa pandau ino mapuwe apo payinga pasina mavhu akawanda; paripo jakamera ngo kukasira, ngokuti inga pasina mavhu mazhinji.

Marku 4:5 Iomraidhean Croise

Ezek. 11:19

Ndinozovapa mwoyo umwe, nokuisa mweya mutsva mukati mwavo; ndinozodusa mwoyo webuwe kubva munyama yavo, ndivape mwoyo wenyama,

Ezek. 36:26

Ndinozomupa mwoyo mutsva, ndinozoisa mweya mutsva mukati mwenyu; ndinozodusa mwoyo webuwe kubva munyama yenyu, ndimupe mwoyo wenyama.

Hos. 10:12

Dzikushirenyi kururama, chekai nyasha dzinorudo; rimai makura enyu; ngokuti waamukuwo wokutsvaka Mambo Mwari, kuti auye, anaise kururama padera penyu.

Amo. 6:12

Mahachi anorumba here padera poruware? Uripo here ungarima ruandhle ngen'ombe? Asi mwatsandura kutonga kwakanaka kuita chanduru, nomuchero wokururama kuita kuvava.

Mateu 13:20

Nouwo wakakushwa paruware, uyu ndiye unorizwa izwi, ngokukasira unoriashira ngokudakara.

Marku 4:4

Kwakaitika mukukusha kwake, kuti dzimweni mbeu dzakawa panjira, neshiri dzakauya dzakadzidya.

Marku 4:6

Kwakati zuva rabuda, dzakatsva ngokuti dzaiya dzisina nzinde, dzakaputa.

Ruka 8:13

Neidzo dziri paruware, ndivo avo vanozwa izwi, vanoriashira ngokudakara; navo avana nzinde, vanotenda mukuwo mudoko, ngenguva yokuedzwa vanopumhunwa.

Ruka 8:6

Nedzimweni dzakawira paruware; paripo dzakamera dzikazeketera, ngokuti dzaiya dzisina mwando.