Marku 3:5 - Bhaibheri Rakachena muChindau

⁵ Naapo aiya avaringisisa ngoushungu, echisvipa mwoyo ngokukonza kwomwoyo yavo, wakati kumunhuwo, “Tambanudza nyara yako.” Naye wakaitambanudza. Nenyara yake yakaponeswa.

NOVO TESTAMENTO EM NDAU

⁵ Naapo ayinga avaringisisa ngo ushungu, echihwajihwa ngo kuchunga kwo mwoyo yavo, wakati ku mundhuwo: “Tambanuja nyara yako.” Naye wakatambanuja, no nyara yake yakarapika.

Marku 3:5 Iomraidhean Croise

Gen. 6:6

NaMambo Mwari wakadzishoora kuti waiya akasika munhu panyika, nazvo zvakarwadza mwoyo wake.

1 Madzi. 13:6

Mambo wakapingura, akati kunomunhu waMwari, “Pota zvino pamberi pehope yaMambo Mwari, Mwari wako, undikumbirire, kuti nyara yangu itambiswe.” Ndizvo munhu waMwari wakapota kunaMambo Mwari, nenyara yamambo yakatambiswa, ikadai ngekaretu.

Neh. 13:8

Nazvo zvakandisvipisa mwoyo kakurutu; ndizvo ndakakandira kubanze zviro zveshe zvomumhatso zvaiya zvaThobhia kubva mukamera.

Nduyo 95:10

Ndakasvipa mwoyo ngendaa youwo mubarirwana kwemakore makumi marongomuna, ndakati, “Ava vanhu vanopauka mumwoyo mwavo, avazii njira dzangu.”

Mateu 12:13

Naapo wakati kunemunhu uwo, “Tambanudza nyara yako.” Naye wakaitambanudza, nayo yakaponeswa kudai ngeimweni.

Marku 3:4

Wakati kwavari, “Chiinyi chinotenderwa ngeSabatha, kuita zvakanaka nokuti zvakashata, kuponesa munhu nokuti kuuraya?” Asi vakanyarara.

Ruka 13:15

Asi Mambo wakamupingura akati, “Imwimwi vadziitisi! Umwe ngaumwe wenyu aasunhuri here ngezuva reSabatha n'ombe yake nokuti mbongoro yake kubva muchibaya, kuitinha kuenda nayo kumvura?

Ruka 17:14

Naapo avaona wakati kwavari, “Mwechienda mudzipangidzire kuvapristi.” Naapo vechienda vakamhodyoswa.

Ruka 6:10

Naye wakavaringisisa veshe, akati kwaari, “Tambanudza nyara yako.” Naye wakaita kudaro, nenyara yake yakaponazve.

Johani 9:7

Wakati kweriri, “Enda, ushambe muGandwa reSiroamu.” (Ngokukumuchwa kunoti Wakatumwa.) Ndizvo wakaenda, akashamba, wakauya oona.

Varoma 11:25

Ngokuti andidi, hama, kuti muite vasikazii ngeichi chakafishika; kuti musadziita vakangwara mumipinimidzo yenyu, ngokuti vaIsuraeri vamweni vakagumirwa ngokutindiara kwomwoyo, metsa kugume kuzarisika kwouwandu hwevemadzinza.

2 VaK. 3:14

Asi mipinimidzo yavo yakakonzeswa. Ngegwinyiso metsa nyamashi naapo pevanozwa kudzidzwa kwechitenderano chekaretu, jira rimwero rindoripo risikazi kufukurwa, iro jira rinoduswa munaKristu mwega.

Vaefesu 4:18

vari muchidima mukuzwisisa kwavo, vari vapara mukupona munaMwari ngendaa yokusikazia kwavo nendaa yokukonza kwomwoyo yavo;

Vaefesu 4:26

“Tsenekai, musikashaishi.” Musatendera kuti zuva ripote mwakatseneka,

Vaefesu 4:30

Musatsamwisa Mweya Wakachena waMwari, womwakaisirwa chioniso mwaari metsa kuguma kuzuva rokuripirwa.

Vahebheru 3:10

makore makumi marongomuna. Ndizvo ndakanyangadzwa ngorudzi urwu, ndikati, ‘Vanogara vechipauka mumwoyo yavo navo avazi kuzia njira dzangu.’

Vahebheru 3:17

Ndianizve vaakanyangadzirwa makore makumi marongomuna? Andivopi avo vakashaisha here, miiri yavo yakawira mushango?

Vahebheru 5:9

naapo aitwa wakaperera, wakaita muambi wokuponeswa kusikaperi kwavari veshe vanomupurutana,

Chakapangijihwa 6:16

vechidaidzira kumitunhu nokumapuwe vechiti, “Tiwirenyi, mutifishe kubva kuhope youwo unogara pachigaro choumambo nokubva kuushungu hweGwai;

Vato. 10:16

Navo vakarasha kubva pakati pavo zvimwari zvipara vakamudira Mambo Mwari; nomweya wake wakatambudzika ngendaa yokutambudzwa kwevaIsuraeri.

1 Sam. 20:34

Jonathani wakamiruka kubva patafura ngokushatirwa kukurutu, aazi kudya chiro zuva rechipiri romwedzi, ngokuti waisvipo mwoyo ndiDhavhidha zvokuti baba ake vakamutsverudza.