Marku 3:2 - Bhaibheri Rakachena muChindau

² Navo vakamuringisisa, kuona kuti unozomuponesa here ngezuva reSabatha, kuti vamuparise ndaa.

NOVO TESTAMENTO EM NDAU

² Navo vakamuringisisa kuvona kuti angazomurapa here ngo zuva ro sabatha, kuti vamuparise ndava.

Marku 3:2 Iomraidhean Croise

Nduyo 37:32

Wakashata unohwarira wakarurama, echitsvaka kumuuraya.

Jer. 20:10

Ngokuti ndinozwa vazhinji vanovherevhenza vechiti, “Kutyisa kuri kumarupande eshe.” Vakati, “Muronzenyi! Ngatimuronze.” Vangani vangu veshe vakagarira kukorera kwangu vechiti, “Pamweni ungakona kunyengererwa, nesu tingakona kumunyisa nesu tinozokona kuunzidzira padera pake.”

Dha. 6:4

Ndizvo nduna huru nenduna doko dzakatsvaka kuti dzaone ndaa kunaDhanieri ngezvoumambo. Asi adzizi kuona ndaa nokuti chaakashaisha, ngokuti waiya unogondeka, kwaiya kusikazi kuoneka kushaisha nokuti ndaa kwaari.

Mateu 12:10

Ringira, kwaiyapo munhu unenyara yake yakaonyana. Navo vakamubvunza kuti, “Kunotenderwa here kuponesa ngezuva reSabatha?” kuti vamuparise ndaa.

Marku 3:3

Naye wakati kunemunhu uwo waiya nenyara yakaputa, “Uyai pano.”

Ruka 14:1

Ngezuva reSabatha rimweni Jesu wakapotera mumhatso yomutongi uwo waiya umwe wevaFarisi, koodya, vaimuringisisa.

Ruka 20:20

Ndizvo vakamurinda, vakatuma vadongoreri, avo vakadziitisa kudai ngevanhu vakarurama, ngokudaro vakamuteya ngemazwi ake, kuti vazomupira kusimba romutongi woumambo.

Ruka 6:7

Vanyori nevaFarisi vakamurinda, kuti vaone kuti unozomuponesa here ngezuva reSabatha, vechitsvaka chokumuparisa ndaa ndicho.

Johani 8:6

Vakaereketa izvi vechimuedza, kuti vaone chokumuparisa ndaa ndicho. Asi Jesu wakakotama pashi, akanyora ngechinwe pamavhu.

Johani 9:16

Ndizvo vamweni vevaFarisi vakati, “Uyu munhu aabvi kunaMwari, ngokuti aangwariri Sabatha.” Asi vamweni vakati, “Munhu mushaishi ungaita maitirenyi iyi mioniso?” Kwakaapo kuparadzana pakati pavo.