Marku 2:8 - Bhaibheri Rakachena muChindau

⁸ Paripo Jesu, echizia mumweya wake kuti vaidzibvunza zvakadaro mukati mwavo, wakati kwavari, “Munodzibvunza ngenyi ngeizvi mumwoyo yenyu?

NOVO TESTAMENTO EM NDAU

⁸ Paripo Jesu echiziva mu mweya mwake kuti vaijibvunjisa zvakadaro mukati mwavo, wakati kwavari: “Munojibvunjisa ngenyi izvi mu mwoyo mwenyu?

Marku 2:8 Iomraidhean Croise

1 MaKro. 29:17

Ndinozia, Mwari wangu, kuti iwewe unoedza mwoyo, unodakarira kururama; mukururama kwomwoyo wangu ndakapa zviro zveshe izvi ngokuda; zvino ndaona vanhu vako vari pano, vechipa kwouri ngokuda nokudakara.

Nduyo 139:2

Unozia kugara kwangu nokumiruka kwangu; iwewe unozwisisa mukarakadzo wangu uri kuretu.

Mazwi 15:26

Urongwa hwakashata chinyangadzo kunaMambo Mwari, asi mazwi enyasha akaperera.

Mazwi 24:9

Mukarakadzo woupenzi kushaisha, nomuangarari uri chinyangadzo kwevari veshe.

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Ezek. 38:10

“Izvi ndizvo zvinoronza Mambo Mwari, Mwari: Ngeiro zuva mikarakadzo inozouya mukupinimidza kwako, newe unozoronga zano rakashata.

Mateu 12:15

Asi Jesu echizia wakabvapo nembungano huru yakamuteera, naye wakavaponesa veshe.

Mateu 16:7

Navo vakapangana pakati pavo, vakati, “Unodaro ngokuti atizi kutora zvingwa.”

Mateu 9:4

NaJesu echizia kupinimidza kwavo wakati, “Munopinimidzirenyi zvakashata mumwoyo yenyu?

Marku 2:7

“Uyu unoereketa kudai ngenyi? Unotuka Mwari! Ndiani unokona kurekerera munhu zvishaishi asi Mwari ega?”

Marku 2:9

Chiinyi chakapinda kureruka, kuronza kunouwo unorwara ngokuoma muiri kuti, ‘Zvishaishi zvako zvarekererwa,’ nokuti kuronza kuti, ‘Miruka, utore manhi ako, uhambe?’

Marku 7:21

Ngokuti mukati mumwoyo yevanhu kunobuda mikarakadzo yakashata, kuhura, kuba, kuuraya,

Ruka 24:38

Naye wakati kwavari, “Munotambudzika ngenyi? Inobuda ngenyi mibvunzo iyi mumwoyo yenyu?

Ruka 5:22

Asi Jesu echindozia kupinimidza kwavo, wakapingura akati kwavari, “Munobvunzana ngenyi mumwoyo yenyu?

Ruka 6:8

Asi iye waizia mikarakadzo yavo, akati kunemunhu uwo waiya nenyara yakaoma, “Uya ueme panapa.” Naye wakamiruka, akaemapo.

Johani 21:17

Wakati kwaari ngokwechitatu, “Simoni, mukororo waJohani, unondida here?” Petro wakarwadziwa mwoyo ngokuti wakati kwaari ngokwechitatu, “Unondida here?” Naye wakati kwaari, “Mambo, iwewe unozia zveshe; unozia kuti ndinokuda.” Jesu wakati kwaari, “Usha makwai angu.

Johani 6:64

Asi varipo vamweni pakati penyu vasikatendi.” Ngokuti kubvira pakutanga, Jesu waindozia kuti ndiani avo vasikatendi nokuti ndiani unozomupira.

Zvak. 5:3

Asi Petro wakati, “Ananiasi, Sathani wazadza ngenyi mwoyo wako kuti unyepe kunoMweya Wakachena nokusara norupande rwomutengo womunda.

Zvak. 8:22

Ndizvo tenderuka ubve mukushaisha kwako uku, ukumbire kunaMambo, kuti pamweni kungarekererwa kwouri kupinimidza kwomwoyo wako.

Vahebheru 4:13

Pamberi pake apana chisikwa chakafishika, asi zviro zveshe zviri pamhene nokufukurwa kumadziso ake uwo wetinozodzipingurira kwaari.

Chakapangijihwa 2:23

Neni ndinozouraya vana vake vafe. Nezviara zveshe zvinozozia kuti inini ndini ndinotsvakisisa mupinimidzo nomwoyo, neni ndinozomupa umwe ngaumwe kudai ngemishando yake.