Marku 13:9 - Bhaibheri Rakachena muChindau

⁹ “Asi dzingwarirenyi imwimwi pachenyu; ngekuti vanozomupira kumakota; nemwi munozorohwa mumhatso dzavo dzokudira; munozoema pamberi pevatongi nemadzimambo ngepamusoro pangu, kuita chapupu pamberi pavo.

NOVO TESTAMENTO EM NDAU

⁹ Asi jingwarirenyi imwimwi pachenyu ngokuti vanozomupira mubangano, nemwi munozorohwa mu nyumba jo kudira javo; munozoima pamberi po vatongi no majimambo ngo ndava yangu, kuyita chapupu kwavari.

Marku 13:9 Iomraidhean Croise

Mateu 5:22

Asi inini ndinoti kwomuri munhu weshe uwo unomutsenekera munun'una wake unozoa nendaa yokutongwa, nouwo unozotuka munun'una wake kuti, ‘Munhu usinashwiro’, unozoa nendaa yokutongwa ngemakota, nouwo unozoti, ‘Iwewe benzi’, unozoa nendaa yokurashwa muGehena remwoto.

Marku 1:44

akati kwaari, “Ngwara kuti usazoronzera munhu ngeizvi; asi enda, udzipangidzire kunemupristi, uhine ngendaa yokumhodyoswa kwako izvo zvaakaemesa Mosi, kuita chapupu kwavari.”

Marku 13:5

Jesu wakatanga kuvaronzera echiti, “Ngwarai kuti musazopaukiswa ngomunhu kunyazwi ngouri.

Marku 13:8

Ngokuti dzinza rinozomukirana nedzinza, noumambo unozomukirana noumambo; kunozoapo kuzungunyika kwenyika kundau dzakaparadzana, kunozoapo nzara. Izvi zviri kutanga kwemadambudziko.

Marku 6:11

Kunyazwi ngeiri ndau yomusikazoashirwi nokuti kupurutanwa, mwoobvapo zuwai bukuta pashi petsoka dzenyu kuti riite chapupu kwavari.”

Ruka 9:5

Naavo vasikazomuashiri, mwoobva mudhorobha iro, munozoguwa bukuta pashi petsoka dzenyu kuita chapupu chokuvaitira ndaa.”

Johani 15:20

Karakadzai izwi iro rendakaereketa kwomuri kuti, ‘Muranda aatongopindi mambo wake.’ Kudai vakanditambudza inini, vanozomutambudzawo; kudai vakangwarira izwi rangu, vanozongwarirawo izwi renyu.

Johani 16:2

Vanozomudzinga kubva mumhatso dzavo dzokudira; eya, awa richauya apo kunyazwi ndiani unomuuraya, unozopinimidza kuti unoshandira Mwari.

Zvak. 21:11

Echiuya kwetiri, wakatora bhande raPhauri, wakadzisunga tsoka dzake nenyara, akati, “Unoronza izvi Mweya Wakachena, ‘Ngokudaro vaJudha vari muJerusarema vanozosunga munewebhande iri, vanozomupira munyara dzevemadzinza.’ ”

Zvak. 7:54

Naapo vechizwa izvi vakanyangadzwa navo vakamukwetsera mazino.

Zvak. 9:16

Ngokuti inini ndinozomuonisa zveshe zvaanosisira kuzotambudzwa ndizvo ngendaa yezina rangu.”

Vafiripi 1:29

Ngokuti kwakatenderwa kwomuri nguva ngenyasha, haiwa yokutenda kwega munaKristu, asi yokutambudzika ngendaa yake,

2 VaTes. 1:5

Izvi zvinoonisa kururama kwokutonga kwaMwari, kuti muerengwe muri vanosisira umambo hwaMwari, uhwo hwomunotambudzikirawo.

2 Joh. 1:8

Dzingwarirei, kuti musazorashikirwa ngezvetakashanda, asi kuti muashire musharo wakaperera.

Chakapangijihwa 1:9

Inini, Johani, hama yenyu yomunokoanisirana nayo munaJesu mumadambudziko nomuumambo nokusengerera, ndaiya pachiwi chinozwi Phatimosi ngendaa yeizwi raMwari neyouchapupu hwaJesu.

Chakapangijihwa 2:10

Usatya izvo zvounozotambudzika ndizvo. Wona, Sathani woda kubata nokupotedza vamweni venyu mutirongo, kuti muedzwe, nemwi munozoa nedambudziko pamazuva gumi. Ita unogondeka metsa mukufa, neni ndinozokupa dzungudza rokupona.

Chakapangijihwa 2:13

“Ndinozia pounogara, ndipo pane dendemaro raSathani; newe unobatisisa zina rangu, auzi kuramba kutenda kwako mwendiri, kunyazwi kumazuva aAntiphasi chapupu changu, wakagondeka wangu, wakaurawa pakati penyu, paanogara Sathani.