Marku 13:8 - Bhaibheri Rakachena muChindau

⁸ Ngokuti dzinza rinozomukirana nedzinza, noumambo unozomukirana noumambo; kunozoapo kuzungunyika kwenyika kundau dzakaparadzana, kunozoapo nzara. Izvi zviri kutanga kwemadambudziko.

NOVO TESTAMENTO EM NDAU

⁸ Ngokuti jinja rinozomukirana no jinja, no umambo hunozomukirana no umambo; kunozovapo kuzungunyika kwo nyika ku ndau jakaparajana; kunozovapo njara. Izvi zviri zvokutanga kwo matambujiko.

Marku 13:8 Iomraidhean Croise

2 MaKro. 15:6

Vakaparadzwa kuita zvigurwa, dzinza rakaparadza dzinza, nedhorobha rakaparadza dhorobha, ngokuti Mwari wakavatambudza ngematambudziko eshe.

Nduyo 48:6

kuhuta kwakavagumirapo, nokurwadziwa kudai ngomukadzi wopotwa ngokubereka,

Isa. 19:2

“Neni ndinozomusa vaEgipite kumukira vaEgipite; navo vanozorwisana umwe neumweni, muakirwana nomuakirwana wake, dhorobha nedhorobha, umambo noumambo.

Isa. 29:6

unozohambirwa ndiMambo Mwari wehondo nokutinhira nokuzungunyika kwenyika, nebope gurutu nomubvumo, neguwe nomurazvu womuriro unopisha kakurutu.

Isa. 37:3

Vakati kwaari, “Izvi ndizvo zvinoronza Hezekia, ‘Zuva iri izuva rokutambudzika nerokukaraidza nokutuka; vana vaguma mukuwo wokuberekwa, asi apana simba rokuvabereka.

Jer. 13:21

Unozotinyi apo vaemesa kuita mukuru padera pako uwo wewakadzidzisa kuita mungani wako, kuti atonge padera pako? Auzorwadziwi here kudai ngomudzimai wobereka?

Jer. 22:23

O iwewe unogara muRebhanoni, unonasira chisaki chako pakati pemisidhari, kukungurirwa kwakaitawani, apo kurwadziwa kunozouya padera pako, kwakadai ngokurwadziwa kwomukadzi apo oobereka!

Jer. 25:32

Izvi ndizvo zvinoronza Mambo Mwari wehondo: “Ringira, kushata kunopararira kubva kudzinza kuenda kudzinza, nechapupuri chikuru chinomirudzwa kubva kumiganu yenyika.”

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 49:24

Dhamasekusi rapera simba, ratenderuka kutiza, kutyisa kwaribata; kurwadziwa kukuru nemadambudziko zvaribata, kudai ngomukadzi unorwadziwa mukubereka.

Jer. 50:43

Mambo weBhabhuroni wakazwa mashoko ndivo nenyara dzake dzakapera simba; kurwadziwa kwakakura kwakamubata, kurwadziwa kwakadai ngekwomukadzi uri mukubereka.

Jer. 6:24

“Tazwa mbiri yavo; nyara dzedu dzapera simba; maharura okutyiswa atibata, kurwadziwa kwakadai ngekwomukadzi unobereka.

Hag. 2:22

Ndaakuda kuzoriga pashi madendemaro oumambo, ndechizoparadza simba roumambo hwevemadzinza; ndechiparadza ngoro naavo vanokwira mukati mwadzo; nemahachi nevagadhi vawo vanozowiswa pashi, veshe umwe ngaumwe ngeshoti yehama yake.

Zek. 14:13

Pairo zuva nheruso huru inobva kunaMambo Mwari inozowira padera pavo; ndizvo umwe ngaumwe unozobata kunyara yomuakirwana wake, nenyara yake inozorwisa nyara yomuakirwana wake;

Mateu 24:8

Izvi zveshe zviri zvokuamba kwemadambudziko.

Marku 13:7

Naapo mwoozwa ngokurwa nemawirira okurwa, musazotambudzika; izvi zvinosisira kuti zviitike, asi magumo aasati aguma.

Marku 13:9

“Asi dzingwarirenyi imwimwi pachenyu; ngekuti vanozomupira kumakota; nemwi munozorohwa mumhatso dzavo dzokudira; munozoema pamberi pevatongi nemadzimambo ngepamusoro pangu, kuita chapupu pamberi pavo.

Zvak. 11:28

Umwe wavo waizwi ndiAgabhusi wakamiruka, akavaronzera kubudikidza ndiMweya kuti nzara huru inozogumira nyika yeshe; iyo yakaitika ngemazuva aKraudhiusi.

1 VaTes. 5:3

Naapo vanozoti, “Kuripo kunyarara nokungwaririka,” zvino ngokukasira kuparadzwa kuchauya padera pavo, kudai ngokurwadziwa kunouya padera pomudzimai wosununguka, apana unozopokonyoka!

Chakapangijihwa 6:4

Nehachi rimweni rakabuda shava; nomugadhi waro wakapuwa simba rokudusa kunyarara kubva munyika, kuti vanhu vaurayane; naye wakapuwa shoti huru.