Marku 12:3 - Bhaibheri Rakachena muChindau

³ Navo vakamubata, vakamurova, vakamupetudza asina chiro.

NOVO TESTAMENTO EM NDAU

³ Navo vakamubata, vakamurova, vakamuhwirija asina chiro.

Marku 12:3 Iomraidhean Croise

1 Madzi. 18:13

Mambo wangu aazi kuronzerwa here ngeizvo zvendakaita ngemazuva apo Jezebheri paakauraya vaprofeti vaMambo Mwari, ngenjira yendakavafisha ndiyo mubako, ndechivaburira chingwa nemvura?

1 Madzi. 18:4

Naapo Jezebheri echiuraya vaprofeti vaMambo Mwari, Obhadhia wakatora vaprofeti zana, akavafisha ngezvikwata zviiri, makumi mashanu mubako rimwe, akavaburira chingwa nemvura.)

1 Madzi. 19:10

Wakati, “Ndaiya ndechishandira yaamho Mambo Mwari, Mwari wehondo; ngokuti vana vaIsuraeri vakarasha chitenderano chako, vakaputsira pashi maarita ako, vakauraya vaprofeti vako ngeshoti. Inini, inini ndega ndini ndasara; navo vanotsvaka kundiuraya.”

1 Madzi. 19:14

Wakati, “Ndaiya ndechishandira yaamho Mambo Mwari, Mwari wehondo; ngokuti vana vaIsuraeri vakarasha chitenderano chako, vakaputsira pashi maarita ako, vakauraya vaprofeti vako. Inini, inini ndega ndini ndasara; navo vanotsvaka kupona kwangu, kundiuraya.”

1 Madzi. 22:27

Uronze kuti, ‘Izvi ndizvo zvinoronza mambo: Isai uyu munhu mutirongo, umugutise ngokudya nemvura zvakatsonzwa, metsa ndauya mukunyarara.’ ”

2 MaKro. 16:10

Zvino Asa wakanyangadzwa ngomuprofeti, naye wakamuisa mumanguri mutirongo, ngokuti wakamunyangadza ngeiyi ndaa. NaAsa wakatambudza vamweni vevanhu ngomukuwo umwewo.

2 MaKro. 36:16

Asi vakaangira kuitira jee varanda vaMwari, vakashoora izwi rake, vakatuka vaprofeti vake, metsa ushungu hwaMambo Mwari hwabaka kunavanhu vake kakurutu, apana naumwe wakapokonyoka.

Neh. 9:26

“Zvakanyadaro avazi kupurutana, vakakumukira, vakafuratira mishana yavo kumipango yako, vakauraya vaprofeti vako, avo vaivanyowedza, kuti vavatenderudzire kwouri, navo vakaita zvinyangadzo zvakakura.

Jer. 2:30

Ndakachayira pasina chiro vana venyu; avazi kuashira kupangwa. Shoti yenyu yemene ndiyo yakauraya vaprofeti venyu kudai ngemhondoro inokara.

Jer. 20:2

Zvino Phashuri wakachaya Jeremia muprofeti, wakamuisa mumanguri aiya paBhenjamini wepadera, Musiwo wemhatso yaMambo Mwari.

Jer. 29:26

‘Mambo Mwari emene wakakuita mupristi pandau yeJehoiadha mupristi, kuitira kuti uite mutongi mumhatso yaMambo Mwari, kuti uise mutirongo nomumanguri munhu weshe unopenga, echidziita muprofeti.

Jer. 44:16

“Ngendaa yeizwi iro rewaereketa kwetiri muzina raMambo Mwari, atizokupurutani.

Mateu 15:22

Penya dzimai reKhenani rakabva kundau iyo, rakadaidzira rechiti, “Ndiitire nyasha, Mambo, Mukororo waDhavhidha. Mwanasikana wangu unotambudzwa kakurutu ngedhimoni.”

Marku 12:2

Naapo nguva yokuibva kwemichero yaguma, wakatuma muranda kuvarimi kuti aashire michero imweni yemivhini kubva kunevarimi.

Marku 12:4

Wakatumazve kwavari muranda umweni, nouwo naye vakamuremadza soro rake, vakamutsverudza.

Zvak. 7:52

Ngouri wevaprofeti usikazi kutambudzwa ngemadzibaba enyu? Navo vakauraya avo vakavaronzera ngepamberi ngokuuya kwoUmwe Wakarurama, zvinopano imwimwi mwakamupira nokumuuraya.

1 VaTes. 2:15

avo vakauraya veshe Mambo Jesu nevaprofeti, vakatidzinga, vasikadakadzi Mwari, vari vanorwisana nevanhu veshe,