Josh. 9:9 - Bhaibheri Rakachena muChindau

⁹ Vakati kwaari, “Varanda vako vanobva kunyika iri kuretu ngendaa yezina raMambo Mwari, Mwari wako; ngokuti isusu takazwa mbiri yake neizvo zveshe zvaakaita muEgipite,

Josh. 9:9 Iomraidhean Croise

1 Madzi. 8:41

“Naapo vapara, avo vasiri vevanhu vako Isuraeri, avo vanobva kunyika iri kuretu ngendaa yezina rako,

Neh. 9:5

Zvino vaRevhi, Jeshua, Kadhimieri, Bhani, Hashabhineia, Sherebhia, Hodhia, Shebhania naPhethahia vakati, “Mirukai, mukudze Mambo Mwari, Mwari wenyu, mhera nariini kumhera nariini. Ngarikudzwe zina rake rinouthende, rakamirudzwa padera pezvifumiso zveshe nokukudzwa kweshe.”

Nduyo 148:13

Ngavakudze zina raMambo Mwari, ngokuti zina rake rega ndiro rakatunhumadzwa; uthende hwake huri padera penyika nedenga.

Nduyo 72:19

Ngarikudzwe zina rake rinouthende mhera nariini; uthende hwake ngahuzadze nyika yeshe. Ameni naAmeni.

Nduyo 78:12

Wakaita zviro zvinoshamisa mukuona kwemadzibaba avo, munyika yeEgipite, murubaya rweZoani.

Nduyo 83:18

Ngavazie kuti iwewe wega, zina rako ndiMambo Mwari, Uripadera-pezveshe munyika yeshe. KuneMutungamiriri woKuemba. Nduyo yevakororo vaKhora.

EKISEDHUSI 15:14

Vanhu vazwa, vanohuta; maharura avabata vanogara Firistia.

EKISEDHUSI 9:16

Asi ngeiyi ndaa, ngegwinyiso ndakakuemesa kuti ndikuonise simba rangu, kuti zina rangu riteketeswe munyika yeshe.

Isa. 55:5

Ringira, unozodaidza madzinza ousikazii, nemadzinza asikakuzii anozorumba echiuya kwouri ngendaa yaMambo Mwari, Mwari wako, Wakachena waIsuraeri, ngokuti wakukurisa.”

Isa. 66:19

neni ndinozoemesa chioniso pakati pavo. Kubva kwevari ndinozotumira avo vakapokonyoka kumadzinza, kuTharshishi, Phuti, nokuRudhi, avo vanofura ngeuta; kuTubhari neJavhani, kuzviwi zviri kuretu, izvo zvisati zvambozwa ngembiri yangu, nokuti kuona uthende hwangu; navo vanozoteketesa uthende hwangu pakati pemadzinza.

Zvi. 14:15

Zvino kudai wechizouraya ava vanhu panguva imwe, naapo madzinza awo akazwa mbiri yako vanozoereketa vechiti,

Zvi. 20:14

Mosi wakatuma nhumwa kubva Kadheshi kuenda kunamambo weEdhomu echiti, “Izvi ndizvo zvinoronza munun'una wako Isuraeri: iwewe unozia madambudziko eshe akatigumira;

Zvak. 8:7

Ngokuti kwakabuda mweya yetsvina kubva muvazhinji vaiya nayo, yechidaidzira ngeizwi guru; nevazhinji vaiya vakaoma muiri nezvirema vakaponeswa.

Dhuto. 20:11

Kudai vechizoashira izwi rokuiyana, nokudzipira kwomuri, zvino vanhu veshe vari mukati mwaro vanozoita varanda kwomuri, vanozomushandira.

Dhuto. 20:15

Munozoita izvi kumadhorobha eshe ari kuretu kubva kwomuri, asiri madhorobha eaya madzinza.

Josh. 9:10

nazvo zveshe zvaakaita kumadzimambo mairi evaAmori, aiya rusere rweJorodhani, kunaSihoni mambo weHeshibhoni nokunaOgi mambo waBhashani, waiya muAshitharothi.

Josh. 9:16

Asi ngesure kwemazuva matatu, vapedza kuita chitenderano navo, vakazwa kuti vari vaakirwana vavo, kuti vaigara pakati pavo.

Josh. 9:17

Ndizvo vaIsuraeri vakahamba, vakaguma kumadhorobha avo ngezuva rechitatu. Zvino mazina emadhorobha avo aiya Gibheoni, Khefira, Bheerothi naKiriathijearimu.

Josh. 9:24

Vakapingura Joshua vechiti, “Ngokuti ngegwinyiso kwakaronzerwa kuvaranda vako kuti Mambo Mwari, Mwari wako wakapanga Mosi muranda wake kuti unozomupa nyika yeshe, nokuuraya vagari vayo veshe kubva pamberi penyu; ndizvo ngokudaro taiya nokutya kukurutu ngendaa yokupona kwedu ngepamsoro penyu, ndizvo takaita ichi chiro.