Josh. 9:14 - Bhaibheri Rakachena muChindau

¹⁴ Ndizvo vamuna vakaashira zvokudya zvavo ngendaa yokuona mbuva yavo, vasikazi kubvunza chirikuda kwaMambo Mwari kubva kumuromo wake.

Josh. 9:14 Iomraidhean Croise

2 Sam. 2:1

Ngesure kweizvi Dhavhidha wakabvunza kunaMambo Mwari echiti, “Ndingakwira here kuguta nokuti ngeriri raJudha?” Mambo Mwari wakati kwaari, “Kwira.” Dhavhidha wakati, “Ndinozokwira kundau iri?” Wakati, “KuHebroni.”

2 Sam. 5:19

Dhavhidha wakabvunza Mambo Mwari echiti, “Ndinozokwira here koorwa nevaFiristia? Unozovapira munyara dzangu here?” Mambo Mwari wakati kunaDhavhidha, “Kwireyo; ngokuti ngegwinyiso ndinozopira vaFiristia munyara dzako.”

Ezura 8:21

Zvino ndakaemesapo kuti kuerwe kudya, paRwizi Ahavha, kuti tidzipfaise pamberi paMwari wedu, kuti titsvake kubva kwaari njira yakarurama kwetiri, nokunevana vedu, neyepfuma yedu yeshe.

EKISEDHUSI 28:30

Newe unozoisa mukati mwechokungwarira diti chokutonga ndicho Urimi neThumimu; nazvo zvinozoa pamwoyo waAroni, apo oopotera pamberi paMambo Mwari; ndiAroni unozotwara kutongwa kwevana vaIsuraeri mumwoyo mwake pamberi paMambo Mwari nguva dzeshe.

Zvi. 27:21

Asi unozoema pamberi paEreaza mupristi, uwo unozomubvunzira kuda kwangu ngokushandisa Urimu pamberi paMambo Mwari; ngeizwi rake vanozobuda, ngeizwi rake vanozopotera, pamwepo iye nevana vaIsuraeri, mbungano yeshe.”

Jakobe 1:5

Kudai aripo umwe wenyu unotama ungwaru, ngaakumbire kuna Mwari, uwo unopa kunevanhu veshe ngokuwanzisa, asikakaraidzi, kunozopuwa kwaari.

Josh. 9:13

Neidzi mbudu dzevhini dzetakazadza dzaiya itsva; zvino ringirai dzapera kubauka, neizvi zvokusimira zvedu nemagwada edu zvapera kusakara ngendaa yomuhambo wedu mukuru.”

Vato. 1:1

Ngesure kwokufa kwaJoshua, vaIsuraeri vakabvunza Mambo Mwari vechiti, “Ndiani pakati pedu unozotanga kukwira koorwa nevaKhenani?”

Vato. 20:18

VaIsuraeri vakamiruka, vakakwira kuBhetheri, apo pevakabunza kupangwa ndiMwari, vakati, “Ndiani pakati pedu unozotanga kukwira kurwisana nevaBhenjamini?” NaMambo Mwari wakati, “Judha ndiye unozotanga kukwira.”

Vato. 20:28

NaFinehasi mukororo waEreaza mukororo waAroni, ndiye waiema pamberi paro ngaawo mazuva,) vechiti, “Tinozokwirazve here kuenda koorwa nehama dzedu vaBhenjamini, nokuti tirekere here?” Mambo Mwari wakati, “Kwirai, ngokuti mangwani ndinozovapira munyara dzenyu.”

1 Sam. 22:10

Wakamubvunzira kunaMambo Mwari, akamupa kudya, akamupazve shoti yaGoriathi muFiristia.”