Josh. 8:7 - Bhaibheri Rakachena muChindau

⁷ Naapo munozomiruka kubva pomunonga mwakahwarira, mutore dhorobha; ngokuti Mambo Mwari, Mwari wenyu unozoripa munyara dzenyu.

Josh. 8:7 Iomraidhean Croise

2 Madzi. 5:1

Zvino Naamani nduna yehondo yamambo weAramu, waiya munhu mukuru kunamambo wake, wairemeredzeka kunamambo wake, ngokuti kubudikidza ndiye Mambo Mwari waiya akapa kunyisa kwevaAramu. Kunyazwi waiya munhu waiya ngwazi yakashinga, asi waiya nemapere.

Josh. 8:1

Mambo Mwari wakati kunaJoshua, “Usatya, usapera simbazve; tora vanhu veshe vehondo uende navo, umiruke ukwire Ai. Ringira ndapa munyara yako mambo weAi, nevanhu vake, nedhorobha rake, nenyika yake.

Josh. 8:6

Vanozobuda kutirumbirira metsa tavakweya kubva kudhorobha; ngokuti vanozoti, ‘Vari kutiza kubva pamberi pedu kudai ngokutanga.’ Ndizvo tinozotiza kubva pamberi pavo.

Josh. 8:8

Naapo mwatora dhorobha, munozoripisha ngomuriro; kudai ngokupanga kwaMambo Mwari munozoita. Wonai ndamupanga.”

1 Sam. 23:4

Zvino Dhavhidha wakabvunza kwechipiri kunaMambo Mwari. NaMambo Mwari wakamupingura akati, “Eya, miruka, udzake Keira; ngokuti ndinozopira vaFiristia munyara yako.”