Josh. 8:4 - Bhaibheri Rakachena muChindau

⁴ Naye wakavapanga echiti, “Ringirai, munozohwarira muri pasinde pedhorobha, ngesure kwaro; musazoenda kuretu kubva kudhorobha, asi munozoita vakagara vakanasirira.

Josh. 8:4 Iomraidhean Croise

2 Madzi. 7:12

Mambo wakamiruka usiku, akati kunevaranda vake, “Zvino ndinomuronzera izvo zvetaitirwa ngevaAramu. Vanozia kuti tinenzara; ndizvo vamiruka kubva mukamba, vaenda koodzifisha murubaya vechiti, ‘Naapo vobuda kubva mudhorobha, tinozovabata vechizwa, topinda mudhorobha.’ ”

2 MaKro. 13:13

Asi Jerobhoamu wakazvongesa vanhu vamweni ngesure kwavo; ndizvo varwi vake vaiya pamberi paJudha, naavo vakazvongeswa vaiya sure kwavo.

Muchu. 7:19

Ungwaru hunogwinyisa vakangwara kupinda vatongi gumi vari mudhorobha.

Muchu. 9:16

Ndizvo ndinoti, “Ungwaru hwakapinda kunaka kupinda simba; asi zvakanyadaro ungwaru hwomurombo hunoshoorwa, nemazwi ake aapurutanwi.”

Zvak. 23:21

Ndizvo usazotenda kwavari; ngokuti vanozomuhwarira vanhu vanopinda makumi marongomuna, avo vadzisunga ngemhiko yokuti avazodyi nokuti kumwa metsa vamuuraya; zvino vanasirira, vechigarira chigondiso chinobva kwouri.”

Josh. 8:16

Ndizvo vanhu veshe veAi vakadaidzwa pamwepo kuti vavarumbirire; vakarumbirira Joshua vakakweyiwa kubva kudhorobha.

Josh. 8:3

Ndizvo Joshua wakamiruka, nevanhu veshe vehondo, vakakwira kurwa neAi. Joshua wakatsanangura varwi vanesimba makumi matatu emakumi emazana (30,000), ngwazi wakavatuma usiku.

Vato. 20:29

Ndizvo vaIsuraeri vakaemesa vamuna vakahwarira kutendenedza Gibhea.

Vato. 20:33

Vamuna veshe vaIsuraeri vakamiruka kubva kundau dzavo, vakadzirongedza kurwisa kuBhaaritamari, nevahwariri vaIsuraeri vakamiruka kubva kundau dzavo, kubva kumabirirazuva eGibhea.

Vato. 20:36

Zvino vaBhenjamini vakaona kuti vainyiswa. VaIsuraeri vakaita pfundamutete kunevaBhenjamini ngokuti vaigonda vahwariri vevaiya vaemesa kurwisa muGibhea.

Vato. 9:25

Ndizvo ngendaa yokuzondana pakati pavo vamuna veShekhemu vakamusira vahwariri padera pemitunhu. Vakabvukira veshe avo vaipinda ngenjira iyo; kwakashumirwa kunaAbhimerekhi.

Vato. 9:32

Ndizvo zvino miruka usiku, iwewe nevanhu vako vanewe, muvahwarire mushango.

1 Sam. 15:2

Unoronza izvi Mambo Mwari wehondo, ‘Ndinozoorora vaAmareki ngendaa yezvevakaita kurambira vaIsuraeri njira, apo pevakabuda kubva Egipite.

1 Sam. 15:5

Sauri wakauya kudhorobha raAmareki, akavahwarira mubani.