Josh. 8:28 - Bhaibheri Rakachena muChindau

²⁸ Ndizvo Joshua wakapisha Ai, wakariita murwi wematongo mhera nariini, eya, riri matongo metsa nanyamashi.

Josh. 8:28 Iomraidhean Croise

2 Madzi. 19:25

Amuzi kuzwa here njira yendakazviita ndiyo karetu? Ndakazvironga ngemikuwo yekaretu? Zvino ndazviita kuti zviitike, kuti iwewe uite uwo unozoparadza madhorobha akashosherwa kuti aite mirwi yematongo.

Isa. 17:1

Izwi guru ngendaa yeDhamasekusi. “Ringirai, Dhamasekusi rinozoemeswa kuti risachaita dhorobha, naro rinozoita murwi wematongo.

Isa. 25:2

Ngokuti waita dhorobha kuti riite murwi, dhorobha rinorusvingo riite matongo; ngome yevapara arisisiri dhorobha; arizoakwizve.

Jer. 49:2

Ndizvo, ringira, mazuva anouya,” unoronza Mambo Mwari, “Apo pendinozoridza kuti mhere yokurwa hondo nedhorobha reRabha revaAmoni; rinozoita murwi wezvakaparadzwa, nemaguta aro anozopishwa ngomuriro; naapo Isuraeri unozotora nhaka kubva kuneavo vakamutorera nhaka,” unoronza Mambo Mwari.

Jer. 50:26

Uyai murwe naro kubva kumarutii aro eshe, beurai matura aro; muriunganidze kudai ngemirwi yezviyo, muparadze yaamho; musarisiira nachimwe charo.

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Dhuto. 13:16

Munozounganidza zveshe zvakachakatwa zvaro pakati pemapato aro, munozopisha dhorobha iro ngomuriro, nazvo zveshe zvakachakatwa zvaro, kusasara nachimwe, ngepamusoro paMambo Mwari, Mwari wenyu, kuita mudiro wokupisha zveshe kunaMambo Mwari, Mwari wenyu. Rinozoita matongo mhera nariini; arichazoakwizve.

Dhuto. 13:17

Kusazonamira kunyara yako nechiro nachimwe cheizvo zvakatukwa, kuti Mambo Mwari akunukuke kubva kunoushungu hwake hunotyisa, amupangidzire nyasha, amuzwire kusvipa mwoyo, nokumuwandisa, kudai ngezvaakapika kumadzibaba enyu,

Josh. 4:9

Joshua wakaemesa mapuwe gumi namairi mukati mweJorodhani, apo paiya pakaema tsoka dzevapristi vaitwara bhokisi rechitenderano, nawo aripo metsa nanyamashi.

Josh. 8:29

Naye wakaturika mambo weAi pamuti metsa kwakasvipa; ngokukasira apo zuva rapota Joshua wakapanga kuti vadzase muiri wake kubva pamuti, nokuukandira pokupinda pamusiwo wedhorobha, nokuunganidza padera pawo murwi mukuru wemapuwe; aripo metsa nanyamashi.