Josh. 8:2 - Bhaibheri Rakachena muChindau

² Newe unozoita kunedhorobha iri reAi namambo waro, kudai ngezvewakaita kuneJerikho namambo waro; kwega zvakachakatwa zvaro, nezvifuyo zvaro, munozozvitora kuita zvakachakatwa zvenyu. Ndizvo emesa vanohwarira ngesure kwedhorobha.”

Josh. 8:2 Iomraidhean Croise

2 MaKro. 13:13

Asi Jerobhoamu wakazvongesa vanhu vamweni ngesure kwavo; ndizvo varwi vake vaiya pamberi paJudha, naavo vakazvongeswa vaiya sure kwavo.

2 MaKro. 20:22

Naapo vechitanga kuemba nokukudza, Mambo Mwari wakaemesa varwi ngokufishika koorwisa vaAmoni, nevaMoabhi, nevoMutunhu Seira, avo vaiya vauya koorwisa vaJudha, ndizvo vakavauraya.

Nduyo 39:6

Ngegwinyiso munhu weshe unohamba kudai ngebvuri. Ngegwinyiso vanotsinzwa ngepasina chiro; unounganidza upfumi, asikazii kuti ndiani unozohutora.

Mazwi 13:22

Munhu wakanaka unosiira nhaka kunevana vevana vake, asi upfumi hwomushaishi unozongwaririrwa vakarurama.

Mazwi 28:20

Munhu unogondeka unozoona zvifumiso zvakawanda, asi iye unokasira kuita mupfumi aazoiti usina ndaa.

Jer. 17:11

Kudai ngechikware chinofungatira mazanda echisikazi kubara ndizvo zvakaita uwo unounganidza upfumi ngenjira isikazi kururama, unozohusiya achipakati pemazuva ake nepakupera kwake unozoita benzi.

Jer. 51:12

Emesai mujeki pamarukumbati eBhabhuroni, gwinyisai kurinda, emesai varindi, emesai vahwariri; ngokuti Mambo Mwari wakaita zveshe kuronga nokuita zvaakaereketa ngevanogara Bhabhuroni.

Dhuto. 2:35

Zvega zvifuyo takazvitora kuita zvakachakatwa zvedu temene, nezvakachakatwa zvemadhorobha awo etakanyisa.

Dhuto. 20:14

Asi vakadzi, nevana nen'ombe, nazvo zveshe zviri mudhorobha, zvakachakatwa zveshe, munozodzitorera kuita zvenyu. Munozodya zvakachakatwa zvemagaa enyu, zvemwakapuwa ndiMambo Mwari, Mwari wenyu.

Dhuto. 3:2

Mambo Mwari wakati kwendiri, “Musamutya, ngokuti ndamupa iye nevanhu vake veshe, nenyika yake munyara dzenyu, nemwi munozoita kwaari kudai ngezvemwakaita kunaSihoni mambo wevaAmori, uwo waitonga muHeshibhoni.”

Josh. 10:1

Naapo Adhonizedheki mambo weJerusarema aiya azwa ngenjira yaakatora ndiyo Joshua Ai, naye ariparadza yaamho echiita kuAi nokunamambo waro kudai ngezvaakaita kuJerikho namambo waro, nenjira yevakaita nevanhu veGibheoni kuti vaiyane nevaIsuraeri, vaiya pakati pavo,

Josh. 10:28

Ngeiro zuva Joshua wakanyisa Makedha wakaribaya ngokupinza kweshoti, wakauraya mambo waro, ivo nevanhu veshe varo; aazi kusiya naumwe. Wakaita kunamambo weMakedha kudai ngezvaakaita kunamambo weJerikho.

Josh. 11:14

Nezvakachakatwa zveshe zvemadhorobha aya, nezvifuyo zvawo, vaIsuraeri vakazvichochota ngokwavo; asi vanhu veshe vakavabaya ngokupinza kweshoti, metsa vaiya vavapedza, navo avazi kusiya naumwe echipona.

Josh. 6:21

Vakaparadza zveshe zvaiya mudhorobha ngokupinza kweshoti, veshe vamuna nevakadzi, vatsva nevasharuka, n'ombe, hwai nezvimbongoro.

Josh. 8:12

Wakatora vanhu vaida kuita makumi emazana mashanu (5,000), wakavaemesa kuti vahwarire ngepakati peBhetheri neAi, ngokumabirirazuva kwedhorobha.

Josh. 8:14

Apo mambo weAi aona ichi, iye nevanhu vake veshe vagari vedhorobha, vakakasira kumuka mangwanani, kuenda kundau yakaemeswa kurwa nevaIsuraeri; asi aazi kuzia kuti vaiyapo vakahwarira ngesure kwedhorobha.

Josh. 8:19

Nevahwariri vakakasira kumiruka kubva kundau yavo, vakarumba ngokukasira achatambanudza nyara yake. Vakapotera mudhorobha, vakaritora, vakakasira vakaripisha ngomuriro.

Josh. 8:24

Apo vaIsuraeri vaiya vapedza kuuraya vagari veAi veshe vaiya murubaya, apo pevakarumbirira, naapo vaIsuraeri veshe vakapetuka Ai, vakavauraya ngokupinza kweshoti.

Josh. 8:3

Ndizvo Joshua wakamiruka, nevanhu veshe vehondo, vakakwira kurwa neAi. Joshua wakatsanangura varwi vanesimba makumi matatu emakumi emazana (30,000), ngwazi wakavatuma usiku.

Josh. 8:7

Naapo munozomiruka kubva pomunonga mwakahwarira, mutore dhorobha; ngokuti Mambo Mwari, Mwari wenyu unozoripa munyara dzenyu.

Josh. 8:8

Naapo mwatora dhorobha, munozoripisha ngomuriro; kudai ngokupanga kwaMambo Mwari munozoita. Wonai ndamupanga.”

Josh. 8:9

Ndizvo Joshua wakavatuma kuti vaende; navo vakaenda koohwarira, vakagara pakati peBhetheri neAi, ngokumabirirazuva kweAi; asi Joshua wakaata ngouhwo usiku pakati pevanhu.

Josh. 9:3

Asi apo vagari veGibheoni vaiya vazwa izvo zvaakaita Joshua kuneJerikho naAi,