Josh. 8:18 - Bhaibheri Rakachena muChindau

¹⁸ Zvino Mambo Mwari wakati kunaJoshua, “Tambanudza mukhondo wako uri munyara yako wakaringira Ai; ngokuti ndaripa munyara yako.” NaJoshua wakatambanudza mukhondo wake waiya munyara yake, akaringira kudhorobha.

Josh. 8:18 Iomraidhean Croise

Jobe 15:25

Ngokuti unotambanudza nyara yake kurwa naMwari, unodzikudza kunoUwo Une-simba-reshe,

Jobe 39:23

Padera paro pane chikomwe chinorira, mukhondo unon'anikira nechimukhondo chokuposhera.

EKISEDHUSI 14:16

Mirudza ndonga yako, utambanudze nyara yako padera poruandhle, urigure ngepakati; nevana vaIsuraeri vanozohamba pakati poruandhle padera pemavhu akaoma.

EKISEDHUSI 8:1

Zvino Mambo Mwari wakati kunaMosi, “Potera kunaFaro, wechiti kwaari, ‘Mambo Mwari unoronza izvi, Tendera vanhu vangu vaende, vandidire.

EKISEDHUSI 8:5

Mambo Mwari wakati kunaMosi, “Ronza kunaAroni, ‘Tambanudza nyara yako ine ndonga padera pemvura, pemikova, pemakandwa, uite kuti mitanja ikwire padera penyika yeEgipite.’ ”

Ezek. 30:25

Ndinozogwinyisa mioko yamambo weBhabhuroni nemioko yaFaro inozorungunuka. Navo vanozozia kuti inini ndini Mambo Mwari, apo pendinozoisa shoti yangu munyara yamambo weBhabhuroni. Unozoitambanudzira padera penyika yeEgipite,

Josh. 8:17

Akuzi kusara mwamuna muAi nokuti Bhetheri, usikazi kubuda koorumbirira vaIsuraeri; vakasiya dhorobha rakabeuka, vakarumbirira vaIsuraeri.

Josh. 8:19

Nevahwariri vakakasira kumiruka kubva kundau yavo, vakarumba ngokukasira achatambanudza nyara yake. Vakapotera mudhorobha, vakaritora, vakakasira vakaripisha ngomuriro.

Josh. 8:26

Ngokuti Joshua aazi kupfinyisa nyara yake yaakatambanudza ndiyo mukhondo wake, metsa aiya apedza yaamho vagari veshe veAi.

Josh. 8:7

Naapo munozomiruka kubva pomunonga mwakahwarira, mutore dhorobha; ngokuti Mambo Mwari, Mwari wenyu unozoripa munyara dzenyu.

1 Sam. 17:41

NomuFiristia wakakwedzera kunaDhavhidha, nomunhu waiya akatwara chihlangu chake wakahamba pamberi pake.

1 Sam. 17:45

Asi Dhavhidha wakati kunomuFiristia, “Iwewe unouya kwendiri uneshoti nomukhondo nechihlangu; asi inini ndinouya kwouri ngezina raMambo Mwari wehondo, Mwari wehondo dzaIsuraeri, uwo wewakashoora.

1 Sam. 17:6

Nayo yaiya nezvihlangu zvethusi mumirenje yayo, nekachihlangu kethusi pakati pemakhadza ayo.