Josh. 8:14 - Bhaibheri Rakachena muChindau

¹⁴ Apo mambo weAi aona ichi, iye nevanhu vake veshe vagari vedhorobha, vakakasira kumuka mangwanani, kuenda kundau yakaemeswa kurwa nevaIsuraeri; asi aazi kuzia kuti vaiyapo vakahwarira ngesure kwedhorobha.

Josh. 8:14 Iomraidhean Croise

Muchu. 9:12

Ngokuti munhu aazii nguva yake yedambudziko. Kudai ngehove dzinobatwa muchitaa chakashata, nokudai ngeshiri dzinobatwa mumurau, ndizvo vanhu vanobatwa pamukuwo wakashata, apo perinowira padera pavo chiriporipo.

Isa. 19:11

Vatongi veZoani mapenzi emene; vapangi vakangwara vaFaro vanopa kupanga kwoupenzi. Mungaita maronzerenyi kunaFaro kuti, “Ndiri umwe weavo vakangwara, mubarirwana wemadzimambo ekare?”

Isa. 19:13

Vatongi veZoani vaita mapenzi, nevatongi veNofi vakachengedzerwa; avo vari buwe repakhona remadzinza ayo vakapaukisa Egipite.

Dha. 4:31

Apo mazwi achiri mumuromo wamambo, kwakazwika izwi rechibva mudenga rechiti, “O mambo Nebhukhadhineza, kunoronzwa kwouri kuti: Umambo hwabva kwouri.

Mateu 24:39

Navo avazikuzia metsa ndambi yakaguma, yakavatora veshe, kunozodarowo kuuya kwoMukororo woMunhu.

Mateu 24:50

mambo wouwo muranda unozouya ngezuva raasikakariri neawa raasikazii.

Dhuto. 1:1

Aya ndiwo mazwi aakaereketa Mosi kuvaIsuraeri veshe ngoruseri rweJorodhani vari mushango, mubani rakaringirirana neSufi, pakati pePharani neToferi, Rabhani, Hazerothi, neDhizahabhi.

Josh. 8:13

Ndizvo vakaemesa vanhu vehondo veshe vaiya ngedera kwedhorobha, nevahwariri vaiya ngokumabirirazuva kwedhorobha. Joshua wakaenda ngouhwo usiku mukati mwebani.

Josh. 8:15

Joshua navaIsuraeri veshe vakaita kunga vanyiswa pamberi pavo, vakatiza ngenjira yomushango.

Josh. 8:16

Ndizvo vanhu veshe veAi vakadaidzwa pamwepo kuti vavarumbirire; vakarumbirira Joshua vakakweyiwa kubva kudhorobha.

Josh. 8:5

Inini nevanhu veshe vanogara neni, tinozokwedzera kudhorobha. Naapo vechibuda kurwa nesu, kudai ngokutanga, tinozotiza kubva pamberi pavo.

2 Pet. 2:3

Mukuemura kwavo vanozomuchengedzera ngemazwi okudziitisa. Kutongwa kwavo kwakaronzwa kubvira karetu akunonoki nokurashwa kwavo akuati.

Vato. 20:37

Varwi vaiya vakahwarira vakakasira kurumba kuenda Gibhea. Zvino vakabaya veshe vaiya mudhorobha ngokupinza kweshoti.