Josh. 8:1 - Bhaibheri Rakachena muChindau

¹ Mambo Mwari wakati kunaJoshua, “Usatya, usapera simbazve; tora vanhu veshe vehondo uende navo, umiruke ukwire Ai. Ringira ndapa munyara yako mambo weAi, nevanhu vake, nedhorobha rake, nenyika yake.

Josh. 8:1 Iomraidhean Croise

Nduyo 27:1

Mambo Mwari ndiye kujeka kwangu noruponeso rwangu; ndiani wendingazotya? Mambo Mwari isimba rokupona kwangu; ndiani wendingazotya?

Nduyo 44:3

ngokuti avazi kutora nyika ngeshoti yavo, nemioko yavo aizi kuvapa kunyisa; asi nyara yako yokumudyo, nomuoko wako, nokujeka kwehope yako, ngokuti wakadakara ndivo.

Nduyo 46:11

Mambo Mwari wehondo unesu; Mwari waJakobe ibako redu. Selah. KuneMutungamiriri woKuemba. Nduyo yeVakororo vaKhora.

Isa. 12:2

Ngegwinyiso, Mwari ruponeso rwangu; ndinozogonda, andizotyi, ngokuti Mambo Mwari, Mwari isimba rangu, nokugwinya kwangu; naye waita ruponeso rwangu.”

Isa. 43:2

Naapo wechiambuka ngomumvura, ndinozoapo newe; peunopinda mundwizi adzizokunzvaidzi; naapo peunopotya mumuriro, auzopishwi, nomurazvu auzokupedzi.

Jer. 46:27

“Asi iwewe, usatya, muranda wangu Jakobe, newe usapera simba, O Isuraeri; ngokuti, ringira, ndinozomuponesa kubva kuretu, nemibarirwana yenyu kubva munyika youbatwa hwavo. Jakobe unozopetuka, echizorora nokugarisika; akuna naumwe unozoita kuti atye.

Jer. 49:3

“Boorera, O Heshibhoni, ngokuti Ai raparadzwa. Chemai yaamho, O maguta aRabha! Pfekai machira emasaka; chemai, nokudzichaya ngemboma pachenyu! Ngokuti Mirikhomu unozopinda muubatwa, pamwepo nevapristi navatongi vake.

Dha. 2:21

Unotsandudza mikuwo nenguva, unobvisa madzimambo, nokuemesa madzimambo; unopa ungwaru kunevakangwara nokuzia kwevari vanokuzwisisa.

Dha. 4:25

Vanozokudzinga kubva kuvanhu, nougaro hwako hunozoita nemhuka dzomushango, newe unozopuwa mwenje kudya, kudai ngen'ombe, unozonyakatika ngebeto romudenga, nemikuwo minomwe inozopinda padera pako, metsa uzie kuti Uri-padera-pazveshe unotonga muumambo hwevanhu, nokuupa kunouwo waanotsanangura.

Dha. 4:35

Veshe vanogara munyika vanoerengwa kudai ngezvisipo, naye unoita kudai ngokuda kwake ngehondo yomudenga, napakati pavo vanogara munyika. Akuna naumwe ungarambidza nyara yake, nokuti kuronza kwaari kuti, “Unoitenyi?”

Mateu 8:26

Naye wakati kwavari, “Munombotya ngenyi, imwimwi munokutenda kudoodoko?” Naapo wakamiruka, akakaraidza mubvumo noruandhle; kwakaapo kuterama kukurutu.

Dhuto. 1:21

Wonai, Mambo Mwari, Mwari wenyu waisa nyika pamberi penyu; kwirai muigare, kudai ngezvaakaronza Mambo Mwari, Mwari wemadzibaba enyu, wakamugondisa; musatya nokuti kupera simba.”

Dhuto. 31:8

NdiMambo Mwari ndiye unohamba pamberi pako. Unozoa newe, aazokukoreresi nokuti kukusiya. Usatya, usapera simbazve.”

Dhuto. 7:18

Musazovatya. Asi munozonasa kukarakadza chaakaita Mambo Mwari, Mwari wenyu, kunaFaro nomunyika yeshe yeEgipite,

Dhuto. 7:21

Musazovatya, ngokuti Mambo Mwari, Mwari wenyu, uri pakati penyu, uri Mwari unesimba nounotyisa.

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 10:7

Ndizvo Joshua wakakwira kubva Girigari, iye nevanhu veshe vehondo, nevanhu veshe vari ngwazi dzinoshinga.

Josh. 10:8

Mambo Mwari wakati kunaJoshua, “Usavatya, ngokuti ndavapa munyara dzako; akuna nomunhu naumwe unozokona kuema pamberi pako.”

Josh. 2:24

Navo vakati kunaJoshua, “Ngegwinyiso Mambo Mwari wapa nyika yeshe munyara dzedu; zve, vagari veshe venyika vanopera simba ngokutya pamberi pedu.”

Josh. 6:2

NaMambo Mwari wakaereketa kunaJoshua echiti, “Wona, ndapa munyara dzako Jerikho, pamwepo namambo waro, nevarwi vehondo.

Josh. 7:9

Ngokuti vaKhenani navo veshe vagari venyika vanozochizwa, vanozotitendenedza, kundau dzeshe, vanozodzima zina redu kubva padera penyika. Zvino unozoitenyi kunezina rako guru?”