Josh. 7:26 - Bhaibheri Rakachena muChindau

²⁶ Vakaunganidzira padera pake murwi mukuru wemapuwe uripo nanyamashi. Zvino Mambo Mwari wakakunukuka kubva muushungu hwake hunotyisa. Ndizvo zina reiyo ndau rakadudzwa kuti Bani raAkho metsa nanyamashi.

Josh. 7:26 Iomraidhean Croise

2 Sam. 18:17

Vakatora Abhusaromu, vakamukandira muhunza huru yaiya mugwasha, vakaunganidza murwi wemapuwe mukuru padera pake. Naapo vaIsuraeri veshe vakatiza umwe ngaumwe kuenda kutende rake.

2 Sam. 21:14

Vakatsira magodo aSauri naaJonathani mukororo wake munyika yaBhenjamini muZera, muiba raKishi baba ake; vakaita zveshe zvevakapangwa ndimambo. Ngesure kweizvo Mwari wakaitira nyasha nyika.

2 MaKro. 29:10

Zvino zvirimwo mumwoyo mwangu kuti ndiite chitenderano naMambo Mwari, Mwari waIsuraeri, kuti ushungu hwake hunotyisa hukunukuke kubva kwetiri.

Ezura 10:14

Vakuru vedu ngavaemerere mbungano yeshe, naavo veshe mumadhorobha edu vakatora vakadzi vapara ngavauye ngenguva dzakaemeswa, vauye navo vakuru nevatongi vedhorobha rimwe ngarimwe, metsa ushungu hunotyisa hwaMwari wedu pandaa iyi hwaduswa kubva kwetiri.”

Nduyo 85:4

Tipetudzeizve, A Mwari woruponeso rwedu, dusa ushungu hwako huri kwetiri.

EKISEDHUSI 32:12

VaEgipite vanozoereketa ngenyi vechiti, ‘Mukushaisha wakavabudisa kuti avauraye pamitunhu nokuvapedza kubva padera pehope yenyika?’ Kunukuka kubva kuushungu hwako hunotyisa, utenderuke kubva mune uku kushata kuvanhu vako.

Isa. 40:2

“Ereketai ngokuembedzera kuneJerusarema, daidzirai kweriri, kuti kushanda kwaro kwakakonza kwapera, nokushaisha kwaro kwaripirwa, iro raashira kubva kunyara yaMambo Mwari kwakahwirinzirwa kwokushaisha kwaro kweshe.”

Isa. 65:10

Sharoni rinozoita mafuro emakwai neBani reAkho rinozoita ndau yokutiza zvifuyo, zvevanhu vangu avo vanonditsvaka.

Chi. 3:53

Vakandikandira murindi ndechipona, vakakandira mapuwe padera pangu.

Hos. 2:15

Kubvira apo ndinozomupa minda yake yemivhini, nokuita Bani reAkho musiwo wokugonda. Naapo unozopingura, kudai ngemazuva outsva hwake, nokudai ngezuva raakabuda kubva munyika yeEgipite.

Hos. 2:17

Ngokuti ndinozodusa mazina aBhaari kubva kumuromo wake, nakamwe aachazombodaidzwi ngemazina awo.

Joeri 2:13

Baurai mwoyo wenyu, haiwa zvokusimira zvenyu. Petukai kunaMambo Mwari, Mwari wenyu, ngokuti unenyasha, akazara ngokukungurira, unononoka kunyangadzwa, wakazara ngenyasha dzinorudo, naye unodzibata mwoyo kubva mukuorora.

Joeri 2:18

Zvino Mambo Mwari wakaita ndurumwa ngenyika yake, nokukungurira vanhu vake.

Jona 1:15

Ndizvo vakatora Jona, vakamukandira muruandhle; noruandhle rwakanyarara.

Zek. 6:8

Zvino yakadaidzira kwendiri, yakaereketa yechiti, “Ringira, avo vanoenda kunyika yedera vanyaradza mweya wangu munyika yedera.”

Zvi. 25:8

wakateera mwamuna muIsuraeri mutende, wakavabaya veshe vairi, mwamuna muIsuraeri nomukadzi kupotya ngomundani. Ndizvo nhenda yakapera pakati pevana vaIsuraeri.

Dhuto. 13:17

Kusazonamira kunyara yako nechiro nachimwe cheizvo zvakatukwa, kuti Mambo Mwari akunukuke kubva kunoushungu hwake hunotyisa, amupangidzire nyasha, amuzwire kusvipa mwoyo, nokumuwandisa, kudai ngezvaakapika kumadzibaba enyu,

Dhuto. 13:18

kudai mwechizopurutana izwi raMambo Mwari, Mwari wenyu, ngokungwarira mipango yake yeshe yendinomupanga nyamashi, kuti muite zviri zvakanaka mukuona kwaMambo Mwari, Mwari wenyu.

Josh. 10:27

Pakupota kwezuva, Joshua wakapanga, vakavadzasa kubva pamiti, vakavakandira mubako umwo mwevaiya vakahwara; vakaisa mapuwe makuru pamuromo webako, nawo aripo metsa nanyamashi.

Josh. 7:24

NaJoshua pamwepo nevaIsuraeri veshe vakatora Akhani mukororo waZera, nesirivha, nenguwo, nechigurwa chomukore, nevakororo vake, nevanasikana vake, nen'ombe dzake, nembongoro dzake, nehwai dzake, netende rake, nazvo zveshe zvaaiya nazvo; vakazviunza kuBani raAkho.

Josh. 8:29

Naye wakaturika mambo weAi pamuti metsa kwakasvipa; ngokukasira apo zuva rapota Joshua wakapanga kuti vadzase muiri wake kubva pamuti, nokuukandira pokupinda pamusiwo wedhorobha, nokuunganidza padera pawo murwi mukuru wemapuwe; aripo metsa nanyamashi.