Josh. 7:21 - Bhaibheri Rakachena muChindau

²¹ Apo ndakaona pakati pezviro zvakachakatwa nguwo yakanaka yeBhabhuroni, nemakhirogramu mairi esirivha, nechigurwa chomukore chairema kupinda rupande rwekhirogramu, naapo ndakazviemura ndakazvitora. Wona, zvakafishwa mumavhu, pakati petende rangu, nesirivha iri pashi pazvo.”

Josh. 7:21 Iomraidhean Croise

Gen. 10:10

Nokuamba kwoumambo hwake hwakaambira paBhabheri, Erekhi, Akadhi naKharine munyika yeShina.

Gen. 3:6

Ndizvo apo mukadzi aona kuti muti wakanaka kudyiwa nokuti waidakadza madziso, nokuti muti waiya wechidikanwa kuti munhu angwadzwe, wakatora muchero wawo wakaudya; akapawo umweni kumwamuna wake, waiya naye, nayewo wakadya.

Gen. 34:27

Vakororo vaJakobe vakauya kune vakaurawa, vakachakata dhorobha, ngokuti vakasvipisa mukunda wavo.

Gen. 6:2

vakororo vaMwari vakaona kuti vanasikana vevanhu vakanaka; navo vakadzitorera kuita vakadzi avo vavakada kudai ngokutsanangura kwavo.

2 Sam. 11:2

Kwakaitika zuva roobira kuti Dhavhidha wakamiruka kubva pamubhedhi wake, wakahamba padera pedenga remhatso yamambo. Wakaona mukadzi echishamba; mukadzi waiya akanaka yaamho mukuoneka kwake.

2 Madzi. 7:8

Naapo ava vanhu vaiya nemapere vaguma kumagumo ekamba, vakapotera mutende, vakadya nokumwa, vakatoramwo sirivha, mukore nezvokufuka, navo vakaenda koozvifisha. Zvino vakapetuka, vakapinda mutende rimweni, vakatorazve kubvamwo zviro zvimweni, vakaendazve koozvifisha.

Jobe 31:1

Ndaita chitenderano nemadziso angu; zvino ndingaita maemurirenyi mhandara?

Nduyo 119:37

Kunukudzira madziso angu kubva mukuringira zvisina shwiro; ndipe kupona munjira dzako.

EKISEDHUSI 20:17

“Usazoemura mhatso yomuakirwana wako; usazoemura mukadzi womuakirwana wako, nokuti muranda wake, nokuti murandakadzi wake, nokuti kabi yake, nokuti mbongoro yake, nokuti chiro kunyazwi ngechiri chomuakirwana wako.”

Mazwi 1:19

Ndizvo zvakaita njira yomunhu weshe unokarira kuuyirwa; kunodusa kupona kwevane vakwo.

Mazwi 23:31

Usaringira vhini apo ratsvuka, apo rechivhaira mutsani, nokudzerera pashi zvakanakisa.

Mazwi 28:22

Mukari unokasira kuti aone upfumi, aapinimidzi kuti urombo hunozomugumira.

Mazwi 4:23

Ngwarira yaamho mwoyo wako, ngokuti kwouri kunobuda zvinyuka zvokupona.

Isa. 28:15

Ngokuti mwati, “Taita chitenderano norufu, neSheori tinechitenderano; naapo kupondwa kwakakurisa kwapinda, akuchazouyi kwetiri; ngokuti takaita kuti manyepo aite ndau yedu yokutizira, nomukunyepa takahwaramwo.”

Isa. 29:15

Ihehe kwevari vanotsvakisisa kufishira Mambo Mwari urongwa hwavo mundau dzakadzama, avo mishando yavo iri muchidima, neavo vanoti, “Ndiani unotiona?” Nokuti, “Ndiani unotizia?”

HABHAKUKI 2:9

“Ihehe kwaari unoona kuuyirwa kwoupfumi kumhatso yake ngenjira yakashata, kuti aemese saki rake padera, kuti anunurirwe kusimba revakashata!”

Ruka 12:15

Naye wakati kwavari, “Ngwarai, mwechidzitarausa kubva mukuemura kweshe; ngokuti kurarama kwomunhu akubvi mukuwanda kwoupfumi hwaanahwo.”

Ruka 12:2

Ngokuti akuna chiro chakadumaidzwa chisikazoonekwi, nokuti chakafishika chisikazoziikanwi.

Vaefesu 5:3

Asi kuomba nezvinosvipisa zveshe nokuemura zvisazoereketwa ndizvo pakati penyu, kudai ngezvinosisira pakati pevakacheneswa.

Vaefesu 5:5

Muwe negwinyiso reizvi, kuti akuna muombi nokuti munhu wakasvipiswa nokuti unoemura (kuronza kuti mudiri wemiedzaniso), unodya nhaka muumambo hwaKristu nohwaMwari.

Dhuto. 7:25

Miedzaniso yezvimwari zvavo yakatsetswa munozoipisha ngomuriro. Musazoemura sirivha nokuti mukore uwo uri kwezviri, nokuti kuutora kuita wenyu, kuti musazoteiwa ndiwo; ngokuti chinyangadzo kunaMambo Mwari, Mwari wenyu.

Vakorose 3:5

Ndizvo urayai zviemuriro zvenyu zvenyika: kuomba, kusikasukika, kuemura kwomuiri, kudisisa zvakashata nokuemura pfuma, ukwo kuri kudira miedzaniso.

Vahebheru 13:5

Kupona kwenyu ngakuite kusikakariri mare, itai vanogutiswa ngeizvo zvomunazvo; ngokuti wakati, “Anditongokurekeri nokuti kukusiya.”

Jakobe 1:15

ndizvo apo kuemura kwamera mimba, kunobara kushaisha, nokushaisha apo kwakura, kunobara rufu.

Josh. 7:20

NaAkhani wakapingura Joshua echiti, “Ngegwinyiso ndakashaisha kunaMambo Mwari, Mwari waIsuraeri, ndakaita ichi neicho.

Josh. 7:22

Ndizvo Joshua wakatuma vanengeri navo vakarumba kuenda kutende; wona, zvaiya zvakafishwa mutende rake, nesirivha yaiya pashi pazvo.

2 Pet. 2:15

Vakasiya njira yakarurama navo vakapauka, vechiteera njira yaBharamu, mukororo waBheo, uwo wakada musharo wokuita zvakashata.