Josh. 7:2 - Bhaibheri Rakachena muChindau

² Joshua wakatuma vanhu kubva Jerikho kuenda Ai, iro riri pasinde peBhethiavheni, ngokumabvazuva kweBhetheri, naye wakaereketa kwavari echiti, “Kwirai muende koonengera nyika.” Nevanhu vakakwira koonengera Ai.

Josh. 7:2 Iomraidhean Croise

Gen. 12:8

Wakabvapo, akaenda kumutunhu uri ngokumabvazuva kweBhetheri, wakaemesa tende rake, Bhetheri riri ngokumabirirazuva neAi ngokumabvazuva. Naapo wakaakira Mambo Mwari arita, akakumbira ngezina raMambo Mwari.

Gen. 28:19

Wakadudza zina reiyo ndau kuti Bhetheri; asi zina reiro dhorobha raizwi Ruzi pakutanga.

1 Madzi. 12:29

Wakaisa chimwe muBhetheri, nechimweni wakachiisa muDhani.

Neh. 11:31

Vana vaBhenjamini vakagarawo kubvira Gebha kuenda mberi metsa kuguma Mikhimashi, Aija, Bhetheri, nomumaguta awo,

Mazwi 20:18

Mazano eshe anogwinyiswa ngokupangwa; urwe hondo ngokuteera kupangwa kwakangwara.

Mazwi 24:6

ngokuti ngokutungamirira kwakangwara unokona kurwa hondo yako; muuwandu hwevapangi munokunyisa.

Isa. 10:28

Wauya kuAiathi, wahamba ngemuMigroni; paMikhimashi unongwaririsa mutwaro wake;

Jer. 49:3

“Boorera, O Heshibhoni, ngokuti Ai raparadzwa. Chemai yaamho, O maguta aRabha! Pfekai machira emasaka; chemai, nokudzichaya ngemboma pachenyu! Ngokuti Mirikhomu unozopinda muubatwa, pamwepo nevapristi navatongi vake.

Hos. 4:15

Kunyazwi wechihura, O Isuraeri, usatendera kuti Judha ashaishe. Usapotera Girigari, nokuti usakwira Bhethiavheni, nokuti kupika kuti, “Kudai ngezvaanopona Mambo Mwari.”

Mateu 10:16

“Ringirai, ndinomutuma kudai ngemakwai mukati mwemathika. Ndizvo mwechingwara kudai ngenyoka, mwakapfaa kudai ngenjia.

Vaefesu 5:15

Ndizvo nasai kungwara mukuhamba kwenyu, musikadai ngevanhu vasikazi kungwara, asi mudai ngevakangwara,

Josh. 12:9

Mambo weJerikho, umwe, mambo weAi iro riri pasinde peBhetheri, umwe,

Josh. 18:12

Mugano wavo ngorutii rwedera waibvira Jorodhani; wechikwira ngorutii rwedera rweJerikho, nawo wakadarika kupotya mitunhu ngokumabirirazuva; nokubuda kwokuguma kwawo kwaiya kweshango reBhethiavheni.

Josh. 2:1

NaJoshua mukororo waNuni wakatuma vairi kubva Shitimu, kuenda koonengera ngokufishika echiti, “Endai, mwodongorera nyika, kakurutu Jerikho.” Ndizvo vakaenda, vakaguma kumhatso yechifebi, zina racho raiya Rahabhi, navo vakaatapo.

Josh. 7:3

Vakapetuka kunaJoshua, vakati kwaari, “Usaita kuti vanhu veshe vakwireyo; asi ungaita kuti makumi emazana mairi (2,000) nokuti matatu akwireyo, vaparadze Ai; usatambudza vanhu veshe ngokukwireyo, ngokuti vashomani.”

1 Sam. 13:5

VaFiristia vakadziunganidza kurwa nevaIsuraeri, makumi matatu emakumi emazana (30,000) engoro, makumi emazana matanhatu (6,000) evagadhi vemahachi, nevanhu vehondo vakawanda kudai ngejecha remahumbikumbi yoruandhle. Vakakwira, vakaaka matende muMikhimashi kumabvazuva kweBhethiavheni.

1 Sam. 14:23

Ndizvo Mambo Mwari wakaponesa vaIsuraeri ngeiro zuva. Kurwisana kwakapinda kuenda mberi kweBhethiavheni.

1 Sam. 30:27

Zvaiya zvaavo vaiya vari muBheteri, vari muRamothi rekubani, vari muJatiri,