Josh. 7:15 - Bhaibheri Rakachena muChindau

¹⁵ Nouwo unozotsanangurwa unezviro zvakatukwa unozopishwa ngomuriro, iye nazvo zveshe zvaanazvo, ngokuti wakagura chitenderano chaMambo Mwari, ngokuti wakaita zvakashata muIsuraeri.”

Josh. 7:15 Iomraidhean Croise

Gen. 34:7

Vakororo vaJakobe vakauya kubva mushango; naapo vazvizwa, vamuna ava vakatambudzika, vakatseneka kakurutu, ngokuti wakaita chiro chakapinda kushata kuvaIsuraeri ngokuatana nomwana waJakobe; chiro chisikasisiri kuti chiitwe.

2 Sam. 13:13

Inini ndingazofisha pari kutsveruka kwangu? Newe unozoita umwe wemapenzi muIsuraeri. Ndizvo zvino, ndinokupota, ereketa kunamambo; ngokuti aazorambi neni kundipa kwouri.”

Josh. 7:11

VaIsuraeri vakashaisha; vakagura chitenderano changu chendakavapa. Vakatora zviro zvakatukwa, vakaba nokuchengedza, vakazviisa mukati mwenhumbi dzavo.

Josh. 7:16

Ndizvo Joshua wakamiruka mangwanani maishi, wakaunza vaIsuraeri ngemadzinza avo; nedzinza raJudha rakatsanangurwa.

Vato. 20:10

Tinozotsanangura vamuna gumi kubva mukati mwezana (100) rimwe ngarimwe kubva kumadzinza eshe evaIsuraeri, nezana (100) revamuna kubva mukati mwevamuna varigumi emazana (1,000) negumi emazana (1,000) evamuna kubva kugumi emakumi emazana (1,000), kuti vaunzire zvokudya zvevarwi, vanozounzidzira Gibhea raBhenjamini kuti vaite kudai ngoupenzi hweshe hwevakaita muIsuraeri.”

Vato. 20:5

Vamuna veGibhea vakandimukira kundirwisa, vakatendenedza mhatso usiku, vanechidisiso chokundiuraya. Navo vakamanikidza bunha rangu, metsa rakafa.

Vato. 20:6

Neni ndakatora bunha rangu ndikaritematema kuita zvigurwa, ndikaritumira munyika dzeshe dzenhaka yaIsuraeri; ngokuti vakaita kushaisha nezvoupenzi muIsuraeri.

1 Sam. 26:21

Zvino Sauri wakati, “Ndashaisha; petuka, mukororo wangu Dhavhidha, ngokuti andichazokutambudzizve, ngokuti nyamashi mweya wangu unomutengo mukurutu mukuona kwako. Ringira, ndakaita upenzi, ndakashaisha kakurutu.”