Josh. 7:1 - Bhaibheri Rakachena muChindau

¹ Asi vaIsuraeri vakapauka ngendaa yezviro zvakatukwa, ngokuti Akhani mukororo waKhami, mukororo waZabhudhi, mukororo waZera, wedzinza raJudha, wakatora zviro zvakatukwa; noushungu hwaMambo Mwari hwakabaka kunevaIsuraeri.

Josh. 7:1 Iomraidhean Croise

Gen. 34:27

Vakororo vaJakobe vakauya kune vakaurawa, vakachakata dhorobha, ngokuti vakasvipisa mukunda wavo.

2 Sam. 24:1

Noushungu hwaMambo Mwari hwakabakazve kunevaIsuraeri, wakamusa Dhavhidha kuti ati kwevari, “Endai, muerenge Isuraeri naJudha.”

2 Madzi. 5:24

Naapo aguma kumutunhu, wakazvitora kubva kunyara dzavo, akazvifisha mumhatso; wakaendesa vanhu, navo vakaenda.

1 MaKro. 21:7

Asi Mwari wakanyangadzwa ngeichi chiro; ndizvo wakachaya vaIsuraeri.

2 MaKro. 24:18

Navo vakasiya mhatso yaMambo Mwari, Mwari wemadzibaba avo, vakadira sika dzokudira nemiedzaniso. Noushungu hwakaguma padera paJudha neJerusarema ngendaa yokupauka kwevakaita.

Ezura 9:6

Ndakati, “A Mwari wangu, ndatsveruka kakurutu nokutsveruka kuti ndimirudze hope yangu kwouri, Mwari wangu, ngokuti zvishaishi zvedu zvakwira kudarika padera pemasoro edu, nokushaisha kwedu kwakura kuguma kumatenga.

Jobe 35:8

Kushata kwako kungaremadza vamweni vakadai ndiwe; nokururama kwako kungadetsera mukororo womunhu.

Muchu. 9:18

Ungwaru hwakanaka kupinda zvokurwa ndizvo hondo, asi mushaishi umwe unoparadza zvakanaka zvakawanda.

Dha. 9:7

O Mambo Mwari, kururama kuri kwouri, asi kwetiri kutsveruka kwehope, kudai ngezviripo nyamashi, kwevari vanhu vaJudha nevagari vemuJerusarema, nokwevari vaIsuraeri veshe, avo vari pasinde, naavo vari kuretu, kunyika dzeshe kwowakavadzingira, ngendaa yokushaisha kwevakaita kwouri.

Revhi 10:6

NaMosi wakati kunaAroni nokunaEreaza nokunaIthama, vakororo vake, “Musadusa ngundu dzenyu kubva pamasoro enyu, zve, musabaura zvokusimira zvenyu, kuti musafa, nokuti ushungu husazodzaka padera pevanhu veshe; asi hama dzenyu, mhatso yeshe yaIsuraeri vangachema uku kupisha kwaakabasa Mambo Mwari.

Jona 1:7

Vakati umwe kuneumweni wake, “Uyai, ngatiite mabhigidha, kuti tizie kuti ndaa ngeyani yaita kuti uku kushata kwauya padera pedu.” Ndizvo vakaita mabhigidha, akabata Jona.

Josh. 22:16

“Inoronza izvi mbungano yeshe yaMambo Mwari yechiti, ‘Kupaukanyi uku kwomwaita kubva kunaMwari waIsuraeri, kukunukuka kuhwirira sure nyamashi, kubva mukuteera Mambo Mwari, ngokudziakira arita, kuti mumukire Mambo Mwari ngeiri zuva?

Josh. 22:18

kuti mukunukuke nyamashi kubva mukuteera Mambo Mwari? Kuti mukamukira nyamashi Mambo Mwari, mangwani unozotsenekera dzinza reshe revaIsuraeri.

Josh. 22:20

Akhani mukororo waZera aazi kupauka here ngokutora zvezviro zvakatukwa, noushungu hwakadzaka padera pembungano yeshe yaIsuraeri? Nouwo munhu aazi kufa ega mukati mwokushata kwake!’ ”