Josh. 6:5 - Bhaibheri Rakachena muChindau

⁵ Naapo vechizoridza magwama mukuwo wakareba, naapo mwazwa bope remagwama, vanhu veshe vanozodaidzira ngokudaidzira kukurutu; norukumbati rwedhorobha runozowa pashi, nevanhu veshe vanozopotera kubva apo pevari.”

Josh. 6:5 Iomraidhean Croise

EKISEDHUSI 19:19

Naapo kurira kwegwama kwakakura nokukura, Mosi wakaereketa, naMwari wakamupingura ngokutinhira.

Isa. 25:12

Ukwiriri hwemarukumbati ake huchaputsirwa pashi, kuukandira pashi pamavhu, kunyazwi nokubukuta.

Isa. 30:25

Nepadera pomutunhu weshe wakareba nepadera pechimutunhu cheshe dzinozoapo ndwizi nezvimikova zvinoerera mvura, ngezuva rokuurawa kukurutu, apo panowa marusvingo.

Jer. 50:15

Daidzirai kurwa naro kubva kumarutii eshe kuti, ‘Radzipira; matsikiro aro awa, marukumbati aro apwanyirwa pashi.’ Ngokuti uku ndikwo kuunzidzira kwaMambo Mwari: riunzidzirenyi; kudai ngezverakaita itai kudaro kweriri.

Vahebheru 11:30

Ngokugonda marukumbati eJerikho akawa pashi, sure kwokutendererwa mazuva manomwe.

Josh. 6:16

Ngomukuwo wechinomwe apo vapristi varidza magwama, Joshua wakati kunevanhu, “Daidzirai! Ngokuti Mambo Mwari wamupa dhorobha iri.

Josh. 6:20

Ndizvo vanhu vakadaidzira nemagwama akaridzwa. Naapo vanhu vazwa bope remagwama, vanhu vakadaidzira ngokudaidzira kukurutu, norukumbati rwakawa pashi kuti serere; ndizvo vanhu veshe vakakwira kupotera mudhorobha, munhu weshe kubvira paaiya apo, vakatora dhorobha.

Josh. 6:4

nevapristi vanomwe vanozobata magwama manomwe emagondohwe vari pamberi pebhokisi rechitenderano. Ngezuva rechinomwe munozohamba kutenderera dhorobha kanomwe, vapristi vechiridza magwama.

Josh. 6:6

Ndizvo Joshua mukororo waNuni wakadaidza vapristi, akati kwavari, “Torai bhokisi rechitenderano, nevapristi vanomwe ngavabate magwama manomwe emagondohwe vari pamberi pebhokisi rechitenderano chaMambo Mwari.”

Vato. 20:37

Varwi vaiya vakahwarira vakakasira kurumba kuenda Gibhea. Zvino vakabaya veshe vaiya mudhorobha ngokupinza kweshoti.

1 Sam. 17:20

Dhavhidha wakafumira kumuka mangwanani maishi, wakasiya makwai nomuushi, wakatora zviro, akaenda, kudai ngezvaaiya apanga Jesi. Wakaguma pakamba, apo hondo yaiya yechienda koorwa, vechidaidzirwa hondo.

1 Sam. 17:52

Vanhu vehondo yaIsuraeri nevaJudha vakamiruka, vakadaidzira, nokurumbirira vaFiristia metsa kuguma Gathi nokumisiwo yaEkironi. Naavo vakaremadzwa vevaFiristia vakawa munjira yaienda Shaaraimu, metsa kuguma Gathi naEkironi.

1 Sam. 4:5

Naapo bhokisi rechitenderano chaMambo Mwari raunzwa mukamba, vaIsuraeri veshe vakadaidzira ngeizwi gurutu, ndizvo nyika yakaita maungira.