Josh. 6:4 - Bhaibheri Rakachena muChindau

⁴ nevapristi vanomwe vanozobata magwama manomwe emagondohwe vari pamberi pebhokisi rechitenderano. Ngezuva rechinomwe munozohamba kutenderera dhorobha kanomwe, vapristi vechiridza magwama.

Josh. 6:4 Iomraidhean Croise

Gen. 2:3

Ndizvo Mwari wakafumisa zuva rechinomwe akarichenesa, ngokuti ngeiro zuva Mwari wakazorora kubva kumushando wake weshe waakaita wokusika.

1 Madzi. 18:43

Wakati kunomuranda wake, “Kwira zvino, uringire kuruandhle.” Wakakwira, wakaringira, akati, “Akuna chiro.” Zvino wakati, “Hwirirazve, metsa wakwira mikuwo minomwe.”

2 Madzi. 5:10

NaErisha wakatuma nhumwa kwaari echiti, “Enda, ushambe muJorodhani mikuwo minomwe, nenyama yako inozotambiswa, newe unozosukika.”

2 Madzi. 5:14

Ndizvo wakadzaka, akatupira mikuwo minomwe muJorodhani, kudai ngokuronza kwomunhu waMwari; nenyama yake yakatambiswa ikadai ngeyomwana mudoko, naye wakasukika.

2 MaKro. 13:12

Ringirai, Mwari unesu kuti atitungamirire, nevapristi vakabata magwama kuti varidzire nyandayeyo yehondo kurwa nemwi. A vaIsuraeri, musarwa naMambo Mwari, Mwari wemadzibaba enyu; ngokuti amuzobudiriri akadi.”

2 MaKro. 20:17

Hondo iyi aisi yenyu kurwa kuti muirwe; torai ndau dzenyu, mueme mwakanyarara, muone kunyisa kwaMambo Mwari kwaanomuitira, imwimwi vaJudha neJerusarema. Musatya, nokuti kupera simba; mangwani budai koorwa navo, ngokuti Mambo Mwari unozoa nemwi.’ ”

2 MaKro. 20:19

NevaRevhi, vana vaKohathi nevana vaKhora, vakaema kukudza Mambo Mwari, Mwari waIsuraeri, ngeizwi gurutu.

2 MaKro. 20:21

Naapo paakapangana nevanhu, wakaemesa avo vaizoembera Mambo Mwari, kuti vamukudze muunaku hwokuchena kwake, apo vechienda pamberi pehondo vechiti, “Ngaabongwe Mambo Mwari, ngokuti rudo rwake runogara mhera nariini.”

Jobe 42:8

Ndizvo zvino, torai mikono minomwe nemagondohwe manomwe, muende kunomuranda wangu Jobe, mupire pachenyu mudiro wokupisha; nomuranda wangu Jobe unozomukumbirira, ngokuti ndinozoashira mukumbiro wake kuti ndisazoita kwomuri kudai ngoupenzi hwenyu; ngokuti imwimwi amuzi kuereketa ndini zvakarurama, kudai ngezvaitwa ngomuranda wangu Jobe.”

Isa. 27:13

Ngeiro zuva gwama guru rinozoridzwa, naavo vaiya varashika munyika yeAsiria naavo vakadzingirwa munyika yeEgipite vanozouya koodira Mambo Mwari padera pomutunhu wakacheneswa muJerusarema.

Revhi 14:16

nomupristi unozonyika chinwe chake chenyara yokumudyo mumafuta ari munyara yake yokumuoshwe, unozofafaza ngaao mafuta ngechinwe chake pamberi paMambo Mwari mikuwo minomwe.

Revhi 4:6

Mupristi unozonyika chinwe chake mungazi afafazire ndiyo kanomwe pamberi paMambo Mwari, pamberi pejira rendau yakachena.

Zek. 4:2

Yakati kwendiri, “Unoonenyi?” Neni ndakati, “Ndinoona chigadzikiro chechibani cheshe chomukore, nendiro huru padera pacho; zviripo zvibani zvinomwe padera pacho, nemiromo minomwe pazvibani zvinomwe, padera pacho.

Zek. 4:6

Yakati kwendiri, “Iri ndiro izwi raMambo Mwari kunaZerubhabheri, rinoti, ‘Haiwa ngesimba, nokuti ngehondo, asi ngoMweya wangu,’ unoronza Mambo Mwari wehondo.

Zvi. 23:1

Zvino Bharamu wakati kunaBharaki, “Ndiakire pano maarita manomwe, undinasirire pano mikono minomwe, nemagondohwe manomwe.”

Josh. 6:13

Vapristi vanomwe vakabata magwama emagondohwe manomwe vakahamba vari pamberi pebhokisi rechitenderano chaMambo Mwari, vakaangira kuridza magwama avo. Vamuna vakapakatira zvokurwa vakahamba pamberi pavo; nembungano yesure yakateera bhokisi rechitenderano chaMambo Mwari, vapristi vechihamba vechiangira kuridza magwama.

Josh. 6:3

Munozotenderera dhorobha, varwi vehondo munozohamba kuritenderera kamwe. Munozoita kudaro mazuva matanhatu,

Josh. 6:5

Naapo vechizoridza magwama mukuwo wakareba, naapo mwazwa bope remagwama, vanhu veshe vanozodaidzira ngokudaidzira kukurutu; norukumbati rwedhorobha runozowa pashi, nevanhu veshe vanozopotera kubva apo pevari.”

Chakapangijihwa 1:20

Kudai ngezvakafishika zvenyeredzi nomwe dzawaona munyara yangu yokumudyo, nezvigadzikiro zvezvibani zvinomwe zvomukore, nyeredzi nomwe ingirosi dzezviara zvinomwe nezvigadzikiro zvezvibani zvinomwe zviri zviara zvinomwe.

Chakapangijihwa 1:4

Johani kuzviara zvinomwe zviri muAsi. Nyasha ngadzia kwomuri nokunyarara, zvinobva kunouwo uripo, waiyapo nounouya, nokunobva kumweya minomwe iri pamberi pedendemaro rake;

Chakapangijihwa 10:3

Yakadaidzira ngeizwi guru, kudai ngokurira kwemhondoro; naapo yadaidzira, kutinhira kunomwe kwakatinhira.

Chakapangijihwa 15:1

Ndakaona chioniso chimweni mudenga, chikuru chinoshamisa: ngirosi nomwe dzine madambudziko manomwe, awo okugumisira, ngokuti ndiwo okugumisira kuonisa ushungu hwaMwari.

Chakapangijihwa 15:7

Nechimwe chezvisikwa zvinopona zvirongomuna chakapa ngirosi nomwe mikheyo minomwe yomukore yakazara ngoushungu hwaMwari, unopona mhera nariini nariini;

Chakapangijihwa 16:1

Zvino ndakazwa izwi guru rechibva mutemperi rechironzera ngirosi nomwe rechiti, “Endai, mwodururira munyika mikheyo minomwe youshungu hwaMwari.”

Chakapangijihwa 5:1

Zvino ndakaona munyara yokumudyo youwo wakagara pachigaro choumambo bhuku rakanyorwa mukati nokubanze, rakanamirwa ngezvinamiro zvinomwe;

Chakapangijihwa 5:6

Zvino ndakaona pakati pechigaro choumambo nepezvisikwa zvinopona zvirongomuna nepevakuru raiya rakaemapo Gwai rakadai ngerakaurawa, raiya rine nyanga nomwe nemadziso manomwe, izvo zviri mweya minomwe yaMwari yakatumwa panyika peshe.

Chakapangijihwa 8:2

Zvino ndakaona ngirosi nomwe dzakaema pamberi paMwari, dzakapuwa hwama nomwe.

Chakapangijihwa 8:6

Zvino ngirosi nomwe dzaiya hwama nomwe dzakanasirira kudziridza.