Josh. 6:24 - Bhaibheri Rakachena muChindau

²⁴ Vakapisha dhorobha ngomuriro, nazvo zveshe zvaiya umwo; asi sirivha, nomukore, nezvidziyo zvethusi nezvesimbi, vakazviisya kunezvoupfumi hwemhatso yaMambo Mwari.

Josh. 6:24 Iomraidhean Croise

2 Sam. 10:5

Naapo paakaronzerwa Dhavhidha, wakatuma vanhu kooshongana navo, ngokuti vanhu vakatsverudzwa kakurutu. Mambo wakati, “Garai Jerikho, metsa ndebvu dzenyu dzakura, nemwi munozopetuka uno.”

2 Madzi. 25:9

Wakapisha mhatso yaMambo Mwari, mhatso yamambo, nemhatso dzeshe dzeJerusarema, mhatso huru dzeshe, wakadzipisha ngomuriro.

1 MaKro. 18:11

Izviwo Dhavhidha mambo wakapira kunaMambo Mwari, pamwepo sirivha nomukore zvaakaunza kubva kumadzinza aya eshe kubva Edhomu, kubva Moabhi, kubva kuvana vaAmoni, kubva kuvaFiristia nokubva kuvaAmareki.

Zvi. 31:10

Vakapisha madhorobha avo eshe evaigara, nengome dzavo dzeshe ngomuriro;

Dhuto. 13:16

Munozounganidza zveshe zvakachakatwa zvaro pakati pemapato aro, munozopisha dhorobha iro ngomuriro, nazvo zveshe zvakachakatwa zvaro, kusasara nachimwe, ngepamusoro paMambo Mwari, Mwari wenyu, kuita mudiro wokupisha zveshe kunaMambo Mwari, Mwari wenyu. Rinozoita matongo mhera nariini; arichazoakwizve.

Dhuto. 13:17

Kusazonamira kunyara yako nechiro nachimwe cheizvo zvakatukwa, kuti Mambo Mwari akunukuke kubva kunoushungu hwake hunotyisa, amupangidzire nyasha, amuzwire kusvipa mwoyo, nokumuwandisa, kudai ngezvaakapika kumadzibaba enyu,

Dhuto. 20:16

Asi madhorobha eava vanhu, emwakapuwa ndiMambo Mwari, Mwari wenyu kuti aite nhaka kwomuri, amuzoponesi nachimwe chinosara chechizwa.

Josh. 11:11

Navo vakauraya vanhu veshe vaigaremwo ngokupinza kweshoti, vechivapedza yaamho; akuzi kusara naumwe waipona; naye wakapisha Hazori ngomuriro.

Josh. 6:19

Asi sirivha yeshe nomukore, nezvidziyo zvethusi nezvesimbi, zvakachena kunaMambo Mwari; zvinozounzwa muupfumi hwaMambo Mwari.”

Josh. 6:25

Asi Joshua wakaponesa Rahabhi, nemhatso yababa ake, navo veshe vaaiya navo, naye unogara mukati mwevaIsuraeri metsa nanyamashi; ngokuti wakafisha vanengeri vaakatuma Joshua kuti vanengere Jerikho.

Josh. 8:28

Ndizvo Joshua wakapisha Ai, wakariita murwi wematongo mhera nariini, eya, riri matongo metsa nanyamashi.

Chakapangijihwa 17:16

Nyanga gumi dzewaona, idzo nechikara zvinozonyenya hure; zvinozomuparadza mukumuita mutitinini, nokudya nyama yake nokumupisha ngomuriro.

Chakapangijihwa 18:8

Ndizvo madambudziko ake anozomugumira ngezuva rimwe, rufu, kubonda, nzara, naye unozopishwa ngomuriro; ngokuti Mambo Mwari, uwo unomutonga, unesimba.”