Josh. 6:21 - Bhaibheri Rakachena muChindau

²¹ Vakaparadza zveshe zvaiya mudhorobha ngokupinza kweshoti, veshe vamuna nevakadzi, vatsva nevasharuka, n'ombe, hwai nezvimbongoro.

Josh. 6:21 Iomraidhean Croise

1 Madzi. 20:42

Zvino wakati kwaari, “Unoronza izvi Mambo Mwari: Ngokuti iwewe wakarekera munhu kubva munyara dzako, wendakaemesera kuti aurawe, ndizvo kupona kwako kunozowa pandau yake, nevanhu vako vanozowa pandau yavanhu vake.”

Jer. 48:18

Dzaka kubva muutende, ugare pashi pakaoma, O vagari vemwanasikana weDhibhoni, ngokuti uwo muparadzi weMoabhi waguma kurwa newe, wapwanya bako rako.

Dhuto. 13:16

Munozounganidza zveshe zvakachakatwa zvaro pakati pemapato aro, munozopisha dhorobha iro ngomuriro, nazvo zveshe zvakachakatwa zvaro, kusasara nachimwe, ngepamusoro paMambo Mwari, Mwari wenyu, kuita mudiro wokupisha zveshe kunaMambo Mwari, Mwari wenyu. Rinozoita matongo mhera nariini; arichazoakwizve.

Dhuto. 2:34

Takatora madhorobha eshe ngouwo mukuwo, takapedza kuuraya veshe vamuna nevakadzi nevana vemadhorobha eshe. Atizi kusiya noumwe echipona.

Dhuto. 7:16

Nemwi munozopedza vanhu veshe vaanozopa kwomuri Mambo Mwari, Mwari wenyu. Musazovazwira urombo; zve, musazodira zvimwari zvavo, ngokuti icho chinozoita murau kwomuri.

Josh. 10:28

Ngeiro zuva Joshua wakanyisa Makedha wakaribaya ngokupinza kweshoti, wakauraya mambo waro, ivo nevanhu veshe varo; aazi kusiya naumwe. Wakaita kunamambo weMakedha kudai ngezvaakaita kunamambo weJerikho.

Josh. 10:39

Wakarinyisa, namambo waro, nemadhorobha aro eshe; vakavauraya ngokupinza kweshoti, vakapedza yaamho veshe vaiya umwo; aazi kusiya umwe echipona; kudai ngezvaaiya akaita kunaHebroni, nokudai ngezvaakaita kunaRibhina namambo waro, ngokudaro wakaitazve muDhebhiri nokunamambo waro.

Josh. 11:11

Navo vakauraya vanhu veshe vaigaremwo ngokupinza kweshoti, vechivapedza yaamho; akuzi kusara naumwe waipona; naye wakapisha Hazori ngomuriro.

Josh. 11:14

Nezvakachakatwa zveshe zvemadhorobha aya, nezvifuyo zvawo, vaIsuraeri vakazvichochota ngokwavo; asi vanhu veshe vakavabaya ngokupinza kweshoti, metsa vaiya vavapedza, navo avazi kusiya naumwe echipona.

Josh. 8:2

Newe unozoita kunedhorobha iri reAi namambo waro, kudai ngezvewakaita kuneJerikho namambo waro; kwega zvakachakatwa zvaro, nezvifuyo zvaro, munozozvitora kuita zvakachakatwa zvenyu. Ndizvo emesa vanohwarira ngesure kwedhorobha.”

Josh. 8:22

Nevamweni vanhu vakabuda kubva kudhorobha kurwa navo; ndizvo vaiya vaapakati pevaIsuraeri, vamweni ngeino; navamweni ngeino: vakavabaya, apana naumwe wakapona nokuti kupokonyoka.

Josh. 9:3

Asi apo vagari veGibheoni vaiya vazwa izvo zvaakaita Joshua kuneJerikho naAi,

Chakapangijihwa 18:21

Nengirosi inesimba yakamirudza buwe rakadai ngeguyo rakakura, ikarikandira muruandhle yechiti, “Ngokuwa kwakakura kudaro Bhabhuroni, dhorobha guru, rinozokandirwa pashi, arichazooneki nepadoodoko.

1 Sam. 15:3

Enda zvino urwise Amareki, nokuparadza yaamho zveshe zvevanazvo; usakungurira naumwe, asi uraya veshe, vamuna nevakadzi, vana, chiya nevachabva kubarwa, n'ombe nemakwai, makamera nezvimbongora.’ ”

1 Sam. 15:8

Wakatora Agagi mambo wevaAmareki echizwa asi wakauraya vanhu veshe ngeshoti.