Josh. 6:18 - Bhaibheri Rakachena muChindau

¹⁸ Asi imwimwi mudzingwarire kubva kuneizvo zvakatukwa, kuti musazodziita vakatukwa apo mwechiemura mwechitora chimwe chezviro zvakatukwa, nokuti kuita kuti kamba reIsuraeri riite rakatukwa, nokuriunzira madambudziko.

Josh. 6:18 Iomraidhean Croise

2 Sam. 21:1

Zvino kwaiyapo nzara ngomukuwo waDhavhidha makore matatu anoteererana; naDhavhidha wakabvunza kunaMambo Mwari. Mambo Mwari wakamupingura, akati, “Ngendaa yaSauri nendaa yengazi yemhatso yake, ngokuti wakauraya vaGibheoni.”

Muchu. 9:18

Ungwaru hwakanaka kupinda zvokurwa ndizvo hondo, asi mushaishi umwe unoparadza zvakanaka zvakawanda.

Jona 1:12

Wakati kwevari, “Nditorei, mundikandire muruandhle; mwadaro ruandhle runozonyarara kwomuri; ngokuti ndinozia kuti indaa yangu yaita kuti mubvumo mukuru uyu ugume padera penyu.”

Varoma 12:9

Rudo ngaruite rusina kudziitisa; nyenyai izvo zvakashata, batirirai kuneizvo zvakanaka;

2 VaK. 6:17

Ndizvo budai kubva pakati pavo, mudziparadzanise kubva kwavari, unoronza Mambo Mwari, musagwama chiro chakasvipiswa; naapo ndinozomuashira

Vaefesu 5:11

Musikaiyani nemishando yechidima isina michero, asi ngazvibudiswe pakujeka.

Dhuto. 13:17

Kusazonamira kunyara yako nechiro nachimwe cheizvo zvakatukwa, kuti Mambo Mwari akunukuke kubva kunoushungu hwake hunotyisa, amupangidzire nyasha, amuzwire kusvipa mwoyo, nokumuwandisa, kudai ngezvaakapika kumadzibaba enyu,

Dhuto. 23:10

Kudai aripo munhu kunyazwi ngouri pakati penyu, usikazi kusukika usiku, ngaabude kubanze kwekamba, asazopotera mukamba.

Dhuto. 7:26

Musazopotedza chinyangadzo mumhatso yenyu, kuti musazoita chituko kudai ndicho. Asi unozochinyenya yaamho, nokunyangadzwa ndicho, ngokuti chiri chiro chakatukwa.

Jakobe 1:27

Kudira kwakaperera nokusikazi kusvipiswa pamberi paMwari wedu naBaba ndikwo uku, kuhambira nherera neshirikadzi mukutambudzika kwavo, nokudzingwarira kuti asasvipiswa ngezvenyika.

Josh. 7:1

Asi vaIsuraeri vakapauka ngendaa yezviro zvakatukwa, ngokuti Akhani mukororo waKhami, mukororo waZabhudhi, mukororo waZera, wedzinza raJudha, wakatora zviro zvakatukwa; noushungu hwaMambo Mwari hwakabaka kunevaIsuraeri.

Josh. 7:13

Miruka, uchenese vanhu wechiti dzichenesei mangwani; ngokuti Mambo Mwari, Mwari waIsuraeri unoronza, ‘Zviripo pakati penyu zviro zvakatukwa, A Isuraeri; amuzokoni kuema pamberi pemagaa enyu, metsa mwarasha zviro zvakatukwa kubva pakati penyu.’

Josh. 7:15

Nouwo unozotsanangurwa unezviro zvakatukwa unozopishwa ngomuriro, iye nazvo zveshe zvaanazvo, ngokuti wakagura chitenderano chaMambo Mwari, ngokuti wakaita zvakashata muIsuraeri.”

Josh. 7:25

Joshua wakati, “Watitambudzirenyi? Mambo Mwari unozokutambudzawo nyamashi.” NavaIsuraeri veshe vakamuponda ngemapuwe, nokuvapisha ngomuriro, vapedza kuvaponda ngemapuwe.

1 Joh. 5:21

Vana vadoko, dzingwarirei kubva kumiedzaniso yokudira.

1 Sam. 15:9

Sauri nevanhu vehondo vakaponesa Agagi, makwai akanaka, n'ombe dzakanaka nedzakakora, nevana vemakwai, neizvo zveshe zvaiya zvakanaka, vasikazi kuuraya zveshe; asi izvo zvaiya zvakaonda nokushooreka, zveshe vakazviparadza yaamho.